Raw Galu Kaba Wa Na Lam (25.4.2021 )

Sak hkrung nga ai ten hta, rawt galu kaba wa mayu ai, lu su mayu ai lam ni gaw shyinggyim masha a tara masa nan rai nga ai, raitimung dai rawt galu kaba na lam hpe tatut hkrak galaw shakut ai ni gaw, grai nan yawm nga ai, manang wa rawt jat nga ai hpe n gun lu taw nga nna, madu hkum nan hkan galaw na gaw malap nga ai ni rai nga ai, nkau nga yang, madu hkum rawt jat na matu ngalaw ai manang ni rawt jat ai hpe mung manawn nga ai ni rai nga ai.

1.Lu la da ai gumhpraw kaw na mahkawng chye ai akyang nga hkra di ra ai...Bungli galaw sai nga yang, tinang hte ging dan ai masat masa langai du hkra, shang gumhpraw langai lu na rai nga ai, lu tawn da ai shang gumhpraw ntsa hpa ni jai lang na, hpa ni matut galaw na, kade ram gaw mahkawng da na ngu tsawn rai garan da nna, jai lai chye na mung ra hkyak dik rai nga ai. Dai hku nrai sha, byim mai ai hku sha jai lang na nga yang nang ngai a prat gaw rawt jat lam nnga dai hku sha naw rai nga na rai nga ai, ndai myit masa hpe galai shai na ra hkyak nga ga ai. Shut ai ngu chye ninglen matut hkawm sa taw na nga yang dai gaw, nau nan shanang lai sai lam rai nga ai, anhte a sak prat hpe ahpa atang sha nmai myit da nga ai. sha na, yup na, myit tsang lam nnga, aten hpe shalai na nga na ngu myit sawn nga na malai, lu na, sha na, masha madang dep hkra lu na ngu ai lam yen ni hpe, galai bang nna, myit sawn mai nga ai, dai zawn myit sawn dat ai hte, gumhpraw a ahkyka ai lam kade ram dam lada hkik hkam ai ngu ai hpe, chye na lu wa na rai nga ai, dai majaw gum hpraw hpe sadi sahka hte jai lang ga, gumhpraw mahkawng ga, dai mahkawng ai hta mung hpa galaw na matu ngu yaw shada ai lam tawn da u, dai yaw shada lam hpring yang, tatut hkrang shapraw galaw sa u ngu n gun jaw shadum ya mayu ai.

2.Ja gumhpraw hpe law htam hkra galaw u...Masha ni zawn sha mayu, bu hpun mayu, masha madang zawn nga mayu ai nga yang, gumhpraw law law lu yang she mai na rai nga ai, gumhpraw lawlaw nga mayu yang, bungli hpe grau shakut ra na rai nna, lu wa ai gumhpraw ni hpe mung law htam wa hkra chye galaw na ra nga ai.Majoi mau dung taw nga yang hpa byim wa lu na nrai nga ai, hpring tsup ai masha ni hpe yu nna, n gun lu taw na ai hte n ngut ai sha, tatut hkrak galaw shakut nga yang sha, masan sa lu na rai nga ai. dai majaw gumhpraw lu na ahkaw ahkang lam yan nga ai yawng hpe myit sawn daw dan nna, tatut hkrang shapraw galaw shakut na ra nga ai, dai sha n nga lu da ai ja gumhpraw ni hpe bai law htam hkra galaw na matu mung ra nga ai, lu wa ai gumhpraw ni kaw na nlaw htum bank hta mahkawng da ai hku nna mung mai galaw nga ai. Ya tatut hta galaw taw nga ai bungli sha n ga laga bungli galaw ai lam ni, masha ni a magam bungli hta shareyar shang lawm ai zawn re ni mung gumhpraw law htam na matu galaw ai ladat rai nga ai.

3. Bungli Mahkrum Madup Law Law Nga Hkra Shakut Ai Lam ngu ai hta bungli nnan shang wa ai ten hta shata shabrai nlaw na, ra ai ahkaw ahkang ni nlu ai majaw nga nna nmai myit la taw nga ai, ndai aten ni hta, shang gumhpraw hta, mahkrum madup ni gaw nang a matu, grau nna ahkyak lawm nga ai lam chye na da na matu ra nga ai, bungli mahkrum madup nga wa magang nang a atsam ningja gaw grau dai wa magang bai nang hpe ra kadawn ai ni gaw grau law wa magang rai nga ai. No 1 gaw magam bungli langai a ntsa, myit maju jung ai hte mahkrum madup kahtap kahtap tam ai lam rai nga ai rai tim, ndai langai kaw na lai laga lam yan ni nau akyu nnga ai nkaja ai akyu langai gaw nga ai hpe dum ra ai.

No 2 gaw magam bungli ni law law a ntsa, mahkrum madup hkan tam ai lam rai nga ai, ndai mung nang a matu jai lang lu na madang du hkra jai lang lu na nga yang masan sa nga tim, awra zawn zawn ndai zawn zawn hpan lahkawng rai taw yang alaga rai mat na rai nga ai, akyu ara hku nna, aten ni sha htum mat na, aw ra njau ndai njau alaga masha tai mat na sha rai nga ai.

No3 gaw, Nang a kan bau magam hpaji lam hte seng ai bungli mahkrum madup ni yawng hpe hka ja ai lam, dai hta hpring tsup hkra galaw na, bai dawn jan ai ten ni hta laga lam yan ni hpe npawt nhpang ram sha chye na da lu yang mai ai ngu ai hpan rai nga ai, kaja wa nga yang bungli mahkrum madup ngu ai gaw la chye ra ai hte htap htuk ai hku bai akyu jashawn jai lang lu na ahkyak la nga ai re.

No4. Myit shang sha ai lam hpe katu ra ai...Ndai lam hta gara bungli hta mi raitim, kung kyang ai hku chye chyang lu na matu,myit shang sha ai lam hpe katu nga na ra nga ga ai.shadu lu shadu sha ai, nta bungli galaw ai kaw na, kan bau lam hte, jawng magam du hkra dai katu ai myit ni nga ai rai yang chye loi, kung loi, chyena loi ai hte shara langai lu na loi nga ai re. myit shang sha ai lam katu nga ai wa byim na matu, hka ja mayu ai myit, chye mayu ai myit nga na mung ra nga ai, myit shang sha ai lam hpe gloi mung katu taw nga yang ten kadun laman hta nang shara langai lu wa na rai nna, dai myit shang sha ai lam hpe matut hting hkan mat na nga yang nang lu da ai shara mung ngang gring wa na rai nga ai.

No.5 Chye galaw masu na hkum nga.. Anhte shinggyim masha ni hta,laja lana re ai masha hpan langai mi nga ai, dai gaw nchey ai hpe chye ai zawn nga chye ai masha rai nga ai, dai masha hpan gaw gara shara kaw tawn da ra na nchye ai daram rai nga ia, dai zawn re masha hpan hpe, sharin ya yang mung nhkap la, galaw dat yang mung nhtang hku ria nna, shi nga sa taw ai makau grupyin a matu akyu njaw nga ai rai nga ai. Hpang jahtum hta shi hte nga sa lam bung ai masha ni gaw tawt lai mat wa nna,s hi sak prat gaw nan nan nga taw mat na rai nga ai dai masha wa gaw dai myit masa hpe ngalai shai dingsa gaman naw rai nga na lam hpe myit dum sharai ra nga ai re.

No6.Kanawn Mazum lam kaja hkra shakut u... ya na zawn shingjawng ai lam law ai prat hta kanawn mazum lam mung grai nan ahkyak shang lawm nga ai kaning re ai sut masa lam yan hta mi raitim, kanawn mazum lam gaw madung rai wa nga ai bai anhte langai hte langai a kanawn mazum lam ni mung kaja na ra nga ai dai rai yang sha, hku hkau tsawra ai ni law htam wa nna, madi shadaw ya lu na rai nga ga ai. dai majaw ndai kanawn mazum lam gaw nang a shingna zawn hkan nang nga na lam langai rai nga ai hpe dum ra ai.

No.7 chyahkrit ai lam hkum nga u, hkrit tsang ai lam ni a majaw, ahkaw ahkang kaja ni tat kau nga ai zawn, nang a rawt jat lam ni hta mung, pat shingdang chye nga ai re. nang lu tawn da ai aya tsaw nga ai raitim, nem ai raitim, manghkang shagu hta nang a ngyan atsam  hte n gun atsam ni lawm ra na rai nna, mayak hkrum wa ai ten shagu mung, nang hkrai mi rairai, wuhpung wuhpawng hte mi rai rai, tawt lai  gwi ai atsam ni nga ra ai, mang hkang shagu, mayak shagu gaw nang a atsam ningja hpe grau tsaw wa shangun chye ai hpe dum hprang da ra nga ai. Ndai zawn atsam, shaprat da ai lam gaw nang a rawt jak wa na lam a npawt mung rai nga ai ngu, n gun jaw dat let,

#youth

#rvakachinserice

#rvakachinservice-