Woi Awn Ningbaw Ai Lam ( Youth Program )

Woi awn ningbaw ai ngu ai lam hta, awng dang shangun ai lam yan langai hta, yaw shada lam hpe masat jahkrat chye ai lam rai nga ai, kara lam de gara hku sa na, gara hku hkawm sa na ngu ai yaw shada lam langai ngai hpe, nlu jahkrat ai ningbaw wa a hpang de kadai nkam hkan na sha rai nga ai, dai majaw ningbaw galaw mayu ai i... yaw shada lam masing ni hpe jahkrat ngut sai i? ngu san na ra nga sai, yaw shada lam kata hte hkawm sa na lam nchye ai ningbaw wa a hpang hkan nang na nga yang, hkan ai wa a mara mung lawm nga sai re hpe dum ra ai ngu ...

Tinang yaw shada masat da ai lam gaw,1. daw dan jahkrat masat lu ai lam rai ra na 2. masha yawng hte htuk manu ai hte, jaw ai lam rai ra na. 3. hkawm sa lu ai lam rai ra nga ga ai, Ningbaw ngu ai gaw, yaw shada lam hte maren, hkawm sa nga taw tim, mabyim masa lam yan galai gring yang galai lu ai wa rai nga ai. Lam yan galai kau ai a majaw, hpang hkan nang ai ni a myit hta, myit shuk ai lam ni byim yang byim na, yaw shada lam hpe, n shamat kau ai sha, ding ding hkawm sa ra na nga tim, nmyit mada mayak ni hte mang hkang lam ni a majaw, lam yan masa galai ra na nga yang, hpa majaw galai ra ai lam hpe, atsawm chye na hkra tsun dan lu ra nga ai, kam ai lam hte hpang hkan nang ai ni mung, tinang a ningbaw wa a yaw shada lam hpa majaw galai shai mat ai ngu ai hpe, chye na lu ai atsam ni nga hkra, shakut ra nga ai ngu ndai shara kaw mu mada lu ai.

Kalang lang, yaw shada da ai lam hku hkawm sa let, lata gindu mai ai ni hpe lata gin dun, nmai gin dun ai ni hpe, tawn da ra ai lam ni mung, nga na rai nga ai. Ningbaw ai wa ngu ai gaw, gara hku lata gin dun la mai ai hpe tsawm sha chye na da ai wa rai nga ai, Magazin langai hta, ningbaw ni malawng hkrat sum ai lam gaw, nchye na nna, arawng power madun ai lam hte dai arawng power hpe gara hku jai lang ra ai hpe tsawm nshaman da ai majaw rai nga ai  nga nna tsun da ai hpe mu lu ai.

Ningbaw ngu ai gaw, hpaw da ai lam hta, ngai sha Madu rai nga nna, woi awn lu ai wa rai taw tim, tinang hpa galaw ra na hpe tsawm sha chye da ai sha n ga, yawng hpe  gahkin gumdin let, awng dang ai ban dung de woi sa lu ai wa rai ra nga ai.

Ningbaw ngu ai wa gaw, myit marai lam ni hta mung, ngyang gring magrau grang ai wa rai ra nga ai, ningbaw ai lam hta, awng dang lam tsang hte tsang hpe myit marai hpring hte galaw lu na matu, hkrung madun lu ra nga ai, gin shalat ai lam ni hte, ning nan ni hpe shaw madun lu nna, hkap la lu hkra mung shakut ra ai, masha kaja hpe lata nna, masha jaw shara jaw hta tawn da chye ai wa rai ra nga ai

Yaw shada lam hpe, ngang gring lu na matu, masat shangun ai ngu ai mung, shaman shakyang wa yang she lu ai rai nga ai, gara lam hpe hkan ra na ngu ai hta, myit sawn lu ai lam ni hte mung seng nga ai, Madung Gaw Hpaji Rai Nga Ai, hpaji rawng nna, myit sawn daw dan lu ai ngyan hte hpring ai wa gaw, hkawm sa na lam lam yan hpe jaw jaw masing masa jahkrat lu na sha rai nga ai.

Hpyen ma ni hpe majan shang na matu jin jin galaw da ngu matsun nra nga ai, shanhte hta galoi mung jin jin rai hkra shaman shakyang da chyalu rai nga ai, shanhte hpa galaw ra ai ngu ai hpe tsawm sha chye nga ai ni rai nga ai, mahkrum madup hte shaman shakyang lam ni gaw, shahte hpe sak hkrung na lam hte, awng dang wa lu na lam de woi sa nga ma ai re ngu shadum n gun jaw dat let,

#youth

#rvakachinservice