Jawng Hpaji Nngut Yang Bungli Nlu Nga Ai Kun? ( Ramma lamang )

Anhte a myanmar mungdan hta, bungli galaw lu ai ahkaw ahkang hte seng nna madung ra kadawn nga shi ai gaw aten kadun galaw lu ai bungli rai nga ai, nga gaw nga tim, nlaw shi ai hpe mu mada lu ai, dai hta  jawng nngut shi ai ramma ni, aten kadun magam bungli ni galaw mayu ga ai hpe mung, mu chye na chye lu nga ai.

Kaja wa nga yang, ya na zawn ten kadun magam bungli ni law law shabyim ya na nga yang, anhte mungdan na ramma ni mung bungli kata masha yawm wa lu na teng sha rai ng ai. Ndai kaw gaw lahta tsang awng tim, bungli lu na hkum tsun dakkasu jan mau lu tim bungli lu na yak nga ai madang naw rai nga ai.

Dai majaw ramma law malawng gaw, jan mau nlu shi ai ten, jan mau lu ai ten ni du hkra, kanu kawa ni a shingnip kaw nga taw ra shi ai rai nga ai, ndai gaw ramma ni a mara mung nrai nga ai, ramma ni hta bungli galaw na myit rawng nga tim, ahkaw ahkang nlu nga ga ai, ten kadun magam bungli ni nnga ai, nga ai ni sha mung jawng hpaji nngut shi ai majaw nkam jaw ma ai law nga ai.

Jawng nngut shi ai ramma ni a matu, madung ningdat lam gaw ten kadun bung li galaw ahkaw ahkang yawm nga shi ai rai nga ai, jan mau nlu shi ai ten du hkra, dinghkrai shang gumhpraw ni hte nlu tsap nga shi ai law nga ai, kanu kawa ni hpe shamyat shanat ra nga shi ai re, dai hta ramma law malawng san ai ga san gaw, jawng laika nngut shi yang bungli nlu  ai i, mahkrum madup nlu yang bungli nlu ai i ngu ai lam rai nga ai.

Bai ten gadun bungli ra kadawn nga ai zawn, bai langai ra ai gaw bungli sharin ladaw shaga ai lam rai nga ai. Company ni gaw bungli sharin ladaw nshaga ai daram re, kung kyang ai magam gun ni sha shaga nga ai hpe mu lu nga ai, dai majaw ramma ni a matu, bungli lu na matu, madung mayak ni hpe madun u nga yang, jawng sharin dabang nngut shi yang bungli lu na ahkaw ahkang yawm ai , bungli sharin ladaw nshaga ai daram rai nga ai lam rai nga ai, ndai lahkawng lapran hta, ramma ni bungli lu na matu kaba dik ai ningdat lam rai nga ai ngu mai tsun nga ai.

Lahta de tsun lai wa sai zawn, jawng hpaji nngut yang bungli lu na nloi nga ai. dai majaw, jang nngut shi yang bungli magam shang na ramma ni hpe n gun jaw mayu ai gaw, bugli shawk ai shaloi, jawng hpaji hte seng nna, masat shadang nnga shi ai bungli ni hpe, shawk shangun mayu ai hpang langai gaw, bungli nlata na matu n gun jaw mayu ai, dai zawn rai yang gaw bungli  lu na matu myit da ai daram n-yak na rai nga ai.

Matut nna tsun mayu ai gaw, jawng hpajji nngut shi yang bungli lu mayu ai nga yang bungli nmai lata taw ai, tinang myit lawm ai bungli, hkawm sa mayu ai ban dung ni de kalang ta du mat ai ni gaw nlaw nga ai, law malawng maga gaw, lakang ninggam ni hpe, gau ngwi ngwi lung kabye ra nga ai re, dai majaw bungli galaw na matu mung ra kadawn nga ai, jawng mung nngut shi ai nga yang, bungli lu na matu  bungli nmai lata taw ai ngu kahtap nna hpaji jaw mayu ai. Bungli langai ngai kaw shang galaw let, tinang a myit lawm ai, ban dung ni a matu n gun ban ya lu ai hpaji lam ni hpe, hkaja u ngu n gun jaw mayu ai.

Law malawng gaw, tinang myit lawm ai bungli nlu dingsang, bungli tam nga ai ni law nga ai, kam kaja yang gaw tinang myit lawm ai hte magam bungli lu chye nga tim, nkau mi gaw tinang myit nlawm tim galaw taw nga ra ai ni mung law law rai nga ai. Ndai zawn galaw taw ra na myit ndaw shangun mayu ai, ndai bungli gaw tinang a sak prat shawng lam hkawm sa na matu  re, ngu hpe myit hta bang da ra ai.

Ndai lapran ten lu ai hta hkan nna, tinang a myit lawm ai hpaji hte seng nna hka ja shakut u, ndai lam yan gaw ban dung de sa na matu, kaba la ai madi shadaw ya lam rai nga ai. Jahtum hku nna tsun ga nga yang, jawng hpaji nngut tim, bugnli mai lu, mai galaw nga ai. dai majaw bungli tam nga ai ramma ni myit ndaw ga, tinang yaw shada ai myit mang ai kaw na bungli langai nlu shi ai lapran, tinang hte htap htuk ai bungli langai ngai kaw shang galaw mai nga ai.

Dai bungli ni kaw na, mahkrum madup la u, sharin hkam la lu mai ai daram sharin hkam la u, hpang jahtum tinang a bungli hta, hpaji nlu ai nga tim, shinggyim a myit masa lam ni hpe, nang hka ja lu wa na gaw, teng sha rai nga ai, magam gun shada da a myit masa, bungli madu ni a myit masa ni hpe hka ja mai ai dai majaw jawng nngut shi tim bungli tam mayu ai, bungli galaw mayu ai  ramma ni hku nna, shadang masat ai lam ni nnga ai sha gringdan ai bungli langai ngai hpe lawan lu wa u ga ngu yaw shada let,

#youth

#rvakachinservice