Mai Kaja Ai Lam Ni Hpe Sha Myit Sawn Yu Ga ( Youth Program )

Dai ni na prat hta, masha shada da lapran shing jawng hkat ai lam ni law law rai wa nga ai. Dai zawn shing jawng ai lam ni law wa ai hte rau, myit hte seng ai lam ni rawt tsaw wa ai zawn, yawm wa ai lam ni mung law wa nga ai.

Anhte ni gaw, mara tsip ni rai nga ai hte, mara galaw na grai loi nga ai, mai kaja lam ni hpe sharin la na nga yang langyan nga tim, nkaja ai lam ni sharin la ai lam hta gaw lawan ladat chye loi nga ga ai, mai kaja lam ni myit sawn na matu, lit li dum ai lam gaw  kaja ai akyang nrai nga ai. Anhte ni shanu nga ai makau grupyin a matu, kaja ai lam ni gin shalat ya na ahkyak la nga ai.

Dai ni na anhte a prat gaw, galai shai ai lam grai nan law nna, ahkaw ahkang ni mung law htam ai prat rai nga ai. Rawt jat wa ai prat masa hta hkan nna, kaja ai lam ni mung law wa ai zawn, nkaja ai lam ni mung hkrit na zawn law htam wa ai hpe dai ni anhte mu lu nga ga ai re, nkau daw maga nga yang mat mat wa ai madang de du wa nga ai hpe mu lu ga ai.

Social Media a kaja ai, nkaja ai shiga ngang gring lam, n-ngang gring lam, mungdan shagu a sut masa lam ni, mungdan hte mungdan rawt jat wa ai ni a, gaup ai lam hpe anhte hkam ra nga ga ai, kun dinghku lam kaw na, mungkan lam du hkra, set kan mi hta shiga ni hpe mara lu, jahkrat lu ai du hkra rawt jat tsaw lung wa  nga ai mung rai nga ai. Ramma ni, internet jai lang let, makau grupyin hte tsan gang wa ai lam, internet a nkaja ai akyu ara de ramma ni du shang mat ai lam ngu zawn re lam ni byim pru wa nga ai.

Maga mi hta mung, game ginsup let wuhpung kaji byim wa let, manang ni byim wa nna, tinang a myit lawm lam ni hpe shaw madun wa lu ai lam, mungdan shagu de lahkam dep wa ai lam ngu zawn re ai  mai kaja lam ni hpe mung mu lu nga ga ai, Lam yan shagu hta kaja ai hte nkaja ai lam nga chyalu rai nga ai. tinang a mu mada lam hte, bai jai lang ai lam a ntsa kaw she madung rai nga ai Masha langai gaw yup rawt wa ai hte, Lamu Mung ai nga nna, aput a ngun nga ai hpang langai gaw marang htu yang yi hkauna galaw ai ni a matu kaja ai nga nna, bai langai gaw marang ndai mung htu chyu htu nga nna tsun chye na rai nga ai, Bung pre ai mabyim langai hta nhtang hkam la ai lam nbung ai gaw shinggyim nan rai nga ai

Dai zawn sha anhte a ga si ni ngu ai mung, anhte a masin salum a chying hka rai nga ai anhte a myit kraw kata, kaja ai lam ni byim pru na matu, mai kaja ai hkringhtawng ni mahkawng ra nga ai, nkaja ia lam ni pru wa yang, shi mahkawng da ai lam ni hpe shaw jai lang ai rai nga ngu na sha masat na rai nga ai. anhte ni gaw, shara shagu hta galoi mung kaja lu na gaw nloi nga ai, shinggyim myit masa, mu ai yu jut, madang ni, hpaji ni, makau grupyin, kun dinghku nta masha ngu zawn re ni nbung ai a majaw, ten langai nrai langai hta gaw galai shai lam ni byim wa chye nga ga ai.

Hpa mi rai tim tsawra ai ramma ni hpe n gun jaw mayu ai gaw, kaja ai myit masa lu na matu, shakut gaw gap la mai nga ai, kaja ai lam ni hpe sha myit yang masha a hkum hkrang mung mai kaja akyu law law  hpe jaw ya ai nga nna sawk sagawn da ai lam ni mung nga nga ai re.

Ndai lam ni yawng a mahtai gaw, Madu Yesu Hkristu a katsi hpe yu let, sak hkrung hkawm sa ra nga ai, shi a matsun ga ni hpe hkan nang hkan sa ra ai, Madu Karai Ksang hpe Katsi da let anhte nang ngai kaja ai katsi hte ngam nga na matu shakut ra nga ai anhte ni grai law hkra nlu galaw di pyi nhtoi nnan hta tsawm hkawm sa lu ai lam gaw Madu Karai Kasang a shaman chye ju re ai lam hpe chyeju shakawn chye ra ga ai,

Shawang myit kaba hte garum jaw ai lam ni, Nawku Jang man man lung ai zawn re ai mu mada lam maga sha n ga, myit kraw kata na, mai kaja ai myit sawn lam ni pru wa lu na matu mung shakut yang she, kaja ai hkristan byim wa lu na rai nga ai. Kaji la ai lam yan ni kaw na hkawt madu hkum san seng hkra shakut shaman ai rai yang anhte a sak prat hta, sum sing mung dan de du shang wa lu na teng sha rai nga ai majaw, hkam la lu ai akyu chyeju ni hpe myit sawn hti yu let,  sakse kaja  katsi kaja ni byim tai wa lu hkra shakut hkawm sa wa ga ngu gam garan ya let

#youth

#rvakachinservice