Prat Dep Ramma Ni Hte, Tawn Da Gring Ai Mahkyen Lamang Ni ( Youth Program )

Tsawra ai ramma ni anhte shanu nga ai mungkan ga hta, shaning ni galai wa ai hte rau, ladat hpaji ni mung, bawng ring rawt jat wa magang rai nga ai, dai ladat hpaji ni sha n ga, hpaji lam hte magam bungli ahkaw ahkang lam ni, shinggyim nga sa lam hte sut masa lam yan shagu ni mung, anhte ramma ni hpe ningdat nnan lam ni hte hkap tau let nga nga ai mungkan rai wa nga ai.

Ndai zawn galai shai ai lam ni hpe, hkan dep lu na matu, ra kadawn ai atsam ningja ni, skills set ni hte rau hkyen lajang shachyip da na matu mung ra ahkyak la nga ai, grau nna, jan mau lu ai hte rau magam bungli dap hte shang na matu, myit nga ai ramma ni hku nna, tinang a ban dung de du hkra sa na nga yang tau hkyen lajang ra ai lam ni law law ra nga ai ndai lam yan ni hte seng nna mai kaja ai magam bungli lam yan pru wa ai a ntsa, madi shadaw lu na matu hte seng nna hka ja lu ai made gam garan ya mayu ai law.

Shawng nnan e tsawra ai ramma ni hpa galai ngalaw shi yang, mahtai tam ra na gaw, tinang gaw hpa lam yan hpe myit shang sha ai kun? hpa galaw mayu ai kun? hpa byim mayu ai kun ngu ai lam rai nga ai, ga shadawn : tinang gaw tsang awang chye nga ai rai nna, ga shaga kaja ai wa, akaw alaw nga ai wa rai  rai yang, shani shagu masha law law hte kanawn mazum nra ai magam bungli hpe lat hkrup yang, shawng lam hta gara hku mung myit pyaw lu na nrai nga ai.

Dai majaw ten langai jaw nna, tinang du mayu ai bandung hpe jahkrat lu na matu, shawng shakut da ra nga ai, kalang ta: tinang hpa byim mayu ai hpe nchye lu shi ai nga yang mung, myit daw nra nga ai, galaw let, myit shang sha nang mat ai lam ni mung chye byin ai majaw, dai hku sha dung nnga ai sha, langai ngai hpe nnan hpang galaw dat na matu, hpaji jaw dat mayu nngai law.

Bai tsawra ai ramma ni, tinang a galaw lu ai atsam marai hpe galoi mung san jep yu u, kalang lang tinang gaw 10 ram sha lu galaw na re ngu sha myit tawn da nga ai raitim, kaja wa n-galaw nmai galaw dat ai ten, 90/100 ram du hkra lu galaw ai lam ni mung nga chye nga ai, dai majaw nmai byin na re law ngu  myit hpe shayawm dat na malai, kalang ram sha gaw shakut shangun mayu nngai,

Sadi ra na langai gaw ahkaw ahkang lu wa ai ten shagu hta ngai ndai kalang Reject byim mat yang hpang kalang bai kahtap nna shakut dat ai shaloi tinang gaw gara shara hta shut taw ai kun? ra kadawn ai lam ni gaw hpa rai ngu ai hpe sawk tam let, shawng na hta grau kaja wa hkra  tau hkyen lajang let shakut gring nga ai ngu kalang bai n gun jaw shadum mayu nngai law. Bai ndai shara hta langai bai tsun mayu ai gaw, tsawra ai ramma kanau kasha ni e, tinang gaw kade mi myit marai rawng taw tim, tinang nkung kyang ai gai wang langai kata de shang na matu myit ai shaloi, shanng nna e galaw ra na magam bungli gaw, sharin hkam la na matu rai nga ai,

lani hte lani, laning hte laning tinang gaw kade ram Absorb lu galaw ai rai ngu ai a ntsa e madung da nna, ahkaw ahkang ngu ai ni mung gang mat wa nga ai re. Ya na ndai prat hta nga yang, ja gumhpraw nhtum nna sharin hkam la mai ai ladat ni grai law wa nga sai re.

Phone kata kaw Internet nga ai hte rau, You Tube, Facebook hte Google ni hkan e, masha law law ni gaw, lam yan law law ni hpe shahte ni a, mahkrum madup ni hpe sharing galaw da nga ai ni hpe mung law law mu lu nga ai re majaw  sawk tam hka ja la mai nga ai re.

Bai nna tsawra ai ramma kanau kasha ni, langai ngai hpe, galaw chyam yu dat ai,nbyim wa ai, dai hpang asum jaw kau nna hpang langai bai galaw yu ai, dai mung bai nbyim wa ai, dai zawn re ai lam ni gaw, anhte shinggyim masha ni shagu hta hkrum katut chye ai lam yan ni rai nga ai. dai majaw tsawra ai ramma kanau kasha ni, dai zawn byim ai lam ni gaw nang hkrai sha nre nga ai hpe dum ra ai, raitimung hpa majaw masha law malawng gaw hpang hkrat ngam kau da nna, nkau mi ram sha awng awng dang dang hte shawng de matut hkawm sa lu ma ai i nga yang, shan hte ni gaw, loi loi hte asum nchye jaw ai majaw rai nga ai.

dai langai sha nga yang dai langai hpe sha byim hkra galaw myu ai myit, nshayawm kau ai marai ni hte, ngalai shai ai myit langai gaw, shanhte ni hpe laga ni hta lai jan ai shangun nga ai rai nga ai.Dai majaw tsawra ai ramma kanau sha ni e, lahta de tsun lai wa sai hte maren, tau hkrau myit sawn da na, hkyen lajang da na nga yang magam bungli ahkaw ahkang ni sha nga, laga lam yan ni hpe galaw shakut ai lam ni hta mung grau mai kaja ai hku awng dang wa na lam hpe teng sha lu la na rai nga ai ngu gam garan ya let.

#youth

#rvakachinservice