Bungli Hpe Ajin Aban Rai Dum Sai Kun ? ( Youth Program )

Tatut galaw nga ai bungli gaw tinang myit lawm nna galaw ai bungli rai taw nga tim, ten langai mi du yang dai bungli hpe jin wa dum chye nga ai, bungli sa na matu hkrit wa ai, lagawn wa ai, myit nlawm ai lam ni gaw, ajin aban rai ai a hpang wa ai lam rai nga ai.

Anhte shinggyim masha ni gaw, yu maya shani shagu tawt lai ra ai lam yan ni hpe jin dum wa ai gaw lak lai ai lam nrai nga ai, tinang a bungli hpe jin dum wa ai gaw lak lai ai lam nrai nga ai, tinang a bungli hpe jin dum wa ai gaw kaning rai magam dap ni hta byim chye ai kun ngu yang, shani shagu shingjawnag lam nnga ai magam dap zawn re ni, ningdat hkat ai lam nnga ai magam dap zawn re ni, mahkrum madup n-nan ni nlu sai magam dap zawn re ni, tinang a matu sharin hka ja la hpa nnga ai magam dap zawn re ni hta magam gun ni bungli hpe ajin aban rai dum chye nga ga ai. 

Bungli galaw shaning ni na wa sai, raitim shata shabrai gaw lu gring ai daram nlu ai, jat ya grin ai shaloi mung njat ya ai nga yang mung dai bungli hpe myit htum chye wa ai dai zawn ajin aban rai wa yang tinang maga hp ni galaw gring nga ai ngu ai lam yan hpe ndai bat na lamang hta bawng ban mayu nngai

Tinang a hpaji lam hpe grau dam lada hkra galaw shakut gring nga ai, tinang a tatut magam shara hta tsaw ai hpaji ahkaw ahkang ni sharin hka ja la na matu, lam yan tam gring nga ai, hpaji madang tsaw wa ai hte rau aya tsaw ai lam ni nang hpe la taw na sha rai nga ai, ndai gaw Capacity Building  atsam hpe gaw gap ai lam rai nga ai. masha yawng gaw hpaji hpring tsup sai sharin nra sai ngu ai masha gaw n nga ai, sharin hkaja let sak prat hpe gaw sharawt ai sha rai nga ai.

Bungli magam dap hta mung dai zawn sha rai nga ai, tinang gaw magam dap kata byim dum dik rai nna, ngai nchye ai hpa nnga sai ngu ai wa gaw, madu hkum hpe htang kaba dum ai wa hte bung nga sai re, kadai mung magam dap kata hta ning tawn ai lam nnga na re, magam dap kata hta langai hkrai byim na awng dang lu ai nrai nga ai, yawng gaw shi shara hte shi ning tawn nga taw yang she, awng dang ai magam dap byim tai wa na rai nga ai, dai majaw masha shagu hka ja sharin hkam la let, magam dap hta tinang a asam ningja ni shatsaw la ra nga ga ai

Bai tinang gaw ndai bungli hta npyaw wa sai nga yang, tinang a ningbaw kaba ni hpang de mi rai rai shana bawng ban gring nga ai, ndai hpe mahtai tam gring nga ai ndai bungli gaw nang a rawt jat na lam hpe pat hkum da ai kun matut na hkawm sa lu na kun ngu hpe nang hkum nan san jep yu ra nga ai

Bai tinang a mang hkang ni, bungli a ntsa ajin aban dum ai hkam sha lam ni hpe magam gun shada a shawng ni hta, aput angun nmai tsun nga ai, ndai lam gaw, n gun lu hpa nrai nga ai majaw rai nga ai

Ya ndai gaw hpang jahtum myit ra na lam rai nga ai, tinang a tatut bungli hta gara hku mung npyaw sai matut hkawm sa na nnga sai nga yang gaw lata na lam yan langai sha nga ai dai gaw bungli kaw na pru na lam rai nga ai, bungli npru yang tinang hte htap htuk na bungli langai shanng tam da gring nga ai

Gara lam yan masa hpe yu nna, tinang hte htap htuk na  nhtap htuk na hpe myit sawn yu nna mung madung ahkayk nga ai, tinang a ta tut bungli hta lam shagu grau kaja taw na, mahkrum madup ni mung law law lu na, aya tsaw wa lu na lam ni nga na, magam gun ni hte seng nna magam dap a mying kaja ni nga na rai yang gaw dai bungli hta htawt na gring nga ai

Jahtum hku nna tsun ga nga yang, tatut bungli hta ajin aban  rai nna, npyaw wa sai nga yang, lawan ladan bungli npru na matu mung ahkyak shadum ya mayu ai. lata de tsun lai wa sai hte maren, tinang a atsam ning ja ni hpe tsaw wa hkra gaw sharawt u, tinang a myit hkam sha lam hpe lata na masha ni hte tsun shaga bawng ban u, ndai lam yan gaw madi shadaw ya nlu ai nga ti pyi, tinang a tatut mabyim masa ni hpe tsun shaga bawng ban u,

Galaw ai shaning na wa ai hte rau, tinang a magam dap hta ajin aban byim shangun chye nga ai, shani shagu ndai shara, ndai bungli hta, manman galaw nga lu na matu, ningdat ai lam ni, mahkrum madup nnan ni hpe tam mayu ai gaw lak lai ai lam nrai nga ai ajin aban byim shangun shagu bungli pru na matu mahtai tam ai gaw mang hkang hpe hpran ai lam nrai nga tim, tinang a matu, magam dap gaw rawt jat na lam nrai wa yang, myit shang sha lam n nga wa sai nga yang, bungli kaw na pru nna, tinang myit shang sha ai magam bungli langai hpe lawan ai hku tam sa wa na matu, hpaji jaw dat let

#youth

#rvakachinservice