Asak kaba sai ni hte naw kaji nga ai ramma ni a lapran matut hkri shawn lam galaw ya ai laika buk nnan shachyen shabra na lam shiga

Ban langai hte langai lapran matut hkri shawn lam ahkyak ai ngu ai masa hpe madi madun lam galaw da ai laika buk nnan hpe ya ndai October shata 23 ya shani Roma Mare na Augustine Dekkasu Jawng kaba hta galaw na rai nga ai, ndai laika buk nnan shachyen shabra ai aten masa gaw, Ramma ni hte seng nna bawng ban lam galaw nga ai Saradaw kaba ni a hkumra hpawng galaw nga ai aten hte mung wa kadup rai nga ai.

“Shawng de sit nawt hkawm sa lu na matu lai sai ten na mahkrum madup ngu ai nga ra na ahkyak ai, asak kaba sai ban hte naw kaji nga ai ban lahkawng a lapran matut hkri shawn lam nga na ahkyak ai” nga nna Wa Sarabyin Francis hkring hkring tsun shadum lam galaw nga ai rai nga ai.

Mungdan law law kaw nna, asak kaba u gut gu sai ni hte ramma kaji ni sa du hpawng na rai nga ai, ndai laika buk nnan shachyen shabra lam galaw na hpawng de Wa Sarabyin Francis mung sa du shawng lawm na re, nga ai.

Ndai laika buk nnan gaw, Mungdan 30 kaw galaw da ai, san sagawn lam 250 hpe ka lajang da ai laika buk rai nga ai, laika buk hpe amyu sha ga hpan law law hte ka lajang da ai rai nna, American Mungdan hte Italy Mungdan lahkawng hta kalang lata  dut shabra ai lam galaw mat wa na rai nga ai, nga anna Vatican shiga dap kaw nna shana dat nga ai.

Source : Vatican News