Nawku hpung Shiga Aug 3, 2018

Indonisia

Idonisia mungdan n nang nawn dum a shun tsin yam hkrum masha ni a matu Kahtawlik nawku hpung kaw nna garum ning tum arung arai ni lahkawn shing gyin ya nga ai shiga 

Mai gan masha ni law law sa pyaw sa chyai lam ni galaw ai, mying dan hkung ai Lombok ngu ai Indonisia mungdan zinlawng hta byin lai wa ai n gun grai ja ai n nang nawn dum ashaun lam a majaw tsin yam hkrum nga ai hkying lam hte ru ai masha ni hpe garum la lu na matu Kahtawlik uhpung uhpawng ni kaw nna garum ning tum arung arai ni lahkawn shing gyin ya ai lam ni galaw ya nga ma ai rai nga ai.

Lai wa sai July 29 ya shani, Indonisia mungdan, Sinna Nusa Tenggara ginwang na zin lawng hta byin lai wa ai n gun 6.4 daram ja ai n nang nawn dum a shun lam a majaw nlaw htum masha marai 16 asak si hkrum lai wa ai, 355 hkala hkrum lai wa ai the, kaga masha marai 5,000 jan mung shanhte shanu nga ai dum nta shara ni kaw nna sit yen na matu matsun da hkrum nga ai, nga nna Indonisia shiga dap kaw nna tsun shana dat nga ai.

Ya du hkra lu la ai shiga ni hta, ndai n gun ja ai nnang nawn duma shun lam a majaw nlaw htum dum nta 1,400, hapji sharin jawng 7, tsi rung tsi gawk 5 hte, makam masham hte seng ai nawku jawng shara ni 22 daram grai sawng ai masa hten run mat nga ai, nga nna dai ginwang a mung up du Muhammad Zainul Majdi tsun dat nga ai.

“Kahtawlik nawku hpung uhpawng uhpawng ni kaw nna garum ning tum arung arai ni lahkawn shing gyin ya ai lam ni galaw nga ai, gan shing byin na matu Palastis Moga ginsum ni, n gu hte ready made hkau Soi htuk ni hpe Kahtawlik hpaji sharin jawng ni kaw nna lahkawn shing gyin ya ai lam ni galaw ya nga ai” nga nna dai ginwang na St. Mary Immaculate nawku jawng a lit hkam Jau kaba Laurensius Maryono Ucan shiga dap de tsun dat nga ai.

Machyi makaw hkala nba hkrum ai ni hpe tsi gawn lajang ya ai lam ni galaw ya na matu St. Anthony Catholic tsi rung kaw nna mung tsi hte seng ai sarawun sarama uhpung langai mi hpe dai shara de sa da ya nga ai. Jau ginwang kaw nna hkye mawoi uhpung langai hpe mung dai shara hta garum ya lawm nga ai, saradaw ginwang kaw nna Jau Evensius Dewantoro mung dai shara hta sa du nga nna hten za, si hkala shadawn shadang lam ni hpe sagawn maram nna seng ang ai saradaw ni hpang de mung, Indonisia Caritasa uhpung de mung shiga shalai ya ai lam ni galaw ya nga ai re nga ai.  

Source

Ucan News

 

Add new comment

15 + 5 =