Nawku hpung shiga Aug 3, 2018

Malu masha sha hpa ni hpe Kaman lahpawt kau ai lam n galaw ga, matsan mayan kaw si hpang gara hkrum nga ai ni a hkrap jahtau ai nsen ni hpe nna masu shing du gayin kau ai lam ni n galaw ga, nga nna wa sarabyin tsun dat nga ai shiga

Muk hpe lamit kum kumla galaw shalaw nna masha unwang kaba hpe jaw sha jahkru lai wa ai, dai shani na kabu gara ai shiga ja chyum mungga hte la kap nna, kaw si hpang gara hkrum nna jahtau hkrap nga ai masha law law nga nga ai dai ni na mungkan hta, malu masha sha hpa ni hpe Kaman lahpawt kau ai lam ni n galaw na matu wa sarabyin shadum dat nga ai.

Lai wa sai laban shani San Peter pa kaba hta du hpawng nga ai shawa hpawng hpe tsun ai mungga hta lahta na zawn wa sarabyin Fracnsi tsun dat ai lam rai nga ai.

Wa sarabyin tsun ai hta, “shing gyim masha ni a ahkyak ra madung lam ni hpe Madu Yesu mada mu ya nga ai, ru tsang hkrum nga ai shing gyim masha ni hpe n gup aga hte sha shalan shabran lam tsun nga ai nrai, hkye hkrang la ai lam jaw ya ai, shi a asak aprat hpe ap jaw ya ai, dai sha n ga hkum hkrang a matu ra nga ai malu masha ni hpe du hkra Madu Yesu lajang jaw ya ai. Madu Yesu a sape ni anhte hku nna, kaw si hpang gara hkrum nga ai ni a yawn madai ai nsen, lawt lu lam, tara rap ra lam, simsa lam lu la na matu jahtau nga ai masha ni a nsen ni hpe, nna masu shing du gayin di da nmai nga ga ai. Htani htana asak muk ngu ai Kabu gara ai shiga hpe shachyam shabra ai ngu ai lam hta, kaw si hpang gara hkrum nga ai ni, n gun kya ai hpu nau ni, tsun garum lawm ya na, makawp maga ya na masha nnga byin nga ai hpu nau ni hpe shawang tsawra myit kaba hte yu lakawn ai lam ni galaw na ngu ai myit da ting ai lam ni mung lawm ra nga ai” nga nna wa sarabyin Francis hkaw tsun lai wa ai.

Source:

Vatican News