Nawku Hpung shiga Aug 3, 2018

Nanhte mung kasa ni byin tai lu ai, nga nna Missa tau ai ni hpe wa sarabyin tsun dat nga ai shiga

Mungkan mungdan 19 kaw nna du hpawng sa wa ai Missa tawn hta garum ya nga ai Missa tau num sha/ la sha marai 70,000 jan daram hpe lai wa sai bat lahkawng ya shani Vatican San Peter pa kaba hta wa sarabyin Francis kaw nna lak san hkrum shaga ai lam galaw lai wa ai hta, “nanhte mung kasa ni byin tai lu nga ai” nga nna wa sarabyin tsun dat ai rai nga ai.

Ya na zawn du hpawng nga ai ni kaw nna marai 5, wa sarabyin hpe ga san san ai lam galaw lai wa ma ai.

Shanhte hte asak rau maren re ai masha nkau mi nawku jawng nsa ai sha nga ma ai, dai ni hpe kaning di ai baw rai kun, nga nna san ai ga san hpe wa sarabyin htai ya ai hta, “kaga masha ni Madu Yesu hpang de grau sit shani sa wa lu hkra lau la ai lam ni galaw lu ai atsam nanhte hta nga nga myit dai majaw, nanhte kasa ni tai lu nga myit dai, shanhte hpe tsawra ai myit nanhte a myit masin salum hta katu rawng nga ai rai yang, ndai lam ni shabyin lu nga ai, tinang a grup yin hta tinang hte rau shanu nga ai manaw manang ni hpe tsawra myit madun lu hkra shakut ra ai, nanhte a myit masin salum kata na shanhte hpe madun ya ai tsawra myit a marang e Madu Yesu a nhtoi shing kang hpe nanhte htoi tu shangun lu nga ai” nga nna wa sarabyin Francis tsun dat nga ai rai nga ai.  

Source:    

Vatican News