Nawku Hpung Shiga - Pope Francis at Angelus: ‘It’s evil not to do good!’ (Aug 17, 2018)

Lai wa sai laban shani, san Peter pa kaba hta du hpawng nga ai shawa hpawng kaba hpe lahta na zawn wa sarabyin tsun lai wa ai lam rai nga ai.

Dai shani na ja chyum mungga rai nga ai Ehp 4:30 hta na “Hkye hkrang la hkrum ai nhtoi du hkra, nanhte hpe dazik shakap ai Karai Kasang a Chyoi pra ai Wenyi hpe, myit hkum shayawn myit.” Nga ai ja chyum mungga hta lakap nna, shawa hpawgn hpe tsun ai mungga hta, “kaja ai Hkristian langai ngu ai gaw nhkru n kaja ai lam hpe n galaw ai ngu ai hte hte sha nram nga ai, mai kaja ai lam ni hpe mung anhte galaw ra ga ai, ngai kadai hpe mung nkaja ai n galaw nngai, nga nna masha nkau mi tsun ai hpe anhte na yu na ga ai, dai gaw mai kaja ai lam rai nga ai, raitim mung kaja ai lam hpe nang galaw nga ai kun? masha law law wa nkaja ai lam ni hpe n galaw ma ai, dai zawn sha mai kaja ai lam ni hpe mung shanhte n galaw ma ai, ndai zawn nkaja ai lam hpe n galaw ai ngu ai hte hte myit dik dum nga ai myit masa gaw kabu gara ai shiga the ning htan shai ai myit masa lam nan rai nga ai, nhkru nkaja ai lam hpe n galaw ai lam gaw mai kaja ai lam rai nga ai raitim, mai kaja ai lam hpe n galaw ai lam gaw nhkru nkaja ai lam, shut hpyit tawt lai ai lam rai nga ai” ng anna Wa sarabyin hkaw tsun lai wa ai lam Vatican shiga dap kaw nna shana dat nga ai. 

Source: Vatican News