Nawku Hpung Shiga - Pope Paul VI who died 40 years ago underscored the centrality of man (Aug 17, 2018)

Lai wa sai shaning 40 ning, 1978 ning Aug shata praw 6 ya shani nnga mat wa sai Wa sarabyin Pawlu VI hpe ya ndai du wa na October 14 ya shani san pra ai masha dang da sana rai nga ai, ndai wa sarabyin Pawlu VI hpe san pra ai masha dang da lu na lam hte seng nna n gun dat galaw nga ai Jau kaba Antonio Marrazzo kaw nna Wa sarabyin Pawlu VI a mai kaja ai arawn alai magam lam ni hpe Vatican shaiga dap de tsun shapraw ai lam galaw dat nga ai.

Shaning 15 ning tup sarabyin tai let nawku hpung hpe woi awn lai wa sai Wa sarabyin Pawlu VI hte seng nna Vatican shiga dap de Jau kaba Antonio Marrazzo tsun ai hta, “Wa sarabyin Pawlu VI gaw mungkan ga ntsa hkrun lam hkawm nga ai nawku hpung hpe matsun nnan jahkrat jaw ya lai wa ai, Karai kasang a hkrang sum la rai nga ai, sari hte manu ngu ai nga ai shinggyim masha hpe lam magup hta ahkyak kri madung da ra ai, nga nna lai wa sai shaning 40 ning daram hta jahkrat jaw matsun ya lai wa ai Wa sarabyin Pawlu VI a matsun ni rai nga ai Vatican II a sharin matsun lam ni hpe dai ni du hkra nawku hpung kaw nna jai lang manu shadan ding yang rai nga ai, wa sarabyin Pawlu VI gaw shi jau kaji naw rai nga ai shi a kaji daw prat ni hta mung kaji kadun ntai nai re ai masha ni hpe grai aku ya chye ai, yu lakawn lam ni galaw lai wa ai wa rai nga ai, shingyim masha hpe tsawra matsan dum lama ai myit hte yu mu mada hkap la ra ai, ngu ai masa wa sarabyin Pawlu VI mu mada lai wa ai,” nga nna Antonio Marrazzo Vatican shiga dap de tsun shana dat nga ai.

Lai wa sai 2014 ning, wa sarabyin Pawlu VI hpe alu ai masha dang da ngut ai hpang, Kashu kasha n shaprat hkraw ai kun ding hku langai hpe alu ai wa sarabyin Pawlu VI hpang de akyu hpyi na matu hapji jaw lai wa ai rai yang, dai shaning Hkrsimat shani hta dai ma nkap hkraw ai kun ding hku hta num sha ma shangai la lu sai rai nga ai, ndai gaw alu ai wa sarabyin Pawlu VI a marang e lu la ai lahkawng ngu ai lamik kum la rai nga ai sai majaw ya ndai Oct 14 ya shani hta wa sarabyin Pawlu VI hpe san pra ai masha dang da sana rai nga ai, ng anna Vatican shiga dap kaw nna shana dat nga ai.

Source: Vatican News