Bungli Magam Hta Pyaw Na Matu ( Youth Program )

Awng dang ai prat, ngu ai gaw hpa hpe tsun ai rai kun? Ngu ai hpe “ Nang Kam ai hte maren, awng dang ai prat ngu ai gaw, jahpawt manap yup rat ai hte, myi hpaw dat ai hte, tinang galaw hkram sa ra na, bungli magam gaw, tinang kaja wa sa mayu ai shara rai ra na ra ahkrak dik htum rai nga ai. Bai dai zawn sha, shana bungli yu ai hte, tianang wa na tinang a dum nta mung, tinang wa mayu ai shara rai ra na ahkrak nga ai nga nna, laika ka sara langai mi tsun da nga ai.

Shim lum lam hpe jaw ya lu ai kun dinghku nta masha, lu madu nga ai tinang a dum nta hta, pyaw na matu loi nga tim, masha hpan amyu myu, myit masa amyu myu, nga ai bungli magam hta, pyaw na matu, loi gaw nloi nga ai, bungli magam hta pyaw na matu, bungli magam hta pyaw na zawn re ai makau grupyin ni byim na matu, ra kadawn nga ai zawn, tinang hkum nan mung, lam yan nkau mi hpe hkan sa ra na lam shadum ya mayu ai.

Tinang a magam bunli hpe mamu shadan chye ra nga ai.

Bungli magam hta, pyaw na matu, bai tinang a bungli hpe, manu shadan chye na matu gaw, ra ahkrak dik rai nga ai. Lani hte lani, kahtap kahtap na hkrum sha nga ai masa lam ni, magam bunli ni hta, nang nga jin na gaw, teng sha rai nga ai. Dai aten ni hta, nang teng sha malap taw nga ai gaw, Tinang galaw dat ai bungli a majaw akyu hkam sha na ni hpe, myit sawn tau ya let, tinang galaw taw nga ai magam bungli hpe grau manu shadan, sa wa ga ngu tsun mayu ai 2. Ngu na hta, chyeju dum ai lam tun u. Hkrat sum manu njaw ra ai sha, akyu nga dik lam yan gaw, cheyju dum chye ai lam rai nga ai. Shani shagu tinang hte hkrum shaga nga ai bungli galaw manang ni hpe, chyeju dum ai lam, nmai malap ai, ndai chyeju dum ai lam gaw, hkrat sum lam nlaw nga tim, hkap la ai wa a matu gaw, manu nga nna, tsi gawm langai mi tai wa lu nga ai. Ndai chyeju dum ai lam pyaw shangun ai makau grupyin hpe shabyim na matu tang du ai lam yan langai rai nga ai 3.Rau sha magam gun manang ni hte tsawm sha tsun shaga kanawn u…. Tinang a prat hta, kun dinghku nta masha hte mu hkrum ai ten ni hta, bungli magam kaw magam gun manang ni hte, hkrum zup ai ten ni gaw, grau law nga ai. Dai majaw rau sha magam gun nga ai shada da, ga-ngwi ga-pyaw hte, kanawn tsun shaga chye na mung ahkrak la nga ai. Ndai zawn kanawn mazum ai ngu ai hta, shada da, hkngga la ra hkat ai hte, san seng tsawm htap ai hku tsun shaga chye ra ai lam ni lawm nga i. Nai shada da kam ai myit ni tawn da ai lam ni hte, gaw sharawt ra nga ga ai.Myit lawm hpa bung ai lam yan langai ngai, ga shadawn.Ginsup lam, fashion lam zawn re ai ni hpe, bungli ten nrai ai hkan tsun shaga ai lam ni hpe ganawn mazum ai lam ni hta, gaw sharawt mai nga ai re.

4 Masat da ya ai bungli sa ten hta min 10 jau sa u….Bungli magam hta hpang hkrat nna, rung gawk kata de hkyum hkyum shang wa na hta, yawng hta jau du ai lam gaw, tinang hkum tinang kam ai myit ni grau rawng wa shangun nga ai zawn, shawa a man hta mung, nang gaw rip kawp tara hpe hkang nang ai wa, ten hpe hkungga chye ai wa hku masat hkungga hkrum ai lam gaw, nang hpe bungli magam hta pyaw ai lam hpe jaw ya ai lam langai rai nga ai.

5 Dinghkrai hpra a mayak ni, dum nta hta tawn da u.. Mawdaw chyat ai lam, dum nta hta, hka nsa ai lam,zawn re ra kaji re kaw na hkawt, nta madu hte shing nrai rau nga ai manang wa hte nhtap htuk ai lam ni, bai kun dinghku hta na mayak ni du hkra, tinang hkum dek a lam ni hpe bungli de nmai la sa wa nga ai. Dai zawn re ai lam ni gaw, nang kaw mung nga ai zawn, dai zawn sha nang hte rau magam bungli galaw nga ai manang ni hta mung ngai ai hpe hkum malap kau

6 Tinang a saboi hpe san san seng seng da u…Ndai hpe e.. N-ahkrak ai ngu na shadu na. Ndai lam gaw nang hpe bungli ten hta, myit shuk lam ni kaw na tsang gang shangun nga ai. Sawk sagawn da nga ai hta, tinang a bungli galaw saboi hpe lani mi hta, min 10 daram ten la na jasan jaseng ra nga ai lam tsun da nga ai

7 Ngu na hta Break Time ngu ai hkying sa ten hpe tawn da u…bungli ten hta, rau yang rau ai hku nna break time la ra ai nang gaw, na a magam dap hta, ahkyak ai masha rai yang rai na, nang hkam nang mung dai lam hpe arawng la nna, bungli matut galaw nga ai, raitimung, bungli langai kaw na langai de bai n-galaw shi yang min 2, 3 daram hkring sa la let Coffe lu ai zawn re mi rai rai, shinggan de nbung marawp ai hku mi rai rai, lama ma hpe galaw gring nga ai dai zawn galaw ai a marang e, na a baw nu hpe bai  n-gun ban ya ai hte bung wa nna, jaw ai myit jahkrat lam ni lu na matu madi shadaw ya nga ai lam ni rai nga ai, lahta de tsun lai wa sai hte maren tatut hta jai lang let, tinang a bungli magam hta pyaw ngawn ai makau grupyin langai hpe gin shalat lu let, awng dang ai prat hpe lu madu lu mu ga ngu yaw shada let,

#youth

#rvakachinservice