Ramma Hte Sasana Magam ( Youth Program )

Tsawra ai ramma kanau sha ni, Madu Ye Su  a lam hpe e, hkaw tsun shachyam shabra, sak se hkam  na lit, kashin gamun hkam la ngut sai, khahtawlit hpum masha ni yawng a, kaba dik ai lit magam langai mi rai nga ai. Bai shi shanhte hpe, nanhte mungkan ting, chyam hkra hkawm sa wa nna, shinggyim masha myu baw shagu hpe, dai kabu gara shiga hpe hkaw tsun dan mu, nga nna, madu yesu num htet da nga ai rai nga ai. Grau nna, anhte ramma shayi shadang sha ni yawng a, lit nan mung rai nga ai.

Madu Yesu Hkristu a, Kabu Gara Ai Shiga, Mungkan Ting Chyawm Wa Hkra, masha yawng hkam la kam sham nna, nawku hpung maden jat wa lu hkra, shakut na lit gaw, anhte nang ngai ramma ni yawng a, lit magam hta shang lawm nga sai rai nga ai law.Ndai zawn kabu gara shiga hkaw tsun, sak se hkam lu na matu, ( 1). Tinang hkum tinang, shawng lajin da ra ai…Tinang hkum nan myi nmu yang, masha wa hpe, anhte lam madun lu na nrai nga ai, dai majaw tsawra ai ramma ni, masha ni hpe e, hkaw tsun, sak se hkam lu na matu, tinang a makam masham lam,Madu Yesu a lam, Nawku hpung a lam, Chyoipra ai chyum laika ni hpe e.. hti hka ja, myit sum ru, akyu hpyi ai lam, Sanpra ai ni a labau lam ni hpe e, hti hka ja da ra ai.Dai sha nga, masha ni a makam masham lam, htung hkying, myit masa, akyang lailen ni hpe mung, shawng hka ja chye da ra nga ga ai. Dai rai yang she, tsawra ai ramma kanau sha ni, masha ni hpe e atsawm sha, chye tsun dan , garan kachyan sak se hkam dan lu na rai ga ai law.. Bai masha ni hpe, hkaw tsun dan sai hte rau, tinang mung dai lam ni hpe, ta tut hkan sa na matu, shakut ra nga ai ngu, N-gun jaw mayu ai. Bai ( 2 ) Ngu na hta…

Masha ni hpe e, Madu Yesu a lam, kabu gara shiga, Hkaw tsun sak se hkam ra ai.Tsawra ai Ramma kanau sha ni.. tinang a, asak prat hta, ahkaw ahkang lu wa ai ten shagu hta, Madu Yesu a, Kabu Kara Shiga Lam, Nawku hpung a sharin shaga ai lam ni hpe e, tsun dan, grana gachyan dan ra nga ai. Tinnag hkum nan mung, tatut hkan nang hkan sa dan ra ai. Tinang hkaw tsun ai hte maren, tinang n-nga sa, nhkan shatup ai rai yang mung, masha ni tinang hpe, yu nna, nawku hpung ting hpe, nkaja ia hku mu kau chye nga ai. Dai majaw Sum nung shingdi, si mani ai hte tsun shaga ai, kaja ai akyang lailen, katsi kaja ni hpe e, madun let, Madu Yesu Hpe, Sak se hkam ra nga ga ai ngu, tsun shadum mayu nngai law, Bai ( 3 ) ngu na hta,Tinang a magam bungli hpe, kang ka ai hte, galaw gun hpai shakut ra ai. Tsawra ai ramma kanau kasha ni, anhte nawku hpung masha ni yawng gaw, tinang a kan bau magam lam, nawku hpung hta ap nawng ai magam bungli lam, masha yawng hte seng ai magam bungli lam ni, tinang hte seng ang ai magam bungli shagu hta, kang ka ai hte kaja dik ai hku,sadi dung ai hte galaw ra ai.Dai hta tsawra ai ramma kanau kasha ni, kaja ai magam bungle shagu hpe, tsawra myit majing hte galaw ra ai. Shani shagu na magam bungli galaw ai, tsun shaga ai lam hku na, sak se hkam ra ai.

Bai Jahtum ngu na ( 4 ) hta, Nawku daw jau ai lam, nawku hpung hte seng ai shamu shamawt lam, ma hkra hta, shang lawm shakut ra ai.Ndai lam gaw,tsawra ai ramma kanau sha nang ngai yawng a, ask prat hta, ahkyak dik rai nga ai. Nawku daw jau ai lam, nawku hpung hte seng ai shamu shamawt lam, ma hkra hta, Myit lawm hkum lawm, sharawng shara myit hte, shang lawm ra ai.bai nna, sharin hpawng ni hta, wut sawk ni hta mung, shang lawm shakut ra ai.Ramma rai yang, Ramma Hpang, Kawa La Rai Yang, Kawa la Hpung, Bai kanu Num Rai Yang, Kanu Num Hpung Hpawng hte laga shamu shamawt lam shagu hta, shang lawm shakut ra nga ai ngu.

Crd- Makam Masham Nli Magazine

#youth #rvakachinservice