Tsaw Ai Sak Prat De Hkawm Sa Ga ( Youth Program )

Tsaw Ai Sak Prat De Hkawm Sa Ga

          Sak prat hta ningdat lam ni law law nga nga ai, kalang marang hta anhte ni gaw awng dang nna, jahkring hkring ngu na hta hkrat sum ai lam ni hte hkrum wa chye ai, kaja wa nga yang, hkrat sum ai mi rai rai, awng dang ai mi rai rai anhte ni a sak prat hpe daw dan ai ni gaw anhte ni sha nan rai nga ai.

Sak prat hta hkrit tsang nna hting nut mat nna, lata sharawt asum jaw kau ai ni gaw sum na teng nga ma ai, gwi gwi hpring ai atsam marai ni hte shakut ai ni gaw awng dang chye nga ai hpe mung mu lu nga ai. dai hta tsawra ai ramma ni sak prat hta nang awng dang lam lu na matu nhpang hkrat shi nga ai..nang a yup mang bandung hte maren sak hkrung na matu, galoi nhpang hkrat nga ai ngu n gun jaw mayu ai bai nhkrit ntsang hte nang awng dang mai nga ai dai hta tsun mayu ai gaw, awng dang ai lam hpe gang da ai lam yan ni hta hkrit myit gaw shawng kaw na sa ai lam rai nga, kade mi sak prat yaw shada lam bandung ni kaba nga tim, dai hkrit myit hte hting nut nga yang nang awng dang na nrai shi nga ai

Kaja wa nga yang shut ai lam n galaw ga ai kadai nnga nga ai shut ai lam kalang pi nnga ai wa gaw hpa nan n galaw ai ni nan rai nga ai nga nna mung tsun da nga ma ai, hpa nshakut, hpa ngwi galaw, hpa nan n galaw gwi ai wa gaw, hpa mung awng dang wa lu na nrai nga ai awnd dang ai ngu ai hkrun lam hta nang hkrit ra na lam gaw langai sha re dai gaw mi sha tsun lai wa ai hkri ai myit sha rai nga ai nhtingnut, nhkit ai myit ni hpe shangai shaprat ra ai, gwi hkring ai myit marai lak nak hpe jai lang yang she nang ndai hta grau awng dang wa lu na re ngu shadun n gun jaw mayu ai

Lai mat sai mabyim ni hpe tawn kau da u... Tsaw ai sak prat langai de lahkam sa ai ten, hpang de hten za run mat ai lakang ninggam ni hpe bai nhtang hkum yu taw tsun mayu ai gaw lai sai ten na shut ai lam ni hkrat sum mat ai lam ni hpe bai myit dum let hkrit tsang taw nra nga ai hpe ngu mayu ai lam rai nga ai lai sai ten ni hta shut mat ai lam ni gaw mahkrum madup la na mtu sha rai nga ai, bai sawn myit tsang hkam sha taw na matu nrai nga ai dai mjaw Negative Mindset byim shangun ai lam ni kaw na lawt lu hkra shakut sa wa saga. dai rai yang chyu sha grau grau kaja ai makau grupyin nnan ni hta matut sak hkrung lu na rai nga ai. dai lam gaw shinggyim sak prat sak hkrung lam a lit magam nan mung rai nga ai .

Bai Manang wa a sak prat hta shang lawm garum ai lam ni mung nga ra ai. Tsawra ai ramma ni nang gaw laga wa a sak prat rawt tsaw wa na lam hta shang lawm garum lu ai wa rai ra ai, ra kadawn ai ni hpe garum ai lam gaw nang hta mai kaja ai ningmu Positive mindset ni hpe grau grau byim pru wa shangun nga ai mayak mahkak sak prat na ru yam lam ni hte hkrum katut wa ai ten shyimggyim masha ni gaw ngai hkrai sha ngu ai myit hkam sha lam ni nga nga chye ai kadai mung ngai hpe myit ntau ya ma ai ngu hkamsha chye ma ai kaja wa nga yang shinggyim masha shagu hta mayak lam gu dek nga nga ga ai tinag a mayak lam ni kaw na rat tsap tawt lai let, laga wa a ra kadawn lam ni hta myit tau garum lu ai lam gaw awng ai myit ( Will Power ) kaba ai ni rai nga ma ai hpe mu mada lu ai. dai zawn sha laga wa a akyu ara ni hta gun hpai garum chye ai ni gaw tsaw ai sak prat de lahkam lu nga ma ai.

Sak prat lit magam ni hpe nmai hprai ai.. hkrat sum lam, awng dang lam ni ngu ai gaw nang hta npawt madung rai nga ai nang a hkrat sum lam a matu laga wa hpe maram shangun mung nmai nga ai ahkak dik gaw nang a sak prat gara hku mi nga nga nang hta sak prat magam a lit ni hpe la gwi ai myit rawng ra nga ai re nang a sak prat lit magam ni hpe nhprai sai nga yang nang gaw nang a sak prat hta awng dang ai wa nan rai nga sai re

Myit du nna galaw sa yang nlung bum pi gawt galau lu nga ai ngu ai hta myit gaw lam shagu hpe dang di lu nga ai dai awng dang ai myit gaw ngang gring ai daw dan ai lam, nshayawm ai marai ni hpe byim pru shangun nga ai dai awng myit gaw woi awn nna, shanhte ni gaw grau tsaw wa ai sak prat madang de gwi gwi tawt lai lu ma ai,  lahta de tsun lai wa ai ni hpe myit hta galoi mung bang da shakut galaw ai rai yang, grau tsaw ai sak prat de hkamw sa lu na lam hta galoi nhpang hkrat nga ai ngu n gun jaw shadum dat let,

#youth

#rvakachinservice