Tinang A Bungli Galaw Lu Ai Atsam Hpe Jahten Kau Chye Ai Lam Yan Ni

Masha hkum dek shagu hta, tinang hte seng ang ai atsam marai shagu hta galaw lu ai atsam marai ni nga ga ai re. Kalang marang tinang ndum shami galaw dat ai amu ni gaw tinang a galaw lu ai atsam marai ni hpe shayawm jahten kau chye nga ai hpe mung mu lu nga ai. Dai zawn sha bungli galaw lu atsam marai ni hpe hkra sum shangun chye ai lam yan ni gaw hpa ni rai kun? Bai bungli mahkrun hta,  tinang a galaw lu ai atsam ni gaw gara mabyim a majaw hkrat sum shangun ai kun?... jahten kau chye ai kun? Ngu ai lam yan hte seng nna gam garan ya mayu nngai law. Dai ni gaw..

Yup ten nau nlu ai lam….Yup ten nau nlu ai lam mung, tinang a bungle galaw lu ai atsam marai ni hpe jahten ya chye ai kaw lawm nga ai..Yup nhkru ai lam, yup gan gan ai lam ni a majaw, tinang gin shalat lu na atsam, myit sawn lam ni hta hkra machyi wa chye ai. Bungli mahkrun kata zet zet tsang tsang nlu nga ai re. shinggyim masha langai gaw, lani mi na yup hkying sa la ra ai aten yawm htum hkying hkum 6 ram gaw yup ban sa ra ai lam tsi hpaji du ni tsun da  nga ai. Dai majaw yup gan gan ai lam mung bungli magam hta hkra machyi chye nna tinang galaw lu ai atsam marai hpe pyi hkra machyi chye ai ngu ramma kanau sha ni hpe n-gun jaw mayu ai

Ready Made malu masha ni dawn jan sha  ai lam……

Kalori mana maka lawm ai ready made malu masha ni hpe sha ra ai hta dawn jan hkra sha ai lam mung tsawm ra ai ramma ni bungli galaw lua I lam ni hpe hkrat sum  shangun chye nga ai. Kaja wa nga yang ready made malu masha ni hta hkam kaja lam hte htap htuk ai namsi namsau ni malu masha ni lata na sha ai gaw tinang a gin shalat n-gun ni.. zet let shangun ai lam ni, myit sawm lam ni grau gin shalat lu na rai nga ai law.

Smart Phone Ni Hta Aten Jahtum Chye Ai Lam.

Ndai prat daw hta bungli madu ni bawnu hkraw ai manghkang langai kaw ndai smart phone lam yan mung lawm nga ai. Ndai mung byim chye ai magam langai rai nga ai. Kalang lang tsawra ai ramma ni hta mung byim hkrum ga na re. gun rai langai mari na matu seng de sa ai shaloi, gat dut masha ni gaw sa mari ai masha ni hta ph hpe gru azi  madung da nga ai hpe mu ga na re. ndai rai manu kade rai ngu san ting pyi ahkrak nla lu nna dai phone hpe sha ja ji ja gang azi nga ai a majaw dai seng shawng kaw na nhtang bai wa mat ai zawn re mabyim ni hkrum ga na re, dai majaw ndai smart phone ni mung bungli galaw masha ni a galaw shakut ra ai tsam marai ni hpe jahten kau chye nga ai re.

Myit maju jung ai nau law ai lam… Bungli langai nngut shi yang aw ra bungli hpe mung galaw mayu ndai bungli mung nshakre zawn re ai myit maju jung ai lam nau law ai a majaw tinang a magam bungle shakut shaja lam atsam ningja hkrat sum chye ai re. ga shadawn tsun ga nga yang phone shaga let, mada mi de email nhtang laika ka ai zawn re ai ni, gaw tinang a bungli galaw tsam ningja ni hpe hkrat sum shangun chye nga ai. Masha langai ten langai hta, shara langai mi kaw bungli lahkawng hpe myit maju jung nmai nga ai. Dai zawn myit maju jung dat yang mung langai nai langai gaw shutai lam yan de du mat chye ai law nga ai re.ndai lam yan mung tinang a bungle galaw lu atsam ningja hpe jahten kau chye ai madung sadi maja ra ai lam yan rai nga ai law

Bungli hpang hkrat chye ai akyang nga ai lam

Bungli lam hta kalang lang hpang hkrat ai gaw mang hkang nrai tim galoi shagu ten man man ngu na daram hpang hkrat chye ai akyang byim wa sai nga yang gaw dai gaw mang hkang rai wa nga ai. Tinang hta hpang hkrat chye ai akyang gaw ten galu ana yaw gar langai zawn kap taw sai nga yang, atsawm sadi maja na ra nga sai re, bungli hta tinang gaw galoi ngu na daram hpang hkrat chye ai mung tinang a bungli galaw lu ai lam atsam ningja ni hkrat sum chye ai mabyim  langai re hpe sadi maja let shakut  hkawm sa wa ga ngu tsawra ai Ramma kanau sha ni hpe n-gun jaw shadum let ndai bat na ramma lamang hpe ndai kaw naw jahkring sai law.

#youth

#rvakachinservice