Tatut Sak Prat Kaw Na, Nang A Sak Prat Hpe Grau Laklai Rawt Jat Wa Shangun Na Lam Yan Ni

Tatut Sak Prat Kaw Na, Nang A Sak Prat Hpe Grau Laklai Rawt Jat Wa Shangun Na Lam Yan Ni

Shani shagu tawt lai ra nga ai nang a sak prat gaw, hpa mung lak lai ai lam nnga ai ngu hkam sha nga ai kun? lani lani jak rai langai zawn sha man man n-galaw nmai bungli ni galaw nga taw tim, hpa mung rawt jat lam nnga ai zawn hkam sha nga ai shani ni hpe madu taw nga ai kun? ndai zawn ni hkam sha taw nga tim, nang gaw sak prat hta rawt jat lam hpe ra sharawng ai zawn rawt jat mayu ai wa nga yang, ndai lam ni galaw let ndai hta grau hkrak ai sak prat de hkawm sa gring nga ai ngu n gun jaw mayu ai

Hka Ja Nga Ai Lam Ni Hpe Hkum Jahkring Kau.....Sak Prat hpe grau gru nna rawt jat mayu ai rai yang, n-galaw n-mai galaw ra na gaw, hka ja la ai lam ni nhkirng nsa galaw grin ai lam rai nga ai shinggyim masha ni a lam hpe hka ja gring nga ai zawn tinang a bungli hte seng nna hpaji lam ni hpe mung, lani hte lani grau chye na ai masha wa byin hkra galaw shakut ra nga ga ai dai sha n ga prat dep ai prat hta hpaji lam ni kung kyang ai hte sak prat kaja langai lu na matu nloi la nga ai, ga hpan kung kyang ai nnga ai raitim, chye lu hkra hka ja gring ai ngu na mu mada luu ai

Myit Hpe Zim Tawn Da U....Myit ni galoi mung shuk shanut nga taw yang hpa mung mai kaja wa hkra sawn lu na nrai nga ai, dai sha n ga myit zim re ai lam nnga yang sak prat a matu madi shadaw ya lu ai hka ja lam ni galaw ai lam ni hta myit maju jung lu na nrai nga ai dai majaw sak prat awng dang na matu, myit zim rai na mung grai ra kadawn nga ga ai

Kanawn Mazum Lam Ni Hta Shuk Ai Hku Hkum Nga...Shinggyim sa tai sai re majaw gaw, shinggyim kanawn mazum lam gaw nga na sha rai nga ai raitimung sak prat hta awng dang mayu yang shakut la ra ai lam ni kaw shinggyim kanawn mazum kaja lam gaw ahkyak ai kaw shang lawm nga ai,  shuk ai masa lam nnga yang nkaja ai shiga hte tinang hpe adawt shaza mayu ai ni n lu galaw sai rai nga ai dai sha n ga, shuk ai lam ni nga ai wa gaw myit maju jung ai lam ni law htam nnga shinggyim kanawn mazum lam ni hpe mung myit maju jung aten jaw ra nga ai, dai majaw mai kaja ai sak prat lu na matu shakut ra na hka ja ra na lam ni a matu, myit maju jung nna aten jaw ra ai lam ni gaw yawm wa ai majaw awng dang ai sak prat hpe lu na matu mayak lam ni byim chye nga ai hpe madi madun mayu ai

Ahkaw Ahkang ni hpe galoi mung yu mada maram ra ai...Awng dang ai ngu ai gaw shara mi kaw sha tsap nna awng dang mat ai ni nrai nga ai ahkaw ahkang ni hpe lu na matu ra nga ai,  grau grau kaja ai ahkaw ahkang ni ngu ai gaw tinang a tatut masa lam ha grau nna lu nga ai atsam marai ni nga taw yang sha lata lu ai masa lam rai nga ai, dai majaw tinang kaw du wa na ahkaw ahkang ni hpe galoi mung yu maram nga yang sha dai ahkaw ahkang ni hpe lu manat jum lu wa na rai nga ai

Grau Kaja Lu Ai Ahkaw Ahkang Ni Hpe Sha Galoi Ma Lata U...Tinang hta ya na masa lam hta grau ai atsam marai ni nga wa ai ten, tinang a matu, lata ra na ahkaw ahkang ni gaw nga wa na sha rai nga ai, raitimung gara zawn re ahkaw ahkang ni gaw tinang hpe grau nna akyu nga wa shangun ai grau nna htap htuk ai ngu ai hpe lata na ra wa ai, tinang a matu ahkaw ahkawng kaja byim taw tim, tinang a laga lam yan ni de bai hkra machyi wa chye ai ahkaw ahkang ni mung nga chye nga ga ai dai majaw ahkaw ahkang kaja ngu ai gaw tinang a hpa a majaw sha mung nhkra machyi ai sha rawt jat lam a matu byim chye ai lam byim taw na mung ahkyak la nga ai ndai zawn re lam yan ni hpe lata chye na ra nga ai.

Gumhpraw mahkawng u....Shadawn sharam jai lang chye u ga.... Ja gumhpraw hte gin len nna galaw nga ai mungkan rai nga ai majaw sak prat hta ja gumhpraw lu lawm ai lam mung ra ahkak nga ai dai majaw tawt jat lam hpe ra yang arang bang ai lam hta ja gumhpraw mung lawm nga ai, nku hka ja lu ai lam ni hta ja gumhpraw mung shang lawm nga ai dai majaw ya na hta grau ai sak prat de sa mayu yang nnra ai lam ni hta ja gumhpraw jai shama ai lam nnga hkra mung ra kadawn nga ai, gumhpraw hpe nra ai shara hta njai lang ai sha mahkawng chye na ra ai, mahkawng da ai ja gumhpraw ni hpe ya na hta grau ai sak prat de sa na matu lakang hku jang lai chye na ra nga ai ngu.

 

 

#youth

#rvakachinservice

Add new comment

3 + 6 =