Tang Du Ai Awng Dang Ai Wa Byim Hkra

 

Anhte Shinggyim masha shagu awng dang mayu ai myit hte rau, mai kaja ai myit ni nga chye na mung ra ahkyak la nga ai. Kaji ai shut ai lam hpe myit masin hta naa na wa nbang da ai sha, ngai hpa majaw ndai hku byim ai ngu ai lam yan hpe hka ja myit sumru nna, ndai hpe n gun la let mai kaja lam byim hkra, matut galaw sa mat na ra nga ai. Kalang lang tinang byim mayu ai gaw myu mi, tatut  hkrum katut ai hte, galaw taw nga ai gaw myu mi byim wa chye nga ai, dai ten, loi loi hte asum njaw ai sha, mabyim masa hpe hpe tsawm sumru dawdan let, tinang a mai kaja lam ni hte tinang byim mayu ai lam hpe nlu lu hkra galaw na ngu ai myit hte shakut yang chyu sha, awng dang ai sak prat hpe lu madu na rai nga ai.

Tinang gaw lu hkra kaning re ai ban dung ni ka jahkrat da ai kun? tinang sa mayu ai ban dung du na matu, kaning re hpaji machye machyang ni ra nga ai kun? hpa ni hka ja na matu ra nga ai kun, gara ten du hkra chye hkra kung hkra galaw na ngu ai lam masha shagu hta ahkaw ahkang ngu nga nga ai,

Tinang gaw pru wa ai ahkaw ahkang ni hpe lu hkra galaw na ngu ai gaw, madu hkum nan gaw sharawta da ra ai hte, masat ai lam hte bungpre hkra, madu hkum nan hka ja shakut taw na ra nga ai, dai hta myit masin kaja hte sak prat hpe gaw sharawt chye na grai nan ra nga ga ai. kadai ni mi shut taw shut taw, tinang jaw taw na ahkyak la nga ai. rai yang she tinang a manu tsaw wa lu na rai nga ai. dai hta myit hpe gaw hpri magri zawn ngang gring hkra  galaw shakut na ra nga ai.

Nbyim mai ai ngu ai gaw ngalaw ai majaw rai nga ai. awng dang taw ai ni tsun hpaw dan da ai ga ni, kaja ai lai masa ni, kaja ai myit sawn lam ni hpe hkan nan chye ra ai, madu hkum chye ai ram hte sha tsun ai hku hkan ngalaw yang byim mayu ai lam ni nbyim wa lu nga ai re..mungkan hta masha  shagu gaw awng dang taw ai ni hte kanawn mazum na grai ra sharawng nga ai zawn, awng dang ai ni a, atsam marai ni hpe mung len la chye nga ga ai.

Nang awng dang ai wa langai byim mayu yang gaw, tinang a makau grupyin ni hta nga ai awng dang taw ai ni, gara hku galaw shakut nga ai kun ngu ai hpe hka ja na matu ra nga ai, Mungkan hta awng dang taw ai ni shagu, hkrak re ai mai kaja ai akyang ni hpe mu lu nga ai , nang awng dang ai byim mayu ai ten yang gaw tang du ai akyang nkau mi hpe hkan sa na ra nga ai lam shadum n gun jaw mayu ai.. dai ni gaw....

1.Bandung shadaw masat ra ai lam... masha langai gaw, hpa ban dung mung nnga yang awng dang ai ban dung de du na matu sak prat ting myit mi ahtum galaw shaktu ra na rai nga ai, nang a dinghkrai sak prat awng dang mayu na mi rai rai, magam dap hte seng ai lam hta kungkyang awng dang mayu na mi rai rai, ban dung masat da na matu ra nga ga ai 2. Shani shagu galaw ra na magam lam ni hpe ka jahkrat u..Yaw shada lam ban dung jahkrat ngut sai nga yang, nang a ban dung hpe tup hkrak garum ya  lu na matu, mahkyen lamang ni ka jahkrat chye na ra nga sai, nang yup ra nshang shi yang, hpang shani a matu, galaw sa ra na mahkyen ni hpe hkyen lajang na ra nga ai, lani mi htum mat yang gaw, nang lajang da ai hte maren galaw shakut lu ai kun ngu ai hpe san jep yu na matu ra nga ai..

3.Aten hpe hparan lajang chye ra ai.. lama wa nang a sak prat hta, lam yan yawng aten hte galaw  hparan lajang lu yang gaw, nang a shakut shaja ai lam hpe nang myit dik lu na rai nga ai, jaw ai hparan lajang ai lam hte galaw shakut yang myit hkam sha lam dip n gun ni yawm wa lu ai zawn, nang hparan lajang taw ai bungli ni mai kaja htum byim wa lu na rai nga ai.

4.Nang a nkaja ai ningmu yu jut akyang hpe koi yen kau u....Nang pawt sindanwg loi ai kun.. nkaja ai ningmu hkam la lam ni gaw nang hpe hkra machyi shangun ai kun...nang a akyu ara hpe sha galoi mung myit taw nga ai kun....hpa galaw hpa nnga ai aten shajan ni jahkring hkring nga ai kun, dai hku rai yang yawng a gawng kya lam ni hpe nang atsawm sha sadi sumru na nna, mai kaja dik shakut shaja lam ni hte asan koi yen kau na ra nga sai ngu shadum ya mayu ai.

5. Awng Dang lam ni hte rau mai kaja ai ningmu mu chye ai ni hte kanawn mazum u...na a shingwang kata hta, awng dang taw ai ni hte rau, shakut nna, aten jahtum ai gaw kaja dik rai nga ai,

6.Hkrat sum ai lam hpe hkap la chye ra ai... mungkan hta nga ai awng dang taw ai ni shagu, shanhte madu da ai lam ni sum ga ma ai, dai sum ai lam kaw na hpaji la chye na ahkyak dik rai nga ai,nang a myit hkam sha lam masin salum hpe tsawm san dinglik yu nna, mai kaja hkra galaw shakut u, gara hku mi hkrat sum u ga, nang a aten ni hpe bai gaw sharawt chye ra ai, mai kaja ningmu kaja mu chye ai myit sawn laika ni hti nna, nang a yup mang ni hpe bai sum ru let, madu hkum madu shakut myit tsaw wa lu hkra galaw shakut u

7. Hkam kaja hkra ngu u.... Madu hkum a hkam kaja lam hpe nmai malap da gring nga ai lamana nang nmyit mada machyi wa yang bai hkam kaja hkra galaw na ten la ra nga ai, yup hkru hkru yup, ginsup lam man man galaw, hkam kaja ai malu masha ni lu sha rai nga ai gaw, hkam kaja lam hpe madi shadaw ya ai lam yawng chye chyalu rai nga ai hte covid- 19 ana kaw na lawt lu na matu hkam ja dap kaw na matsun lam ni hpe mung ding yang  hkan sa ra nga ga ai. ngu gam garan ya let,

https://www.24jobs.com.mm/imagestore/Nyi%20Htut.jpg

Add new comment

6 + 4 =