Tam Taw Ai Gaw, Bungli Kaja I? Shata Shabrai Kaja I?

Tsawra ai Ramma ni.. Ramma Law malawng gaw, bungli kaja hte, shata shabrai kaja ai magam bungli hpe, ra nga ga ai re. Dai zawn sha, bungli tam ai ten hta, shata shabrai law ai company, bungli kaja ai company rai yang she, bungli kam galaw ai ni law nga ai re. Tianang hta mahkrum madup nga ai i? ngu yang gaw bai nnga, raitim, tam taw ai gaw bungli kaja, shata shabrai kaja lu ai bungli, ndai zawn bungli nrai yang nkam galaw ai ramma ni law malawng nga nga ai hpe mu lu nga ga ai. Myen ga malai langai na ga ai, ndung kaw na hpang ai langai ngu na bungli gaw, nhkrun htu ai lam sha rai nga ai nga nna, tsun ma ai, ndai ga malai gaw, grai nan lachyum rawng nga ai. Ndai ga malai hte maren, ndung kaw na hpang ai bungli gaw, nhkrun htu ai lam kaw na lai, gara bungli mung ndung kaw na hpang ai lam n-nga nga ai.

Tinang hkum nan shakut shaja  lam a majaw sha, tsang hte tsang ndung de du wa lu ai lam, sadi maja shakut na sha, ahkrak nga ga ai re. Ramma ni law malawng, bungli tam ai ten hta, tinang hte ni nawn ai makau grupyin, manaw manang, uhpung uhpawng ni tsun taw nga ai ga gaw, bungli kaja hte, shata shabrai kaja lu ai bungli nga yang tsun rit oi ngu ai zawn re ni rai nga ai. Bungli kaja hte shata shabrai kaja, magam bungli ni gaw nga nga ai. Raitimung, gindan ai arang n-bang da yang gaw, bungli kaja hte shata shabrai kaja ni myit mada n-mai nga ai. Dai majaw, bungli kaja, shata shabrai kaja lu na matu, tinang maga hpa ni ra kadawn nga shi ai , hpa ni jat bang ra ai lam ni nga ia ngu ai lam ni hpe ndai bat na lamang hta gam garan ya mayu ai.. Dai ni gaw…

Nga Gring Nga Chye Ai, Atsam Ningja Ni Hpring Wa Hkra Shakut U…. Bungli mung kaja ra na, shata shabrai mung kaja ra ai, bungli she galaw mayu ai nga yang gaw, tinang maga mung, hpring tsup ai ningja ni, mahkrum madup ni hpring hkra, nga ra na ra kadawn nga ai. Gara lam mung majoi nlu nga ai zawn, gin dan ai arang bang ai lam ni n-nga yang gaw, bungli kaja, shata shabrai kaja ngu ai gaw, yup mang mang taw ai sha rai na re. Tinang hkai da ai nli hpe, tinnag sha shu la dan la lu na sha rai nga ai.Tinang maga hka ja shakut, jahpring shatsup da lu ai daram, pu kan a matu lajang da ai rai yang, bungli kaja ni, shata shabrai kaja ni gaw, tinang hpe tam wa na gaw teng sha rai nga ai. Ramma nkau mi a shai taw nga ai lam yan gaw, tinang maga mai byim ai daram n-jahpring shatsup da nna, bungli kaja, shata shabrai kaja tam ai lam yan rai nga ai. Hkrum lam mile law law kaw na, n-nna hpang wa ra ai ngu ai hpe ndum dat ai lam mung mai byim nga ai. Bungli kaja, shata shabrai kaja ra ai nga yang, tsawra ai ramma ni, tinang mung chye da grin ai atsam ningja ni, hpring hkra, mahkrum madup ngu ai lam ni tam mahkawng da ai lam ni galaw na ra nga ai ngu shawng n-nan tsun mayu ai. Bai2 ngu na hta, ndai bungli kaja, shata shabrai kaja, bungli magam ni a atsam ningja ra kadawn ai lam ni hpe hka ja u, bungli magam ni hta, laika mahkrum madup hta, tatut mahkrun hta tatut galaw nga ai ni a, mahkrum madup gaw, grau law nga ai hpe mung mu lu nga ai. Gara sharin dabang yu, ndai dabang na shagrau let mat ni lang nna, bungli mahkrun hta, aya tsaw lu na matu hpyi nga chye ga ai. Bai shata shabrai mung tsaw tsaw myit mada da nga chye ai, htap htuk ai shara, htap htuk ai aya, htap htuk ai shata shabrai ni gaw, nmyit mada da nna, ndung shara langai hpe sha, myit mada chye ai ni law nga ai hpe mung mu lu nga ga ai.Tsawra ai ramma ni, bungli kaja ngu ai gaw, mahkrum madup kaja law law ni mung ra ahkyak nga ai re. Mahkrum madup kaja hte nrai yang bungli kaja mung nlu nga ai. Bungli shaga ndau pa ni hkan yu dat yu yang, Aya tsaw ai shara ni a matu, bungli shaga yang, atsam marai langai hpe sha, nyu nna, mahkrum madup mung ra ahkyak dik kaw lawm nga ai hpe mu lu ng ai. Dai majaw tsawra ai ramma ni, shata shabrai lu na hpe, ndung lat nga ai sha, lahkam kaji langai mung, mile hkying hku hkum lam a npawt nhpang rai nga ai hpe n-gun jaw mayu ai

Bai 3 hta, Hpaji lam hta, jaw ai  myit masa hku, hkam la chye ra…Tinang gaw, jan mau ni, Deplomer ni, ndai  mungdan, awra mungdan kaw na masat jaw ai shagrau let mat ni, lu tawn da ai majaw, bungli  nga yang aya tsaw tsaw lu yang she, lu galaw na ngu ai zawn re myit masa ni, nmai tawn da nga ai. Tinang gaw bungli shingwang kata hta, sharin hka ja la ra ai ten ni nga wa na re. Dai bungli shingwang  kata, shi gaw ngai ram pi hpaji chye ai nre, shi hpaji jaw ai lam ni, la na shara hpa nnga ai. Shi tsun ai hku galaw nra ai, ngu zawn re myit masa ni nmai tawn da nga ai.

Bai4 hta, Ahkaw Ahkang ngu ai lam yan hpe dung na hkum la taw, dai ahkaw ahkang lam yan masa de sa u…..Bungli kaja, shata shabrai kaja hpe ra kadawn nga tim, tinang maga shakut shaja ai lam hpa n-nga ai sha, dai magam bungli ni gaw, shi chyu shi, tinang kaw hkan nang wa na nrai nga ai. Tinang gaw ahkawng ahkang ngu ai hpe, dung la taw ai wa rai taw ai kun? Dia majaw dai hku nbyim hkra, ahkaw ahkang ngu ai hpang de, tinang mahtang sa nna, shakut shaja ra nga  ai lam tsun mayu ai. Dai hta, lam yan jaw jaw masa rai ra na mung ahkrak nga ai. Bungli langai shang ai shaloi, manaw manang, bungli madu ni a majaw, ndai shara, ndai aya hta, shang tsap lu taw ai kun? Ndai shara tinang hte  gin dan ai kun? Ngu ai hpe bai nhtang sumru chye na ra ahkrak nga ai. Dai re majaw mi sha tsun lai wa sai hte maren, ahkaw ahkang lam yan ngu ai hta, masa jaw jaw rai na ahkrak nga ai hpe tsun mayu nngai. Jahtum hku nna,tsun ga nga yang, masha shagu gaw, shata shabrai kaja, bungli kaja lu mayu ai ni hkrai re. Raitim ndai lam hpe masha shagu nlu la nga ai. Hpa majaw nlu la nga  ai ngu hpe bai yu yu dat yang, 1. Atsam ning ja hte,2. Bungli magam a mahkrum madup 3. Shakut shaja ai myit marai ngu hte, sadi maja ra ai lamyan ni rai nga ai ngu n-gun jaw mayu ai law.

#youth

#rvakachinservice