Shut ai lam kata hta pat shingdang da ai lam hkum nga

 

Shinggyim masha ngu byim wa sai hte rau, shut ai lam hte nhkrum ai kadai nnga nga ai, shut ai lam yawm ai hte, law law galaw hkrup ai lam hte sha shai nga ai, dai majaw shut ai lam galaw hkrup yang madu hkum hpe dai shut ai lam kata hta mara shangun n ma rai taw ai lam,jai lang nmai ai masha wa zawn masat nna, myit kaji ai lam ni, shawng lam hte htawt sa n gwi mat hkra, mungkan ga hpe, shinggyim masha yawng hpe asum jaw kau ai du hkra nbyim gring nga ga ai.ntau shalau, yaw shada lam nnga ai sha galaw hkrup ai shut ai lam ni gaw nga chye nga ga ai, tinang gaw hpa nbyim na re ngu shadu na, tsun hkrup galaw hkrup ai lam ni gaw, maga mi de, mang hkang kaba ni, myit shut ai lam ni byim ai lam, laga wa hpe hkra machyi shangun ai zawn, shut ai ningmu ni hte mu chye nga ga ai. dai zawn ningmu mu mada lam ni nbung ai majaw  byim wa ai mang hkang ni a ntsa, masha ni gaw tinang hpe tara hkam hku yu azi wa ai ten, ngai mang hkang kaba galaw hkrup sai nga nna, mara shagun let, myit kaji ai hte, dai shut ai lam kata hta pat shing dang da let, lawt lam nlu matut hkawm sa lam mat nna, hkrat sum mat ai lam ni hte prat si htum mat wa chye ai hpe myit dum ra nga ga ai..

Masha ngu gaw shut chye nga ai, dai hta, nkaja ai chye nga ninglen shut ai lam ni hpe matut galaw nga ai ni dai ni mungkan hta law law rai nga ai, tinang gaw yaw shada lam nnga galaw hkrup ai ni a majaw sha madu hkum madu mara ndat ya ai lam ni nmai byim hkrum sha nga ai ngu n gun jaw shadum ya mayu ai. dai shut ai lam a ntsa, hpang kalang dai zawn shut ai lam hpe ngalaw kahtap nshut na matu shakut hkawm sa ra ga ai, laga wa tsun jahpoi ai lam ni a ntsa pawat sindawng yawn taw na malai, prat shawng lam hkawm sa na lam hta n gun langai hku galai nna, nhkam ai myit hte shakut hkawm sa lu yang teng sha ngang gring ai awng dang lam ni hpe lu la na rai nga ai..langai hte langai shut ai lam nbung ai hta, masa lam ni ga shai hkat wa na re, shut ai lam galaw hkrup yang mung, hpyi nem tawng ban na nmai litli dum ai nga tim, masha langai a matu, hpyi nem tawng ban ai lam gaw, yak la ai lam langai mung rai nga ai. grau nna, tinang shut ai lam galaw hkrup ai shaloi masha ni yu kaji kau na kun?, mara shagun na kun ngu ai myit hte shut ai lam hpe shut ai ngu mara nhkam la gwi nna jaw ai lam galaw ai zawn sha  nga taw ai ni mung dai ni mungkan hta law law rai nga ai dai zawn re hta na, tinang gaw hpa mi byim taw tim, shut ai lam galaw hkrup yang, shut sai lam hpyi nem gwi ai lam gaw, share shagan myit rawng ai hte, lit la gwi ai ni hta she mu lu ai myit masa langai mung rai nga ai. shut yang hpyi nem tawng ban mai ai rai nga nga nna, sak prat hta jahkring hkring shut taw gaw nmai nga ai, dai zawn jahkring hkring shut dat hpyi nem tawng ban dat rai yang mung, kadai mung nang hpe kam hpa lam nnga wa na hpe gaw myit dum ra nga ai. dai zawn sha shut na hpe hkrai mung nmai hkrit taw nga ai, shut ai hpe shut ai hku mu chye ai rai yang, kalang ta sharai lu na sha ahkyak madung rai nga ai dai hte maren dai shut ai lam hpe tinang hkrai tinang mara nlu raw ya ai lam, myit kaji nga ai lam ni a malai, shut kau ai shara kaw sha kataw nga na nrai sha, madu hkum madu jan bai lu tsap rawt hkawm lu hkra  shakut let, sak prat hpe nnan kaw na bai gaw de lu hpang lu ai atsam nga rai ai ngu gam garan ya let,

 

#youth

#rvakachinservice

Add new comment

2 + 9 =