Shani Shagu Na Sak Prat A Mang Hkang Ni Lapran Malan Lu Na Matu

Shani Shagu Na Sak Prat A Mang Hkang Ni Lapran Malan Lu Na Matu

Nang hku na shani shagu na sak prat a mang hkang ni a lapran hta nga nga ai lam tsampu tsampa byim nga sai kun? mang hkang ni law law a kata tinang gaw shang lawm seng nga ai wa rai nga yang lani hte lani sak prat hpe tawt lai nga ai shara hta ten shagu myit shuk nga ra na re ndai zawn re mang hkang ni kaw na gara hkau malan lu na....

Shut ai lam ni hpe kalang ta sharai u..Manghkang byim ai ngu gaw kaja nga yang jashut galaw ai ai lam rai nga ai tinang galaw dat ai shut ai lam a majaw byim pru wa ai mang hkang re ai majaw dai shut ai lam hpe ten dep sharai lu ra nga ga ai, ten dep ngu ai gaw kalang ta bai galaw na matu tsun ai rai nga ai shinggyim sak prat hta shut ai lam hpe sharai na matu ten ndep mat ai ngu ai nnga nga ai dai majaw shut ai lam ni hpe kalang ta sharai lajang u.

Tatut mabyim hte myit sawn galaw sa u..Mang hkang langai byim wa ai shaloi hparan na matu tatut masa lam hte myit sawn galaw lu na mtu mung ahkyak nga ai, lahta de tsun lai wa sai hte maren, mang hkang a npawt hpe tam lu sai nga yang mabyim masa hte hkrak mahtai hpe tam ra na ra nga ai nmai byim ai lam ni hpe nmai myit nga ai mang hkan ghpe gara hku hparan na ngu hpe nang  hkum nan asan dan dan leng leng chye nga ai

Mang hkang ni hpe koi yen hprawng hkawm na nmai myit nga ai

Mang hkang ni hpe man up nhkrum nna hprang koi yen nga ai ngu gaw lam yan jaw mahtai jaw ai lam nrai nga ai, gam rawng nna mang hkang langai kaw na koi yen tawt lai lu mat tim, hpang mang hkang ni hte nang naw hkrum ra na sha rai nga ai dai mjaw mang hkan ni hpe man up hkrum kadup dat u, dai hta mang hkang ni a npawt  lam hpe gaw atsawm nang tam ra na re

Hkrat sum lam ni kaw na hpa ji la u..mang hkang ni shut ai lam ni hte hkrum katut ngut sai ten, gara hku mi hparan lu u ga, kaning re ai shut ai lam ni hpe sharai lu tim, hkrat sum lam ni hte gaw hkrum ra chyalu rai nga ai, dai hkrat sum lam law ai hte yawm ai lam sha shai nga ai, hkra machyi sai nga sai kaw na gaw tinang maga kaw na jaw kau ra ai lam ni sha rai nga ai dai majaw tinang a hkrat sum lam ni kaw na hpang mang hkang ni, shut ai lam ni hte bai nhkrum lu hkra hpa ji la chye ra nga ga ai.

Bai Anhte ni hpa majaw npyaw lu nga ai kun ngu hpe bai yu yu yang, masha law malawng gaw, npyaw ngawn ai lam ni hte nga chye  mat nga ai ngu tsun ma ai, anhte ni hpa majaw npyaw lu nga ai kun kalang lang  npyaw ai lam byim ai lam gaw ja gumhpraw mayak hte magam bungli nprinem ai a majaw sha mung nrai nga ai, ndai rawn re lam yan ni a majaw mung rai nga ai hpe shadum ya mayu ai

Tinang kaja wa galaw mayu ai lam ni hpe nlu galaw ai a majaw re.. Sak kaji ai ten, sak prat hpe n gun atsam hpring marai ni yang hte hkawm sa lu ai ten, tinang galaw mayu ai,lam ni nlu galaw dat ai a majaw ngam nga ai sak prat hta npyaw ai lam gaw grau law nga ai hpe mu lu nga ai

Laga Wa Ni Hte Shing Jawng Taw Nga Ai Mjaw...kadai wa hta kade ram grau ra na ngu ai shingjawng mayu ai myit gaw shadawn jit na langai du hkra gaw kaja nga ai myit pyaw lu na matu nga yang nkau lam yan ni hpe tat kau ra na rai nga ai

Madu Hkum Hpe Ntsawra Ai A Majaw, Tinang a myit hte tinang nsadi nna kanau da ai lam gaw, tinang hkum tinang ntsaw ra ai a majaw sha rai nga ai hkam kaja lam hkra shangun chye ai bungli ni galaw nga ai, sadi sahka nnga na nga yang madu hkum ntsawra ai hte bung nga ai, matut manoi lam ni gaw tinang nra sharawng ai sak prat de lani mi na ten tinang hta mu wa lu na lam rai nga ai

Pyaw Pyaw Chye Nga Ai Ni Hte Nkanawn Ai A Majaw..Tinang kanawn ai masha ni a sat lawat hte akyang lai len ni gaw  tinang a ntsa gaup ai lam law nga ai pyaw pyaw chye nga nna, mani hpa chye tsun ai ni a lapran nga ai wa gaw, nlawhtum gaw jahkring hkirng mani hkup nga na rai nga ai

#youth

#rvakachinservice