Shabri Shabrai Hta Grau Galaw Ai Lam

Shabri Shabrai Hta Grau Galaw Ai Lam

Anhte ni gaw, anhte a sak prat sak hkrung lam a matu, magam bungli langai ngai hpe gaw galaw nga ga ai ni hkrai rai nga ai, ndai zawn galaw nga ai shara hta, anhte ni nra sharawng ai magam bungli, nkam galaw ai magam bungli bai anhte ni grai nan galaw mayu ai magam bungli, grai nan gaw nrai tim, shi hte shi gaw galaw mayu nga ai magam bungli ngu nna hpan masum ram nga ai hpe mu mad alu ai.

Sak prat sak hkrung lam a matu sha yaw shada let, galaw shakut nga ra ai magam bungli hpe, anhte ni ra sharawng na gaw yak la nga ai hpe mu mada lu ai, anhte ni grai nan ra sharawng ai magam bungli  nga yang gaw, aten ladaw ni kade na na, kalang lang aten ni hpe pyi htum lawan ai ngu shadu kau hkra galaw nga chye ga ai dai majaw masha langai a hkam dang lu ai atsam gaw tinang galaw ra nga ai magam bungli hpe ra sharawng ai lam shing nrai nra sharawng ai lam a ntsa madung ahkyak nga ai lam hpe mu mada lam tsun dan mayu nngai

Anhte mash ani  gaw, tinang ra sharawng ai magam bungli hpe galaw nga ra ai mi rai rai, tinang tsawra ai ni a matu galaw shakut ra ai mi rai rai galaw taw nga ra na nga yang, myit lawm hkum lawm hte galaw ya chye nga ga ai mung rai nga ai dai majaw lawan ladan ai hku ngut kre awng dang wa lu ai lam mung rai nga ai tinang ra sharawng ai magam bungli hpe galaw nga ai wa gaw, shata shabrai ai wa mi rai rai, kawli nchyang sha ai wa mi rai rai, shadawn shadang hta grau nna grau kaja hkra galaw shakut nga ai re, dai majaw tsawra ai ramma ni kadai raitim, magam bungli galaw sana nga yang, tinang ra sharawng ai magam bungli hpe sha ahkyak da tam galaw sa wa na matu ndai shara kaw madi madun n gun jaw shadum ya mayu ai.

Kalang lang hta, tinang ra sharawng dik magam bungli rai nga taw tim, laga magam bungli langai gaw, shang gumhpraw grau kaja nga taw ai lam, rawt jat awng dang na matu mahkrun nga ai magam bungli nga taw ai rai yang,tinang a makin jinghku manaw manang nig aw, dai magam bungli zawn re hpe sha galaw shangun mayu na sha rai nga ai dai zawn tsawra ai ramma ni a sak prat hta hkrum wa ai hkrum taw nga ai rai yang gaw, tinang a dinghkrai ngyan marai atsam hte, daw dan jahkrat nna, nnan daw hta gaw kade ram yak nga tim, tinang ra sharawng ai mgam bungli hpe sha lata galaw grin nga ai lam hpe ngai na mu mada ai ningmu lam hte n gun jaw tsun shadum dat nngai masa lam hpe tsun ga nga yang, shata shabrai gaw law law nga taw tim, tinang nra sharawng ai magam bungli rai taw nga yang, magam bungli lam hta, nprinem ai lam law law hte hkrum sha chye ng anna, shawng lam a matu nkaja ai lam ni byin pru shangun wa chye ai hpe tsun dan mayu ai re

Anhte nig aw magam bungli langai hpe galaw ai ngu ai shara hta, tinang a shata shabrai ja gumhpraw hta grau nna, galaw shakut ya chye ai akyang hpe mung shangai la grin ai lam ndai bat na lamang hta lak san n gun jaw mayu ai ndai mung lam yan masa lahkawng nga nga ai langai ngu nag aw, masha langai gaw, tinang lu la ai shabri shabrai hta grau nna dawn jan hkra galaw shakut ya chye ai shi ga lu madu da ai nga yang, magam bungli shingwang hta nang teng sha dan dawng nga taw na gaw teng sha rai nga ai ndai zawn shi ga kaja ni a majaw tinang hpe tatut hta bungli madu hku nna mung, laga bungli madu ni hku nna mung nang hpe ra kadawn nga ai ni law law rai nga na teng sha re lahkawng ngu na masa lam gaw, lu la ai shata shabrai hta grau nna magam bungli hpe galaw shakut nga ai a marang e, tinang a kungkyang ai lam atsam marai ni dai wa nna, rawt jat wa na lam hta, shaman nga ai hte mung bung taw nga na sha rai nga ai ndai lam yan lahkawng gaw hpa hte mung shadaw nlu ai nang a atsam marai ni nan rai nga ai atsam marai hte kung kyang ai lam nga ai magam gun masha hpe, bungli madu ni shagu gaw, laga magam gun ni hta, ahkyak la hkungga ai hku  shara jaw tsun shaga nga ai lam mung mu lu nga ai.

Dai majaw anhte ni mung tinang ra sharawng ai magam bungli hpe lata galaw sa let shakut shaja galaw nga ra ai zawn, tinang nra sharawng tim, masa lam amyu myu a majaw magam bungli langai hpe galaw gun hpai nga taw sai nga yang, shata shbrai hte shingdaw nna nyu taw nga ai sha, tinang a ngyan atsam marai mahkra hte magam bungli a ntsa n gun dat galaw sa mat na nga yang, ten ladaw langai du wa yang, sari sadang he hpring ai rawt jat awng dang lam ntsa du wa lu na teng sha rai nga ai, shangun yang she chye galaw ai wa gaw Mayam da nshangun nna galaw chye ai wa gaw Madu myit ng anna, tsun da ai hpe mung na ga yu ai dai majaw tsawra ai ramma ni anhte ni gara myit masa hpe shangai shaprat la na rai ngu ai hpe myit sawn yu ga ngu gam garan dat let,

#youth

#rvakachinservice