Sak Prat Ngu Ai Gaw, Hkring Nga Nmai Ai

Sak Prat Ngu Ai Gaw, Hkring Nga Nmai Nga Ai

          Shangai wa ai ten kaw na, si wa ai ten du hkra hpe sak prat ngu tsun ma ai, kaja wa sha sak prat ngu ai gaw, hkrun lam langai rai nga ai, dai lam hpe masha shagu yawng hkra hkawm sa nga ga ai re,

Dai zawn hkrunlam galu  hpe hkawm sa ai ten hta, galoi shagu ngu na daram, lam pat ya ai ni zawn, ten ladaw langai du hkra hkring ai zawn hkrum sha wa na sha rai nga ai, raitim, sak prat ngu ai gaw,  ten langai hta, gara lam yan masa hte hkring nga ai ngu nnga nga ai, ten ladaw langai du hkra hkring sa ra ai mabyin hte hkrum wa tim, tinang maga gaw hkring na nmai nga ai, masa lam hpe yu nna, ram pra hkra shamu shamawt hkawm sa ra nga ga ai  lam yan langai hku na tsun ga nga yang, shawng de du na matu lagawt ra nmai byin nga tim, tatut masa lam shara hta, shamu shamawt nga taw ra na masa mung rai nga ai hkring nga ai ngu shara hta, lahpawt lama nbyim hkra hkring nga gaw nmai ai ngu ai hpe tsun dan mayu ai

Tinang a matu, sak prat hkrun lam hta hkawm sa na matu, gawt hkang nga ai ten gaw, Mayu ai tara masa lam rai nga ai, tsun ga nga yang, sak galu hkawm sa mayu ai, arawng satang, ninggawn wa byim mayu ai lam, makau grupyin a ahkyak shatai hkrum ai wa byim mayu ai lam, shakawn shagrau hkrum mayu ai lam, awng dang ningtawn ai wa byim mayu ai lam ngu zawn re ai Mayu ai tara masa lam ni gaw, tinang hpe awng dang na lam masa de ganawng ya nga ai dai a matu, sak prat hta hkring taw nga nmai nga ai hkring taw nga ai lam gaw, si hkra sat ai hte bung nga ai dai majaw si ai ten du hkra sak hkrung lam hta, magyi magaw, ninghkap, bum ni tawt lair a tim, hkawm sa ra na ahkyak nga ai

Dai zawn sak prat hkrun lam hta hkawm sa ai ten, tinang a yaw shada lam hte tinang a lapran mang hkang mayak ni hte, hkrum wa chye nga ai dai ten,  tawt lai ngwi ai ni, mang hkang ni hpe hparan na atsam nnga ai nig aw, lawt lam tam chye nga ga ai dai zawn tam ai lam gaw awng dang lam hpe jam jau jaw chye ai lam rai nga ai,  shyinggyim wuhpung wuhpawng de nshang gwi wa ai lam ni byim w anna, tinang hkrai san nga chye nga ga ai, nkau nga yang, myit ningma ni lu ai wa byim mat ai pi nchye na nga mat ai ni mung law law rai nga ai hpe mu mada lu nga ai

Dai majaw njaw ai lam yan hku lawt lam tam ai lam gaw, sak prat a mang hkang ni hpe hparan lu na lam  hta gaw, madi shadaw ya nlu nga ai, chyi taw nga ai wan n ga hta, dap magoi  da ai zawn byim chye nga ai, shngra tara gaw tinang hkawm sa ai lam hta, nampan ni hte gat da ai hkrun lam zawn gaw nre nga ai, mayak jamjau lam, ju sumpum ni jahkrat ya let, atsam ningja ni hpe jep ya nga ai lam rai nga ai mang hkang hpe kalang ta hparan dat ai ladat hte  ngut kre mat ai bawn re nga ai, kaja wa galaw ra nag aw hkrum katut wa ai mabyim masa hte,bung pre rapra hkra, shabung ra na, hparan ra na rai nga ai ga shadawn tsun ga nga yang, ja gumhpraw yak yang, gumhpraw tam na lam yan hpe tam let galaw sa ra na rai nga ai, jahkring mi na lawt lam a matu, tsa nang hkra lu let shamat na gaw jaw ai lam yan masa nre nga ai

Tinang a sak galu nga sa lu na ahkaw ahkang lu ai lam gaw, makau grupyin hte, bungpre rapra hkra nga chye ai lam a majaw rai nga ai, awng dang lam, n awng dang lam hte nseng nga ai, awng dang na jam mau lu gup na matu, sak prat ngu ai gaw hkrung taw nga ai lam nre, hpe chye na hkap la da let, Mungkan a tara lam hpe nhkrit ai sha man up hkrm hparan lu ai lam sha mai byim nga ai ngu n gun jaw mayu ai.   

Bai Hkrang shapraw ra na yup mang ni hpe bai tsun dan mayu ai, yup mang hpe hpaji ninghkring ni lachyum amyu my hpaw tsun da nga ma ai, hpaw tsun da ai hta mung, shi ningmu hte shi jaw taw nga ai sha rai nga ai nkau yup mang nig aw, myit sawn kaja na matu san san sha rai nna, kade nna ai ten hta mat mat chye nga ai, nkau bai rai yang, hkrang nan shapraw grin ai yup mang ni rai nga ai, dai a matu, yup mang ni hpe, myit shingran ni hte gaw sharawt ai lam ngu  ndai shara kaw tsun mayu ai,  tinang a htawm hpang a matu, tau hkyen lajang ai lam nnga, hkrang shapraw mayu ai myit nnga ai ni a matu manu dan ai yup mang ni gaw alaga rai mat chye nga ai, dai a matu, lai sai ten na mabyin ni nga yang nga na, ta tut mabyin ni nga yang nga na, htawm hpang ngu nna nga ai, htawm hpang a matu shajin da ai lam nnga ai wa a matu, sak hkrung lam gaw lachyum rawng nan re nga ai,

 Sak ram nga ai ni a matu, shi asak hte shi myit mada lam yup mang shingran n inga chye nga ai zawn, sak kaba nga sai ni hta mung, shi asak hte shi myit mada yup mang shingran ni nga chye nga ga ai dai yup mang shingran ni hpe hkrang shapraw sa wa ai lam hta lit hte n gun atsam bungpre na mung ahkyak la nga ai, byim mayu ai myit gaw, myit mada lam hte pu tsawm ya nga ai, dai hta, manam pyaw na matu, manu dan na matu nga yang, marai dat ra nag aw ra kadawn nga ai, dai aten, myit ni gaw, ra kadawn ai mahtai hpe jaw ya lu na rai nga ai, byim mayu ai lam byim wa lu na matu, nhtingnut ai marai ni hte shakut na re, dai zawn myit masa tawn da ai ni gaw, ningtawn ai ni rai nga ai hpe mung mu lu ai

Dai majaw ngai a matu, htawm hpang ngu ai nga nga ai ngu ai myit masa hpe shangai shaprat ra nga ai, dai myit mada lam gaw, awng dang lam a matu, zaw langai rai nga ai nga yang nshut nga ai, madu a galaw lu ai atsam ni hpe npawt da let, nhtingnut ai atsam ni hte hkrang shapraw sa wa na nga yang, yup mang ni kaw na, jan mau nig aw, awng dang mayu ai ni a, shawng hta du wa na rai nga ai lam shadum ya mayu ai

#youth

#rvakachinservice