Sak Prat Hkrun Lam Hkawm Sa Tawt Lai Nga Ai Ten Hta

   Sak Prat Hkrun Lam  Hkawm Sa Tawt Lai Nga Ai Ten Hta

Shyinggyim prat hpe hkawm sa tawt lai nga ai ten, nkau ni gaw grai nan awng dang nga ma ai, mying gumhkawng ai, nkau mi bai rai yang, lu lu sha lu ai ram sha, bai nkau mi gaw grai nan yak hkak nga ma ai hpe mu lu ai, hpami rai tim magam bungli shakut shaja hkawm sa nga ai ni chyu sha rai nga ai  dai hta e, masha shagu  tinang lit la galaw sa ai lam yan ni hta, kung kyang ai lam, chye na ai wa, galaw lu ai wa byim hkra galaw shakut da gring nga ai, dai rai yang chyu sha, tinang galaw sa ai magam lam hta ra sharawng myit dik ai hte tinang hpe ra kadawn nga na rai nga ai.

Bai langai hku nna yu ga nga yang myit malang ai lam nga ra ai ngu mu mada ai ndai myit malang ai lam gaw, gaw sharawt da ai gaw kaja dik re ngu n gun jaw mayu ai, tinang a myit hpe tinang chye htum rai nga ai majaw, manang wa hpe lu masu tim, madu hkum hpe gaw nmai masu nga ai, dai majaw tinang a myit masa hpe lajang shachyip da gring nga ai, myit sum nung ai hte tsun shaga kanawn mazum ai ni hpe kadai mung ra sharawng ai ni law nga ai dai majaw, sum nung shingdi ai hte tsun shaga ai mung kaja dik ai masa lam yan langai rai nga ai, dia majaw tsawra ai ramma ni a sak prat hta ndai zawn myit masa tawn da lu hkra shakut sa wa ga ngu kahtap na shadum n gun jaw mayu ai. tinang hkum nan mai kaja ai hku tsun shaga chye ai wa byim ra nga ai, maga mi hku tsun ga nga yang, tsun shaga ai lam hta kung kyang ai lam, tinang hpe tsawm tsun shaga wa ai ten hta mung tsawm sha madat la gring ai hte, sharin shaga wa ai ten ni hta mung madat mara chye na ra nga ai.

Myit tsaw myit dap ai lam ntawn da gring nga ai, dai zawn myit tsaw myit dap ai ni hpe manang ni tsun shaga na lit li dum nga ga ai, dai majaw myit tsaw myit dap ai lam hpe koi yen gring nga ai.

Masha shagu hta, tinang a galaw lu ai lam hta hkan nna, lu gring ai ahkaw ahkang ni  nga chye nga ga ai, tinang lu la gring ai lam hte seng nna lu la gring ai shadawn shadang langai hta, myit dik chye ai wa byim hkra mung myit masa hpe shajin da ra nga ai

Lam shagu hta madung ahkrak ai hte, yu maya nga nna garan gin hka da ai lam ni nga ai. dai madung ahkrak ai hte yu maya hpe chye na da lu ai atsam nga na grai nan ahkyak shang lawm nga ai dai zawn garan gin hka chye lu nna, madung galaw sa na lam hpe myit maju jung ai hte galaw shakut lu ai wa byim lu hkra hkawm sa ra nga ga ai.

Bai tsawra ai ramma kanau sha ni, Mahkrum madup law ai hte kun hpan ai lam mung, atsam  marai langai mi rai nga ai, dai zawn byim lu hkra shakut nga ra ai, dai zan hpring tsup ai wa hpe roi rip sha na masha nnga na daram re ai hpe myit dum let shakut hkawm sa ga ngu ga saw mayu ai.Tsun shaga mazut ai ai wa hpe kadai nra sharawng nga ga ai, dai zawn nbyim hkra mung hkawm sa shakut ga bai anhte shinggyim masha ni gaw, ra sharawng chyung ai lam nga ai grau nna, tinang hte seng ai ni, kun dinghku nta masha, manaw manang ni, makin jinghku ni hte seng nna, myiman hkan nna, kanawn mazum chye nga ga ai, dai zawn nbyim na mung ahkrak la nga ai re.

Shinggyim masha jet yang, kazawn mazum lam ngu nga wa ai, grit nem ai wa hte mung kanawn ra ai dai zawn kanawn ai lam gaw dip sha dang sha na matu nrai nga ai. tsaw ra matsan dum ai hte yu lakawn la na matu rai nga ai.Tinang hta grau  ai ni hte mung kanawn ra ai dai zawn kanawn ai lam gaw shanhte hpe manawn na matu nrai nga ai, kam hpa na matu rai nga ai dai hta, shanhte kaw na katsi la hpa ni, sharin hkam la ra na zawn re ai ni hka ja la lu na matu rai nga ai, dai zawn sha tinang hte bungpre ai ni hte mung kanawn ra nga ai, shanhte ni hte shingjawng ngyeng hkat na matu nrai nga ai, jawm jahkrum ra ai lam nga yang shanhte hte jahkrum bawng ban lu na matu rai nga ai hte, dai hku kanawn mazum chye yang tinang a matu akyu chyeju lu wa lu na sha rai nga ai.

Masha jet mayu yang, myit tau ya chye ai myit nga ra ai, dai hta ga sadi dung ra nga ai, magam bungli galaw yang mung shawang myit tawn da let galaw shakut sa ra ai, bai magam bungli langai nrai langai gaw galaw shakut taw nga ra na rai nga ai, tinang a atsam marai hpe rawt jat wa hkra mung galaw shakut sa ra ai, dai rai yang chyu sha tinang galaw sa ai magam bungli ni awng dang rawt jat wa lu na rai nga ai. Sak prat ngu ai gaw, masha shagu a matu, mang hkang rai nga ai ngu tsun ma ai, dai mang hkang hpe hpran awng dang dang manga kau lu nna, sak prat hkawm sa ai hkrun lam hta pri nem tsawm htap wa lu na rai nga ai.

#youth

#rvakachinservice