Rawt Jat Galu Kaba Wa Na Matu Hpa Lam Ni Hta Arang Bang Ra Na ( Youth program )

 

Masha shagu gaw, tinang a sak prat tatut mabyim masa hta grau kaja ai shara langai de du mayu ai ni hkrai rai nga ai, Madu hkum rawt jat wa ai masha langai byim hkra nga yang, arang bang ra ai lam ni hta hpa ni galaw nga ai kun ngu hpe bai sawn sumru yu ra nga ai,

Aten hpe atsawm sha jai lang chye ai wa...Masha shagu a matu, aten ngu ai gaw ahkyak la nga ai zawn rawt jat galai shai mayu ai wa a matu mung aten hpe akyu nga nga jai lang chye na matu ahkayk ai kaw shang lawm nga ai manu dan ai aten ni hpe social media ni, game ni ntsa aten njahtum ai sha rau ai ten ladaw ni hta, sharin hpawng ni lung na laika ni hti na, ngu zawn re ni gaw tinang a matu, rawt jat wa shangun ai lam ni hte sha aten jahtum gring nga ai rai nga ai.

Laika Hti U..Laika hti ai lam gaw mai kaja dik arang bang ai lam langai re hpe mung mu mada ai, laili laika ni kaw na law la ai machye machyang ni lu la ai zawn sak prat a matu, mahkrum madup ni mung lu shangun nga ai, dai majaw laika hti ai akyang lailen hpe galaw nan galaw gring ai rai nna, rau ai ten ni hta laika hti ai lam ni hte aten hpe akyu nga nga jahtum ga

Galoi Mung Hka Ja Nga Ra Ai...Dai ni na prat hta hpaji lam gin hpan langai hpe hka ja ai shara hta grai loi nga sai re, chye mayu ai lam hpe internet kaw na aten kadun laman hta tam lu nga ai prat hta hka ja mayu ai lam hpe matut manoi galaw ra nga ga ai sharin hka ja la ai lam ni gaw nang a matu kaja dik arang bang ai langai mung rai nga ai

Tinang hkum hpe nmai masu ai.. Nchye ai hta, chye masu ai lam gaw sak prat hta nkaja ai akyang langai rai nga ai, tinang hta chye na ai ni, kung kyang ai lahta na masha ni hpe tinang kaw na nchye yang nchye ai ngu asan sha tsun let san la sharin la ra nga ai, jasam wa  kaw na tinang nchye ai lam ni hpe sharin hka ja la ai lam gaw gaya hpa nrai nga ai , chye masu ai sha madu hkum masu nga ai hte bung nna gaya hpa rai nga ai

Bai awng dang lam hpe ra sharawng ai ramma shagu sak prat ni hta awng dang lam ni hpe sha ra kadawn nga ma ai, sak prat aten ladaw langai de du wa ai ten, ging dan ai awng dang lam ni lu na matu, kaji ai ten kaw na yaw shada ban dung ni tawn da ra nga ai dai lam ni hta tau hkyen lajang ai lam nga ra ai hpe tsun mayu ai

Hpa magam bungli hpe mi galaw galaw tau hkye lajang  ai lam nga ai wa gaw kaja ai akyang langai rai nga ai, tinang a sak prat a matu mai kaja ai lamang ni jahkrat da ra na rai nna, tawt lai nga ai shani shagu na sak prat ni hta mung hkyen lajang ram ni ra kadawn nga ai, hpa lam ni hta tim pal hte mahkyen lamang galaw da ai lam gaw shut ai lam yawm shangun nag ai hpe mu lu ai

Myit Malang ai hte shakut u Nang gaw shakut shaja ai lam mada de masat hpring jaw mai tim, myit malang ai lam  nnga yang alaka rai nga ai tinang awng dang na matu laga wa hpe kabye shatai nna lung wa ai lam gaw shawng lam hta ngrin ai awng dang lam sha rai nga ai dai majaw shakut u, myit malang ai lam mung hpring rai nga ra ai

Galoi mung hka ja nga u...Tinang myit lawm ai  hpaji lam langai hpe galoi mung hka ja ai akyang hpe shangai shaprat ra ai, masha ni galaw ai majaw hkan galaw ai lam nbyim u ga, tinang  myit lawm ai lam hte bung ai Carrier langai hpe tam nna galoi mung hka ja nga u

Aten hpe majoi hkum shama..Ramma law malawng rawt jat lam hta lakin ai lam gaw aten hpe nhkungga ai lam hte law malawng seng nga ai aten hpe akyu nga nga jai lang na nga yang aten shagu gaw ja rai nga ai dai majaw aten hpe majoi hkum shalai jahtum kau shakut lu ai daram shakut sa wa ai zawn hkring sa ten ni hta mung hkring sa la sa wa ga ngu

 

#youth

#rvakachinservice

Add new comment

7 + 4 =