Ramma Hte Tsampu Tsampa Myit

Ya na prat hta, mying gum hkawng ai lam langai rai nga ai tsam pu tsam pa myit ngu ai ( Stress ) hpe, hpaji chye ai nchye ai, sari shadang nga ai n nga ai , matsan, lu su ni n ngam, gajai tsun let, hkrum sha nga ga ai re, Lai si ten gaw, bungli hta myit ru hpa nga ai sha tsun chye nna, bungli madu gaw, mazut ai, tingkyeng myit grai rawng ai, bai Kanu kawa ni hte kashu kasha lapran hta pyi, rip kawp tara nau law yang, kashu kasha ni a matu myit ru hpa byim wa chye ai, lai sai ten na myit ru ai ngu na malai, masha shagu ngu na daram Stress ngu ai tsam pu tsam pa myit ngu nna chye jai lang nga taw sai rai nga ai.

Ya na prat hta, kun dinghku masha marai ( 5 ) nga yang, dai  5 hteng bungli galaw ra nga ga ai, langai tam hpe dung sha nga ai prat nrai wa nga sai re,, dai majaw, ramma ni mung sak prat hte nhtuk myit a ting kyeng da hkrum ai hpe, hkrum sha wa nga ai, Bungli ba nna, nta wa ai ten, nta masha ni a, aput a ngun ai lam ni, law law hpe hkrum sha chye nga ga ai, dai hta, bungli a tsam pu tsam pa lam hpe kun dinghku nta masha ni hpe hpaw tsun dan mayu tim, nta du ai hte kalang bai myit ru ra ai, law wa yang, Stress ngu ai lam ni law wa nna, yaw gar kanu maga de galai shang mat chye nga ai, dai zawn yaw gaw ana byim wa yang mung, kaji sha law na yaw gar ana bai byim i ngu ai tsun katut lam ni mung bai nga nga ai lam, dai ni na prat hta law law rai wa nga ai hpe mu lu nga ai

Gara shara kaw raitim, dai tsam pu tsam pa lam byim wa ai lam gaw, dip gamyet da ai lam, manawn masham lam, tingkyeng lam ni hte hkrum sha wa ai ni a majaw, rai nga ai, dai tsam pu tsam pa myit ni a matu, hpaw tsun dan mai ai lahpyen shara langai mi ra nga ai, kun dinghku nta masha ni a lahpyen  lu la yang gaw, dai masha wa dai ana lu wa na nrai nga ai, shi hta, myit shadik ya chye ai, kanu ( sh ) kawa, kahpu kanau ni rai nga ai.Ndai zawn myit hkrum myit ra re ai kun dinghku nnga ai ramma ni gaw, manaw manang ni kaw na hpaw tsun dan lu ai lahpyen hpe, tam chye nga ga ai.

Manaw manang ni hte, ndai lam ni pri nem taw nga ai ten, grai nan kaja ai jinghku kaja ni rai nga ai, raitimung, myit masa lam nbung wa ai ten ni hta gaw, shatan ning hkan ai lam ni hte, myit garan wa let, tsawm htap ai prat hpe nlu madu ai ramma ni mung law law rai nga ai hpe mu lu ai, dai ten, mungkan ga hta gara hku mi nga nga npyaw wa  ai hte, langai hpang langai shang wa ai yaw ga ni hte hkrum sha wa nga ga ai rai nga ai, hpang jahtum madu a asak hpe pyi dingsa ai du hkra, myit sawn galaw chye nga ga ai re, dai majaw ya prat na ramma ni hpe, hting hkang ai shara hta, sadi sahka let sharin achyin chye ra nga ga ai ngu ndai shara kaw nu wa ni hpe shadum n gun jaw mayu ai. Kanu kawa ni hku nna, ngai shangai da ngai ra ai hku sak hkrung ra ai ngu ai nrai sha, ramma ni a byim mayu ai lam, hkam sha nga ai lam ni hpe madat ya chye ra ai. Bai ramma ni hku nna mung, prat hte hkan nna, magam bungli ni galaw ra nga  ai raitim, masha hkum ngau shagu tsam pu tsam pa myit ni hte nlawt lu nga ai, ngai hkrai sha nrai  ra kadawn nga ai majat hpaji ni matut hka ja shakut sa wa let, ningtawn wa nna, mahkrum madup law wa hkra, sharin hka ja let, awng dang ai sak prat hpe lu madu hkra, bungli madu langai byim hkra, shakut na ra nga saga ai, Bai tinang kam sham nga ai Karai Kasang a npu hta, shingbyi nna, kam sham ai lam lu la hkra shakut u, karai kasang ndang di lu ai lam hpa mung nnga ai hpe dum let, tsawra ai ramma ni a sak prat hta dai tsam pu tsam pa lam ni hpe, karai kasang kaw na n gun la let, dang manga kau lu ai atsam marai ni hpring wa mu ga ngu yaw shada let,

#youth

#rvakachinservice