Ramma Hte Aten Hpe Jai Lang Ai Lam

Youth & Times

 

Shinggyim sak prat hta mai kaja lam ni hpe lu galaw na gaw, Ramma ngu masat da ai aten ladaw kaw nan rai nga ai. Ramma ngu n gup kaw na shale dat ai hte rau, ram ram wa n-gun atsam ni hpring wa ai zawn, Ramma ngu ai amying shingteng hpe gaw, manu shadan ai nga ga ai re.

Sak prat langai ngu ai gaw, aten ladaw ni hte gaw sharawt da ai nga nna ka da ai hpe mung mu hti yu ai, manu dan ai lam ni kaw na  aten ngu ai wa gaw. hpa hte nmai galai ai malai nlu ai lam rai nga ai, ndai hpe mung ramma nang ngai yawng chye tawn da chaylu rai nga ai. Manu dan ai aten ni hpe akyu nga nga jai lang chye na matu tsun da ai lai ka lamang ni mung kahtap taw nga sai rai nga ai

Dai hta, sak prat ngu ai gaw amyu myu nga ai, kam maka a majaw, matsan ai ni nga ai zawn, lu su ai ni mung nga ai, gara hku mi rai rai, tinang byim mayu ai lam hpe byim na ahkang lu nga ai, madung ahkyak ai gaw, madu a myit rai nga ai, prat e jaw ai shinggym tara ni hpe hkrum katut wa ra ai, wang lu wang lang nnga na, galaw mayu ai lam ni nlu galaw ai ni mung nga nga ai, gara mabyim masa mi nga nga byim mayu ai nga yang, yawng hpe hkrum katut dang manga kau lu ai share shagan myit langai sha ra nga ai,

Dai ni anhte ramma ni hta, npawt nhpang  hpaji nsharin lu ai ni gaw nnga na daram rai wa nga ai, hka ja na, hti na nga yang, laika dum ni mung law law rai nga ai. Ndai zawn hka ja na gaw aten nlu jaw nna, hpalap seng, gam seng , facebook ni hkan sha aten jahtum nga ga ai law nga ai, sak prat hpe loi loi sha shadu nna, loi loi hte hkawm sa na nga yang, loi loi sha ngut mat na rai nga ai, ya na prat hta, hka ja mayu ai nga yang gaw, hka ja mai lam ni, nhtum nma rai nga ai, yak yak hkak hkak ni mung nna wa daram re, shawng na masha kaba ni sha na matu jin jin di da ya ai lam ni hpe shawng hka ja yu yu ga ngu na mung n gun jaw shadum mayu ai, ya prat na Ramma ni, ya prat na Ramma ni ni ngu jahpyak nga ai ni hpe ramma ni na na sha rai nga ai, tusn na zawn mung rai taw nga ga ai

Kanu kawa shagu hta, tinang shangai da ai kashu kasha ni hpe myit mada ai lam ni tawn da nga ga ai, tinang shangai da ai  kashu kasha ni hpe, masha ni zawn byim shangun mayu ai, dai ni hpe layung madun wa ai ten , ramma ni nkam hkap la mayu ma ai, kadai shut ai hpe myit sawn na ra nga ai, sak prat ngu ai gaw, madu nan man up hkrum yang she chye ai, sak prat hpe manu nga nga tawt lai nga ai ramma ni mung law law rai nga ai, kun dinghku a mabyim masa a majaw, madu a sak prat hpe madu hkawm sa nna, rawt jat galu kaba awng dang ai lam ni de hkan nga ai ramma ni mung nga nga ai

Prat hte, Lailen rawt jat nga ai ten hta, pyaw hpa lam ni kaw sha len nga ai ramma ni mung law law naw rai nga shi ai hpe mu lu ai, kanu kawa ni a shawun npu hta kam ai hku nga, lu galaw nga tim, shawng lam hkawm sa na prat aten ladaw ni gaw, kade ram naw galu na ngu ai nchye ga ai majaw, hpaji sharin na ten hta hpaji  sharin, bungli galaw  ra ai ten ni hta bunglu galaw nga taw lu yang she, htawm hpang na matu myit tsang shara nnga rai na rai nga ai

“Galaw Shagu Nbyin, Myit Hkum Daw ” ngu ai hpe gaw galoi mung myit dum nna hkawm sa shangun mayu ai, tinang gaw shakut nga ai raitim nbyim wa ai ngu myit daw nga ai ramma ni mung mkau grupyin hta law law rai nga ai, hpami byim tim shakut nga taw na gaw anhte ramma ni yawng a lit, ten du yang akyu ara hkam sha lu wa na gaw teng sha rai nga ai re, dai ni anthe a prat hta, rawt galu kaba wa lam ni hpe ra kadawn ai daram lu nga ga ai re, myit chyam bra ai lam nlaw ai sha, lam yan langai hpe lata nna, ningtawn ai masha byim hkra mai shakut nga ai re, tinang kaja wa myit shang sha myit lawm ai lam yan ntsa  htum ai du hkra shakut dat yu u, hpa magam ni hta raitim mayak ngu ai gaw nga nga ai, mayak kade law law, mi sha tsun lai wa ai dang manga kau lu ai share shagan myit langai sha ra nga ai, sin du ni hpe kabye kau, ju ni hpe dan, pat shingdang da ai ni hpe, kanawng hpaw kau dat u ngu na sha n-gun jaw shadum mayu ai, ramma shagu hta myit sawn yup mang ni nga nga ai, dai yup mang shingran ni hpe hkrang shapraw na matu, lu sha seng ni hkan aten jahtum nmai nga ai.

Dai yup mang shingran ni tatut byim lu na matu, kaning zawn re ai mayak ni hpe raitim man up hkrum kau lu yang she tatut ngu ai byim wa lu nga ai, sak kaba wa ai ten, kaning zawn re ai shara hta shang tsap lu nga ai ngu ai a matu, Ramma prat ha gara hku galaw lai wa ai ngu ai hte she seng nga ai, aten ladaw kaja ni hpe atsawm jai lang ga ngu tsaw ra ai ramma ni yawng hpe shadum n gun jaw dat let,

 

#youth

#rvakachinservice

 

Add new comment

15 + 4 =