Online Tara Laika Sharin Lamang - Pran Wan Ladaw Laban 24

Online Catechism- 24th Sunday

Sept 12,2021

1. Akyu hpyi
2. Kabu Gara Shiga - Marku 8: 27-35

Tsaw ra ai ma ni e, dai hpawt anhte na la ai kabu gara shiga hta;

Madu Yesu shi a sape ni hpe san ai: “Nanhte mahtang ngai hpe kadai wa re ai nga nga myit ta?

Shaloi sape ni hta na Sape Petru gaw: “Nang, Hkristu rai nga ndai,” (ngu nna shi hpe tsun wu ai). Hkristu ngu ai gaw hkyela Madu ngu ai re.

Rai yang, nanhte a makam masham hta matsing da ra ai gaw:

“ Madu Yesu gaw Hkyela madu re” , ngu ai re. Dai majaw anhte “Madu Yesu Hkrsitu mying ningsang hta ..” ngu mying gang akyu hpyi ai re.

Matut nna, Madu Yesu gaw nni nkri law lawm hkrum, nyet kau hkrum nna, wudang hta jen si hkam ai hpang nhtoi masum ya hta bai hkrung rawt na re ngu sharin ai lam re..

okay..ma ni e, nanhte matsing da ra ai gaw

Madu Yesu gaw nhtoi kade ya shani bai hkrung rawt a ta? —-Masum ya nhtoi hta”…

Ya anhte nanhte hpe saw shaga ai Madu Yesu a mungga hpe hkan tsun ga:

Marku 8: 34 “ Ngai hpang de hkan sa mayu ai wa kadai rai ti mung, tinang hkum hpe ndang kau nna, shi a wudang hpai let, ngai kaw hkan nang ru ga”.

Grai matut nna, ndai mahkawm hpe bai madat let hkawn ga…

1. Mahkawn: ( Udang hte seng ai mahkawn moi bang da ai nga ai. chyeju hte tam na bang ya rit. Sara Mung Rat mahkawn ai re…September shata kaw ang sam sai).
2. Hkaja lamang:

Tsawra ai ma ni e, ya matut nna hkaja lam hpe hkam la ga.

Ndai September shata gaw chyoi pra ai Nu Maria “ningpawt mara nkap ai poi” galaw ai re. dai poi gaw lai wa sai september 8 ya shani ang sai. Dai shani hta Velankanni Nu Maria ngu ai hkam kaja ai Nu Maria a poi hpe mung shaang da ai.

Dai hta n’ga, du na September 19 ya shani gaw La Salette Nu Maria poi mung rai nga ai. Nu Maria hpe hkungga shagrau ai poi ni ang ai shata re. Dai majaw Mama nanhte hpe valankanni Nu Maria a lam shawng tsun dan na.. du na bat gaw La Salette Nu Maria a lam hpe tsun dan na re. 

Ya Valankanni a labau mabyin hpe madat ga yaw..

Moi jawprat 16 htum hkan hte 17 hkan e  India dingda maga kaw Nu Maria gaw Kasha Ma Yesu hpe pawn nna Nga chyu sa ya ai la kasha ma hpe kalang, Ngachyu dut ai lagaw n kaja ai la sha ma langai hpe kalang, hka portugee sanhpaw na hpaga masha ni hpe kalang rai, masum lang dan pru dan sai re. Dan pru dan ai mabyin ni gaw gara hku ta? Ya mama dai mabyin masum hpe tsun dan na..

1. Shawng na lang gaw 1570 ning May shata hta - velankanni mare kaw nga chyu sa ya amu galaw ai la sha Damil ngu ai la sha gaw lani mi nga chyu shup la nna sa sa yang, jan grai ja ai majaw lagat hpun shingnip hta sa yup mat ai. Shaloi htoi tu kabrim ai lamu na grai tsaw ai shayi langai ma pawn nna yu wa ai. Dai hpe shi gaw…oh ngai yup mang mang taw ai i..nga kabun taw yang, ..n re, ngai Nu Maria re, ndai gaw Kasha Yesu re..” ngu tsun ai. Dai hpang, na nga chyu hpe nye ma hpe jaw lu ya rit ..shi hpang gara taw ai ngu “.. hpyi ai. Damil mung jaw lu dat yang, yawng lu ai hpe mu ai. Dai hpang shan hpe n mu mat ai, shi ngachyu yam hpe yu yang, ngachyu kaji mi pyi n rawng sai  mu mau ai. Ngachyu sa na nta de lagat sa na, dai mabyin hpe tsun dan ai. Shaloi dai slang wa n kam ai, “rai sai, na mabyin hpe ngai myi chyaw mu yang kam na…nye matu hpawt de bai sa ya ..ngu tsun dat ai shaloi jang, dai yampu na ngachyu ntsin ni lwi kahpret wa ai re. Shaloi dai salang wa gaw Damil tsun ai hpe kam nna dai shara de sa yu ai . Shan du yang, Nu Maria bai dan pru dan ai. Salang wa hpe nang ndai ma nye kasha hpe ngachyu jaw lu ai. Nang mung shi kaw na hkaja u..Na a sut hpe matsan ai ni hpe garan jaw ngu ..nga tsun ai. Salang wa mung dai hte maren shi a sut ni hpe ra ai ni, matsan ai hpe hpe garum jaw dat ai…re. Dai dan pru ai lagat hpun makau na shi lu ai hka lu ai ni machyi makaw mai wa ai lam law law nga ai… Dai hka la-ing hpe Matha Kulam nga shamying ai.
2. Lahkawng lang na mabyin:  Bai 1597 kaw mung dai Matha Kulam hte nau ntsan ai shara kaw dan pru ai. Dai hkawm sa hkawm wa lam makau e, lagaw  latsa hten nna, lam hkawm n kung mat ai la sha langai ngachyu dwi dut dung dung rai nga ai. hkawm sa hkawm wa ai ni mari lu lu rai ai . Lani mi Nu maria gaw kasha Yesu hpe pawn nna shi hpand sa ai. Shi hpe mung ma a matu ngachyu hpyi ai majaw shi jaw lu dat ai. Dai hpang shi hpe Nagapattinam de sa nna, Kahtawlik hpung salang langai hpe Nu Maria hpe shagrau ai nawku jawng gap ya na tsun shangun ai. Dai la sha ma gaw, ngai lagaw n kung ai ,,Nu sa woi la yang she lu sa na ngu htan dat ai. Shaloi Nu Maria gaw shakut tsap na hkawm yu u ngu ai..shi shakut ai hte maren, lagaw layaw ai mai na,,grai pyaw let lagat mat wa ai. Dai salang wa hpe sa tsun nna, nawku jawng kaji gap nu ai. Dai nawku jawng hpe hkam kaja ai Kanu Maria nawku jawng ngu shamying sai. Tamil ga hku gaw Arokia Matha” nga ai re.
3. Masum ngu na gaw shaning loi mi na ai hpang, potugee hpa-ga samhpaw gaw Macau kaw na Sri lanka de sa ai panglai lam hta Bengal ngu ai panglai hpung wai kaw du yang,  nbung laru bung wa ai majaw samhpaw ladu lai ashun nna, gup na zawn rai wa ai ten, shanhte a sanghpaw kaw da ai Panglai a shagan Nu Maria sumla kaw “garum la rit “ ngu akyu hpyi ai. Akyu hpyi yang, nbung laru zim mat na, shanhte mung Velankanni daru kaw lu yu nu ai. Dai shani gaw september 8 ya, Mara nkap ai Chyoi pra ai Nu Maria poi rai nna, Velankanni -hkam ja Nu Maria nawku jawng de sa ai. Dai hpang Nu Maria a htinglu akyu hpyi ya ai hpe chyeju dum na matu, dai nawku jawng hpe grau tsawm kaja hkra gram gap ya ai..

Rai sa ma ni e, matsing da ga. Bai, Nu Maria a htinglu akyu hpyi ai hpe anhte a mung masa lam ni , ana zinli a matu, majan zim na matu, tengman ai tara nga na matu garum hpyi ga…

Okay tsaw ra ai ma ni e, dai ni anhte Velankanni hkam kaja ai Nu Maria hpe hkungga shagrau nna, shi hku akyu hpyi ai ni hkam kaja ai lamik kumla law law nga sai, re. Dai ni anhte ni Velankanni hkam kaja ai Nu Maria hku na machyi hkrum nga ai ni hpe Karai

Kasang kaw akyu hpyi ya ga i…

Bai hkrum ga…