Ningrum ningtau wa a nkja ai lailen ni hpe gara hku chye na hkap la na

Anthe madu jan hte madu wa lapran chye na hkat ai lam shai wa yang shinggan kaw na nkaja hkalem ai lam ni shang wa na re.Anhte a dinghku hpe Madu jan madu wa langai hte langai a gawng kya lam hpe chye na hkap la let rau sha jawm hkawm ra ga ai re.

Anhte hta kachyi mi pyi hkap la mara dat ya nmai ai lam ni hta lai nna kaga masa lam ni hpe gaw kalang marang nmu nchye masu kau ra ai.Dinghku langai hta madu jan mi rai rai madu wa mi rai rai kaja ai hte nkaja ai nga ai ni hkrai rai nga ai.

Anhte a ningrum ningtau wa tinang a ntsa mara kaba galaw ai hta lai nna kaga shut ai lam ni hta madu wa ni hpyi nem tawngban ai rai yang anhte madu jan ni kaw nna mara raw dat ya ra ai.Hpang kalang hta shut ai hpe sharai nna kaja lam ni hta galaw na matu ahkaw ahkang jaw ra ai.Bai nna tinang a ningrum ningtau wa a nkaja ai lailen ni hpe  atsawm sha myit dik lik yu na matu hpaji jaw chye ra ai.

Dai rai yang she ningrum ningtau wa mung gara gaw shut ai jaw ai ngu ai hpe atsawm sha myit la chye wa na sha rai nga ai.Kalang marang gaw ningrum ningtau wa a kaja ai lam ni hpe mung shanhte hpe tsun dan ra ai.

Ningrum ningtau jan ni kaw nna mung mara dat ya mai ai lam ni hpe shi a kaja ai lam ni hte myit dum shabrai kau ya mai nga ai.Lahta de tsun lai wa sai zawn ningrum wa a ga hpe myit galu hte madat ya ai lam hpe galaw chye ra ai,

Ndai zawn madat ya ai lam gaw madu jan madu wa lahkawng yan a matu kaja nga ai bai nna tinang a madu wa hpa majaw pawt ai ngu ai hpe chye wa lu na rai nga ai.Anthe a ningrum wa shi galaw shut ai lam hpe shi lit la na nga jang anhte ni mara dat ya ga.

Anhte a ningrum ningtau wa hpe bai kam ya ga.Anhte a ningrum wa shut ai lam ni hpe hpa majaw galaw hkrup ai ngu ai lam hpe anthe ni sagawn hkaja yu ra ai.Kalang marang manaw manag ni a majaw mung byin mai nna shi a hkam sha ai lam a majaw mung shut ai lam hpe galaw chye nga ai.

 Anhte ningrum ningtau jan ni kaw nna atsawm sha hkrak chye da ai gaw anhte a dinghku ahtik ahtawk ai lam hpe koi gam lu na rai nga ai.Kun dinghku hpe yu lakawn nga ai dinghku kanu ni anhte a dinghku ngwi pyaw na matu gaw madu jan madu wa shada da langai wa a gawng kya ai kaja ai ngu ai lam hpe chye na da let shada da pawn ba garum shingtau hkat let anthe a dinghku hpe gawgap la ga law.

By; Munghkrang