Ningbaw Ningla Hte Ahkang Aya ( Youth Program )

Hpa –awn ningbaw ngu ai hte rau tinang nan ap ang ai lak nak hkinghku langai gaw, ahkang aya nan rai nga ai, hpa-awn ningbaw langai hpe lawu tsang na ma ni tsaw ra hkungga la ra ai ngu ai hta, gumhpraw sumbu nlawm, ahkang aya nlang, lak nak nlang ai sha lawu tsang na ma ni a tsawra myit hpe lu yang kaja dik rai nna, bungli awng dang ngut kre nga ai, raitim bungli awng dang ngut kre lu na matu, ahkyak ai gaw, lak nak ahkang aya nlawm, gumhpraw nlawm ai sha, kalang lang nmai byim ai hpe mu lu nga ai, grau nna, mungdan a magam gun ai ni a matu, ndai lak nak kaba lam masum gaw, grai ra ahkak ai bungli awng dang lam a, arung arai langai mi rai nga ai.

Hpa-awn ningbaw tai sai hte rau, dai masha hta kaja wa lak nak gumhpraw nlawm tim, ahkang aya ngu ai hkying hku langai gaw, ningbaw hte rau kap lawm nga ai, dai majaw ningbaw hte ahkang aya, ahkang aya hte ningbaw ningla ngu ai gaw ga garan nlu ai, gin run tawn ra ai atsam ningja re ngu nna, tsun mai nga ai, ahkang aya hpe hpaji ninghkring law law gaw, hpan law law nbung ai hku nna, mahtai jaw da nga ma ai, ahkang aya ngu ai gaw, masha a shamu shamawt galaw hkawm sa ai lam hpe, tsun madun reng hkang ai daw dan lam hpe jahkrat ya lu ai, hpung shingkang n gun re, bai ahkang aya ngu ai gaw, galaw lu ai , aming jaw lu ai, laga masha ni hpe shangun lu ai ahkaw ahkang ( sh ) hpung shingkang n gun re.

Bai ahkang aya ngu ai gaw, lam langai hpe tinang hkum nan daw dan lu na ahkang ( sh ) laga masha ni hpe gun hpai shangun lu ai ahkaw ahkang langai re, bai ahkang aya ngu ai gaw, tinang nan mung amu lam yan ni hpe gun hpai lu ai lam, laga wa hpe amu gun hpai na matu, aming jaw shangun lu ai lam, amu lam ni hta, daw dan ya ai lam, dai daw dan ai lam hte maren, hkan sa gun hpai na matu, galaw lu ai lam, ahkaw ahkang hkum sumhpa ngu ai re, bai ahkang aya ngu ai gaw, aming jaw nna, bungli ngut kre hkra masha ni hpe shangun lu ai lam re ngu nga nna tsun hpaw da ma ai, ya sha tsun lai wa sai hte maren, ahkang aya ngu ai hpe, amyu myu hte tsun shapraw ma ai, hpa mi nga nga ahkang aya ngu ai lachyum hpe hkyawm ai hku tsun ga nga yang, ahkang aya ngu ai gaw,

1.Tinang hkum nan galaw lu ai lam 2. Laga masha wa hpe shangun ai lam. 3.Woi awn reng hkang lu ai ahkaw ahkang shingkang shingwang re ai ngu nna, kadun ai hku lachyum la mai nga ai, tsawra ai ramma ni ahkang aya ngu ai gaw, ningbaw ningla ni hpang de, lam amyu myu hku nna, pru sa wa ai, ningbaw langai byin ai lam amyu  myu nga ai hte maren, hpa awn ningbaw ni hpang de ahkang aya pru wa ai lam ni mung, hpan law law nga ai hta na, lawu na lam ni gaw ahkyak madung rai nga ai. 1. Tara Upadi Hte 2.Arawng aya shara hte,3. Htung lailen masa hte,4. Masha law law a ra sharawng ai lam hte, 5.Magam gun ladaw kung ai lam hte, 6. Bungli kung kyang ai lam hte ya sha tsun lai wa sai hte maren, 1. Tara Upadi ngu ai hte,

Tara Upadi hte ahkang aya lu ai lam gaw, masha langai hpe gin dun ai shingkang shingwang galaw lu na ahkang aya ap ya na matu, tara upadi gaw madun da nga ai, dai madun da ai hte maren, ahkang aya gaw dai masha hpang de sa wa nga ai, 2. Arawng aya shara hte asuya magam bungli gun hpai nga ai magam gun ni hte tinang a arawng aya hta hkan nna, bungpre ai ahkang aya ni hpe lu la chye nga ma ai.3. Htung hking hte bum nga myu sha ni a htung hking lailen hte ningbaw galaw ai ni hpe, ahkang aya ap da chye nga ai. 4. Masha law law  a ra sharawng ai lam hte democracy masa hte maren seng ang ai lawu tsang na ma ni kaw nna, ningbaw ni ra lata tang sharawt nna, ahkang aya ap jaw da ai lam re.5. Magam gun ladaw kung ai lam hte, magam gun ni hpe ahkang aya jaw ap ai hta, magam gun aya bung tim dai magam bungli gun hpai sa ai lam hta, grau kung kyang nna, mahkrum madup law ai ni gaw, ahkang aya ni lu la chye nga ai. 6. Bungli kung kyang ai lam hte, magam gun masha ni gaw, tinang gun hpai nga ai magam bungli kung kyang ai a majaw, ahkang aya ni hpe, laga masha ni hta, grau nna, lu ap hkrum chye ai hpe mu lu nga ai.

Lahta na lam ni gaw, hpa –awn ningbaw lit gun hpai nga ai ni hpang de ahkang aya ni du pru lu la, ap ya ai lai masa ni rai nga ai. dai rai nna, ningbaw ningla wa gaw, gara hku hpa-awn byim wa ai raitim dai wa hpang de, lam mi hku ahkang aya ni du wa na sha rai nga ai, lahta de tsun lai wa sai hte maren, hpa –awn ningbaw wa hpang de, gara masa  hku nna, ahkang aya lu wa ai raitim, ahkang aya ningpawt ninghpang masa gaw, lawu tsang na ma ni a, hkam la lam ( sh ) myit  hkrum hkap la hkan sa ai lam ni rai nga ai. Ahkang aya madung lareng gaw, ahkang aya lu la ap ya ai lam nre, dai ahkang aya npu e nga ai ahkang aya hkam lawu tsang na ma ni, ahkang aya ntsa masat masa galaw nna, bai  htang hkap la ai lam gaw, grau ahkyak dik rai nga ai.

Ahkang aya nga ai wa gaw dai ahkang aya hpe lang nna, kaning re matsun aming hpe pi jahkrat ai raitim, dai aming ahkang aya hpe, lawu tsang na ma ni gaw, masat masa galaw hkan sa galaw gun hpai ai lam, myit dik let, sung lang gun hpai ai lam ni nga yang she, dai ahkang aya gaw, akyu pru ai lam nga nga ai, dai rai nna, ahkang aya hpe sung lang nga ai ningbaw ningla ni a matu, ndai ahkyak aimasa hpe, atsawm sha sadi let, ahkang aya hpe jai lang ra nga ai, tsawra ai ramma ni ningbaw ningla wa a matsun ahkang aya gaw, lawu tsang na ma ni a madat mara ai lam nga yang chyu sha akyu pru ai nga nna, tsun da sai hte maren, dai zawn madat mara ai lam ni, galoi ten hta lu la ai ngu ai lareng hpe, ningbaw wa atsawm chye da ra nga ai, hpa-awn ningbaw ahkang aya hpe lang nna, matsun aming jaw ai lam hpe, lawu tsang na ma ni gaw, lawu na ten ni hta, madat mara hkan sa gun hpai chye nga ai.

1.Tinang gaw, gara hku hkan sa gun hpai ra na hpe asan tawk hprut chye da yang,2. Ningbaw wa ahkang aya sung lang nna matsun aming jaw ai lam gaw, wuhpung wuhpawng a yaw shada lam hte ninghtan shai lam nnga ai ngu tsun la ai ten hta, 3.Ningbaw wa a matsun hpe hkan nang hkan sa ai a marang e, tinang a tingkyeng akyu mung, lu la mai ai ngu sawn la ai ten hta, 4. Ningbaw wa gaw ahkang aya hte matsun aming jaw ai lam hpe, lawu tsang na ni hkan sa galaw gun hpai lu ai n gun lagaw, hkap la lu ai atsam nga ai ten hta, lahta e tang madun tawn ai, mabyim masa sat lawat ni a kata e sha, htep lahti hkap la hkan nang chye nga ai, hpa-awn ningbaw ni woi awn galaw sa ai lam hpe, madat mara hkan sa galaw chye ai lam gaw, lawu tsang na ma ni a, garum kahtau chye ai myit jasat rai nga ai, mang hkang langai hpe hparan na matu ( sh ) magam bungli langai hpe gun hpai na matu, lawu tsang na ma ni kaw nna, garum kahtau jaw chye ai myit jasat nnga yang, lawu tsang na ma ni gaw, atang ahpa sha galaw chye ai jasat nga nga ai, dai rai nna, ningbaw ni a ahkang aya sung lang ai lam hpe, lawu tsang na ma ni hkan sa gun hpai ai lam hta, tang du na matu, lawu tsang na ma ni a, garum kahtau mayu ai myit jasat nga wa hkra, ban bang shakrang ya ra na rai nga ai, lawu tsang na ma ni hta dai zawn garum shingtau na myit rawng wa na matu, ning baw ni hte lawu tsang na ma ni a lapran, matut mahkai htinglu hting lai lam kaja na ra nga ai, bai nna, ningbaw ningla a hkang aya kang na matu, lawu tsang na ma ni a garum kahtau chye ai myit hpe htinglu htinglai matut mahkai lam kaja na ra nga ai, bai nna, ningbaw ningla a ahkang aya kang na matu, lawu tsang na ma ni a,  garum kahtau chye ai myit hpe, htinglu htinglai matut mahkai lam kaja ra ai hte maren, lawu tsang na ma ni a lami laman ni hpe, chye da ra nga ai, matut mahkai shingdep shingdau  hkat ai lam hpe, lawu tsang na ma ni yawng gaw, chye da ra na rai nna, lawu tsang na ma ni gaw, langai a npu e langai nga ai, lahpaw shabawn hkrang nga ra ai, matut mahkai hkri dawn lam hpe ntsa na ningbaw ningla ni hte rau teng man ai hte sung lang chye ra nna, matut mahkai hkri dun lam ni npat shingdang nga ai, dai hta n ga ningbaw ni matsun ai aming gaw ahkang aya hte maren jaw ai re  hpe madi madun ai lam ni galaw chye ra nga ai, tsawra ai ramma ni lahta na lam ni gaw, ningbaw ningla galaw ai ni sung lang ai  ahkang aya ni ngang grin nna, akyu ara pru na matu, sadi sahka hkan sa jai lang ra ai lam ni rai nga ai ngu gam garan dat let,