Ningbaw Langai Hku Nna, Pyaw Ngawn Ai Wuhpung Langai Gin Shalat Ai Lam

Magam dap langai a asak gaw shan hte hta nga ai wuhpung ni a galaw shakut ai atsam ningja ni hta law law madung taw ai rai nga ai.

Wuhpung langai ngu ai gaw, magam dap shagu, magam lam shagu a matu, ahkyak la ai daw chyen langai rai nga ai. Magam dap langai a asak gaw shan hte hta nga ai wuhpung ni a galaw shakut ai atsam ningja ni hta law law madung taw ai rai nga ai.

Wuhpung langai ngu ai gaw, langai hta jan ai shawa n gun hte jawm pawng galaw ra ai lam rai nga ai, dai majaw, wuhpung ni hta nga ai shada da a, Unity ngu ai myit hkrum lam mung ahkyak la ai lam langai hta lawm nga ai. Awng dang ai wuhpung langai byim wa na matu, dai wuhpung kata hta nga ai malawm ni yawng a myit hkrum lam gaw ahkyak nga ai zawn, shanhte hpe ntsa kaw na manage  galaw ya ai ningbaw ni a shamu shamawt lam ni mung madung rai nga ai

Nang gaw wuhpung langai a ningbaw langai rai taw ai kun?  ningbaw langai byim wa sai nga yang myit dam lada da ra ai, ra yang myu mi, nra yang myu mi nbyim gring nga ai. dai sha n ga, lit la ya ai atsam ningja ni nga ra ai, tinang a npu na ma ni yawng hpe maren mara tsun shaga ra ai. wuhpung wuhpawng hte galaw nga ai ni yawng, pyaw ngawn ai magam dap kata hta nga ra ai dai majaw, dai wuhpung ni a ningbaw ni hku nna tinang a wuhpung ni a, shinglum lam, pyaw ai lam ni hpe gin shalat ra nga ai. dai hta

1.Galaw lu ai atsam kaw madung da nna, ahkaw ahkang ni shalat ya ai lam. tinang a npu na ma ni hta ning tawn ai ni lawm na sha rai nga ai. dai zawn re masha ni hpe ningtawn yang ningtawn ai hku, shan hte a atsam ningja ni hpe nang maga hku nna, kaja ai lam ni hpe jahpring shatsup ya na matu, galaw ya gring nga ai, aya shatsaw ya ai, shata shabrai jat ya ai, bonus jaw ai zawn re ni gaw, magam gun shagu ra sharawng ai hkrai rai nna, nang hku nna, madi shadaw ya ai lam ni mai galaw nga ai.ndai hku galaw ai gaw, npu na ma ni a myit kraw hta, anhte mung shakut ra ai ngu ai myit sawn lam shang wa shangun chye nga ai.

2.Nang a rung gawk hpe nga pyaw ai shara byim hkra galaw ra ai lam..san seng san pan re ai rung gawk gaw sa du ai ni mung, magam bl galaw ai ni a matu mung, sim sa lam hpe jaw ya ai lam langai rai nga ai, bai rung gawk kata bungli ten ni mung non-stop hkun run taw na hta,htuk manu ai ten hta tea time, break tim ni tawn da gring nga ai, ndai zawn galaw ya ai mung magam gun ni a tsam pu tsam pa myit ni hpe yawm wa shangun nga ai re.

3.Shada da jawm pawng galaw ai lam...bai langai bai galaw gring ai gaw, byim ai masha wa hte, nbyim ai masha wa gin run let, magam bungli galaw shakut shangun ai lam, myit n galu ai wa hte, myit galu chye ai wa, ahpa atang nga chye ai wa hte, sadi saka tawn da galaw chye ai wa, ndai zawn rau run galaw shangun ai lam ni mung galaw gring nga ai dai rai yang she, shada da a hpaji ningmu ni mai kaja lam ni byim pru wa lu na re ngu kam ai. dai hta ningmu nbung ai lam ni gaw byim pru wa na rai nga hpe gaw dum chye ra nga ga ai.

4.Machye machyang ngyan hpaw wa shangun ai lam ngu ai hta, lam yan shagu a matu, nang a npu na ma ni a hpaji jaw ai lam, daw dan ai myit sawn lam ni hpe hkap la chye ra na rai nna, hpaji jaw lam ni hta, jahpring jatsup  galaw chye ra ai.dai sha n ga, ga shadawn madun lu ai lam langai hpe lata nna, ga san san ai lam, shanhte kaw na mahtai ni hpe madat ya ai lam, tinang a ningmu  mahkrum madup ni tsun dan ai lam ni mung, nang a npu na ma ni a ngayn hpe hpaw wa lu shangun ai lam ni rai nga ai, ndai shara hta, shagrit kau ai lam ni, garan gin hka ai lam ni nmai galaw nga ai re.

5. Shut ai lam ni hpe kalang ta mara nmai shagun ai.. shut ai lam ngu ai gaw, yawng hte hkrum sha chye ai lam langai rai nga ai, hpring tsup ai masha ngu gaw nnga ai, dai zawn shut wa ai ten ni hta kalang ta mara shagun tsun dat ai gaya hkrum lam mabyim ni hpe nmai galaw nga ai. hpang kalang ndai zawn nshut na matu sha lam sharai tsun shaga ra nga ai.

6.Lachyum npru ai zup hpawng ni nmai galaw ai. zup hpawng ngu ai gaw, magam gun ni a atsam ningja ni hpe kaja wa tsaw wa shangun ai lam nrai nga ai hpa nrai na galaw ai zup hpawng ni a majaw, magam gun ni a myit hpe shuk wa shangun chye nna, ten jahtum ai hte mung bung nga ai. ngalaw nmai galaw ra ai zup hpawng mahkyen ni tau hkyen lajang ai, dai mahkyen ni hpe seng ang ai ni de jaw ai, shang lawm na ra ai ni hpang de lata saw shaga bawng ban lam ni, daw dan lam ni hpe lawan ladan jaw jaw hte tang madun bawng ban jahkrat ai lam gaw kaja jaw ai zup hpawng langai hpe gin shalat ai lam rai nga ai. jahtum hku  nna tsun ga nga yang, ningbaw langai ngu ai gaw, bungli magam yawng hpe galaw nra ai htuk manu ai jaw ai hku  hparan chye na sha ra nga ai, magam gun ni kaja yang, ningbaw wa a arawnag mung kaja wa na sha rai nga ai, dai majaw, nang hku nna, nang a wuhpung hpe pyaw ngawn ai, shinglum lam lu jaw ai wuhpung langai byim hkra shakut gring nga ai ngu

#youth

#rvakachinservice