Ning Baw Hkrat Sum Arawn Alai Daw II ( Youth Program )

(3) Ngu na ningbaw ningla ahkang aya hkrat sum ai arawn alai hta gaw, tinang a magam bungli lit hpe goi gam ai lam rai nga ai.Ningbaw langai a ahkyak ai atsam langai gaw lit la gwi ai lam rai nga ai.

Ningbaw ngu ai gaw, shara masa hte, n gun lagaw masa hte maren lawu tsang na ma ni hte gara hku mung nshai ai, dai rai nna ngyan shaw let galaw gun hpai ai hta mung, grau nna, bungli langai hpe lit la galaw ai hta mung, lawu tsang na ma ni hte hkrang nbung hkra lak lai shai nga ai.Wuhpung wuhpawng a ningbaw tsang hte tsang shangun ai hta, gun hpai ra na gaw, ningbaw galaw ai wa rai nga ai. dai hta ningbaw wa koi yen ai rai yang, wuhpung wuhpawng kata hta, ningbaw wa a daw dan ai lam hkrat sum mat na rai nga ai, ningbaw ni gaw, tinang a wuhpung wuhpawng a matu, lit la gwi ai hte maren, tinang a ntsa tsang na mung, wuhpung wuhpawng kata na lawu tsang na ma ni hku nna mung, hkrit hkungga kam hpa na rai nga ai.

Dai hta n ga, ningbaw galaw ai wa a hkum hkrang shamu shamawt lam magup hpe yu maram nga ai, lawu tsang na ma ni mung, ningbaw wa a bungli galaw ai ladat hpe len la nna,tinang hte seng ai bungli hpe, lit la gun hpai na rai nga ai, lama na ningbaw galaw ai wa gaw, tinang a lit hpe koi gam nga ai rai yang, lawu tsang na ma ni mung, ningbaw wa hte maren, tinang a lit ni hpe koi gam kau nna, tinang a magam bungli awng dang na nrai sai, dai hta n ga ningbaw mying gun da nna, lit koi chye ai wa hpe, ntsa tsang na ni hpe shagrau sha a na nrai sai, dai zawn byim pru wa yang, ningbaw ni hkrat sum na nsam pru magang wa sai ngu nna, myit la ra na re,Lit koi yen ai lam gaw, ningbaw ni hkrat sum na lam hpang wa sai re ngu ai hpe galoi mung myit dum let, ningbaw ni sadi maja ra nga ai

(4).Shawng Hpang Nbung Pre Ai Hku Bungli Magam Gun Hpai Ai...Tsawra ai ramma ni ningbaw ni a matu, ahkyak ai lam langai gaw, kaning re ai daw dan lam ni hpe jahkrat ai raitim, shawng de galaw ngut sai mabyim ni hpe yu la, jahkrup la na ra nga ai. shanwg hpang hkrum ai lam gaw, lawu tsnag na ma ni hpe. shagrau jaw ai lam hte maren jaw ai lam ni hta, grau ra ahkyak la nga ai, shang hpang njaw nru nra lam ni a majaw,ningbaw ni myit hten ai lam gaw, lawu tsang na ma ni hpe shagrau ai lam, mara jaw ai lam ni hta grau nna, hkrum chye nga ai.ningbaw ni a gun hpai ai lam ni gaw, shawng hpang nhkrum nra yang, lawu tsang na ma ni hku nna, ning baw ni a ntsa shagrau ai lam nnga wa chye ai, dai hta n ga hpa lam a matu, gara hku nna gun hpai ra na ngu ai hpe tau hkrau sawn maram ai lam ni, gin shalat ai lam ni hpe, lawu tsang na ma ni hku nna, n gun hpai chye mat sai , ningbaw ngu ai ni gaw. tsaw ai de du wa magang, masha law law hte ganawn ra magang rai nna, shawng hpang hkrum ra ai hte gun hpai chye na matu, grai sadi ra nga ai.

Ningbaw ni a bungli shagu gaw,shawng hpang nhkrum nra wa yang, lawu tsang na ma ni mung, tinang a ntsa, kam hpa manoi manat ai lam ni n gun yawm wa nna, ningbaw a ga mung kang wa na nrai nga ai, dai rai nna, ningbaw ni gaw, shang hte hpang  hkrum ra na matu, lawu na hte maren shaman shakyang ra nga ai,

Mang hkang langai hpe jum lang hparan shagu, shawng de na mabyim masa hpe galoi mung kasi la jahkrup ra ai

Lawu tsang na ma langai hpe, shagrau ai lam, mara jaw ai lam hte shi hte bung ai lam ni a matu, laga masha ni gara hku nna, gun hpai lai wa sai hpe, galoi mung jahrup yu ra ai.

Tinang hkum hpe tinang galoi mung sawn dinglik yu ai, lai akyang shaman ra ai

Tinang gun hpai ai shagu gaw, jaw njaw , tara rapra lam nga nnga galoi mung sawn dinglik nga ra na rai nga ai ngu

Ka Lajang Ai

Sara Joseph Maru La Nan