Nang Byin Mayu Ai Sak Prat Byin Hkra Gara Hku Shakut Na ( Youth Program )

Lani mi na ten, nang byim mayu ai sak prat de du hkra, du na matu lu lagaw hkra, hpa ni lajang da ra na ngu ai hpe chye na ahkrak rai nga ai, anhte ni yawng hta, katsi la mai ai masha ni nga nga ai. Lani mi shi zawn byim hkra galaw na, ( Sh ) lani mi hpa byim ra na ngu ai myit hta bang da ai hku mi rai rai, manaw manang ni a shawng hta tsun da ai hku mi rai ra  i nga chye nga ga ai, Raitim ndai lam ni hpe kaja wa lu galaw dat ai ni nau nlaw nga ma ai hpe mu mada lu nga ga ai. Hpa majaw nga yang, nkau ni gaw, lam hka-ang kaw na myit htum let, myit shayawm kau ai ni bai nkau ni gaw, hkawm sa na lam hpe tsawm nchye na myit da ai hku nbyim wa ai ni mung lawm nga ai, dai majaw ndai bat na lamang hta hkan sa ra ai lam yan nkau mi hpe gam garan ya dat mayu nngai.

 1.Tinang A Mabyim Masa Lam Hpe, Tinang Chye Ai Lam...Anhte ni, ngai gaw kadai, hpa aya, hpa magam bungli galaw nga ai ngu ai hpe, amyu myu myit sawn lam ni hte, tinang hkum tinang chye ai ngu shadu nga ga ai. Kaja wa teng sha chye ai kun ngu ai hpe nang ya ten, gara madang hta nga ai, hpa ni galaw nga ai ngu hpe yu nna tak tsun mai nga ai re. Nang gaw kadai rai ngu hpe chye na matu, zim re ai shara de nang hkum nang ga san nkau mi san yu mai nga ai.

Nang hkawm sa lai wa sai lai sai ten ni hta, hpa ni byim wa sai, kaning re ai shara ni hta, mai kaja hkra shakut shaja lai wa sai, gara shara ni hta, shut shai ai lam ni hte, gawng kya nga ai, bai dai ten ni hta, hpa ni hka ja lu sai,  nang byim mayu ai ni  hte, ni wa nga sia kun? lam yan shut taw nga ai kun? ngu zawn re ni hpe ten jahkring la nna, bai myit sum ru yu dat u,

Ndai lam gaw, nang lai sai ten hta, hpa ni byim wa ai, ya hpa ni byim taw ai, lani mi ten hpa ni byim mayu ai ngu ai hpe chye na matu madi shadaw ya na re. 2. Kaba la ai yup mang shingran nga u – raitim kaji la ai yup mang kaw na hpang u...    Nang Hkum nang bai nhtang shingran yu nna, ngai hta ndai zawn mahkrum madup ni nga ai, ngai byim mayu ai gaw hpa rai ngu ai kaba la ai Yup mang shing ran nga ai i ngu bai san yu u, n-nga shi ai nga yang nang hkum nan ga san san u, lani mi na ten, hpa byim mayu ai, ndai hta, mai byim ai masa nga ai lam byim taw na gaw ahkyk shang lawm nga ai.

3. Madu Hkum Madu Kam Ra Ai... Ndai zawn madu hkum kam ai myit nga sai nga yang, nang hta galaw lu ai atsam marai hte, tatut mahkrum madup ni ra nga sia re. Galaw lu ai atsam marai  ( Sh ) tatut mahkrum madup nnga yang, nang hkum nang kam ai myit ni ngu ai byim wa lu na nrai nga ai. Dai majaw nang hta, gin dan ai galaw lu ai atsam marai ni nnga ai nga yang mung, tinang a yup mang pan dung hpe madi shadaw ya lu na, galaw lu ai atsam ni nga hkra, jahping shatsup da ra na mung ra nga ai. dai zawn jahpring shatsup nga ai ten, maga mi de na, tatut shaman galaw nga ai lam ni hte, nang hkum nan a kam ai myit hpe gaw sharawt la ra nga ai, dai hta, kam lai ai lam nbyim na mung sadi maja ra ai.

4. Mahkyen Lamang Ngu Nga Ra Ai... Gai Ya nga yang, yup mang kaji ni byim wa hkra, hpa ni galaw na ra ai hpe ka jahkrat dat u,dai kaw na ahkyak madung ni hpe, hpa hpe gaw shawng galaw gin ai ngu ai hpe lata nna galaw hkawm sa u, dai zawn mahkyen lajang ai lam nnga na, mai byim ai hku galaw ga ngu yang gaw, byim mayu ai yup mang shingran ni nbyim wa na rai nga ai, zup hpawng langai hta pyi, tsawm hkrak lajang lam nnga yang, masan nsa ai zawn na a prat a matu nga yang grau sawng ai madang de du mat wa chye nga ai re.

5. Tinang Hkum Hpe N-gun Jaw Shadum Shahprang U....Nang A Yup mang shingran pan dung ni byim wa na matu, galaw ra ai lam ni hta, loi na mgam lam ni hte shawng hpang sa galaw u, ndai gaw ndai gaw nang hkum na a yup mang ni byim wa na galaw ra ai lam ni hpe shasu shahprang ai lam ni mung rai nga ai, bai nang ra sharawng dik ai hku galaw mayu ai magam hpe galaw hpang u, gau ngwi ngwi hte madu hkum kam ai myit ni nga wa sia nga yang, tinang nkam galaw tim, tinang a prat hta galaw gring ai lam ni hpe galaw chyam lu hkra, shadum jasu jahpang wa lu na rai nga ai,

Na a yup mang shingran ni hpe bai dum u, nhtang sum ru u, dai sha n-ga nang yu n-gun lu ai ni a prat hpe myit dum yu dat u, ndai lam ni mung nang byim mayu ai lam ni hpe lu galaw hkra n-gun jaw chye ai n-gun tsi ni tai na rai nga ai. 6. Hta gaw net work ngu ai  Manang Kaja Tam Ai lam rai nga ai..lani mi hta nnag byim mayu ai lam ni byim na matu, nang hta manaw manang kaja ni ra kadawn nga ai re, ga shadawn nang gaw lani mi ten awng dang ai sut masa langai byim matu ai ngu saga, nang hta yup mang a mtu, bawng ban jahkrup na manang, lam matsun lam ni lu na matu, manang kaja law law nga ai a marang e, nang myit da ai lam ni kaja byim na matu madi shadaw ya na re, dai majaw mannag kaja ni hpe tam nna, hku hkau da na gaw ra nga ai law.

7.Madu Hkum Hpe Bawng Ring Hkra Gaw Sharawt Ra Ai..Ndai hta e.. hkum hkrang bawng ring na hpe tsun mayu ai nre sha, nang a yup mang shingran ni hpe hkrang shapraw ai hta ra kadawn nga ai atsam ningja maria ni rawt jat wa hkra atsam marai ni gaw sharawt na matu tsun mayu ai lam rai nga ai, awng dang ai sut masa bungli madu langai gaw byim mayu ai, bungli kaji langai  hpang na matu hpa ni ra kadawn nga ai hpe pyi nchye yang  masan sa na nrai nga ai, dai zawn magam bungli langai jat na matu, gara lam yan masa ni ra kadawn nga ai hpe nchye yang mung nmai nga ai, dai majaw nang hta ra kadawn nga ai bawng ring lam ni gaw sharawt da na ra nga ai.

8. Lai Ka Hti U... Nang lani mi hta hpa mi byim mayu yu, nang byim mayu ai lam byim na matu, n-galaw nmai ai lam gaw, laika hti hka ja ai lam yan rai ng ai. laika hti ai shara hta, nang a matu, akyu rawng na zawn re ai laika ni lata hti ai gaw, grau nna, nang a yup mang shingran ni hpe madi shadaw ya na re ngu tsun mayu ai. Laika hti ai wa gaw, nhti ai masha wa hta,baw langai galoi mung jan taw nga ai zawn akyu ni hkam sha lu na teng sha rai nga ai.

9. Hkam Ka Ja Lam.. Hkam kaja ai lam gaw, hpa hte nbung ai shaman chyeju langai mi rai nga ai, dai ni awng dang taw ai ni hpe yu yu yang, htuk manu ai hkam kaja lam ni hpe hkan sa ai ni law wa nga sai hpe mu madu lu wa nga ai. Kade mi awng dang taw tim, hkam kaja lam nnga yang, awng dang ai a asi apu ni atsawm nhkam sha lu na rai nga ai. dai majw nang a hkam kaja lam hpe hkra machyi chye ai lam ni hpe sadi nga sa na ra nga ai, Bai awng dang mayu ai ramma ni sha n-ga yawng a matu, hkam kaja lam gaw n-nga nmai ra kadawn dik ai lam langai re hpe shadum ya mayu ai.

10. Namg Jau Lu Hpang Magang Tsan Tsan De Du Wa Lu Magang Rai Nga Ai, Ndai lam yan ni hta, nang lani mi hta byim mayu ai lam ni byim na matu, aw ra nhpring tsup nna, aten nnga na, hpang shata she galaw na, ngu zawn re ni hte ten garawt taw ai hpe jahkring kau nna, ya jang lu hpang na ra kadawn nga ai, lani mi jau na lu galaw yang nang lani mi byim ra na ngu ai myit mada lam ni hpe lani mi jau nna akyu hkam la lu na ria nga ai ,

dai majaw nnag hta nga ai lam yan ni hte lu galaw mai ai lam ni hpe tau lu galaw da lu na mung ahkrak nga ai yawng hpring tsup yang she galaw na nga yang, nhkring taw nga ai ndai ahkying aten gaw nang a hkum gawng shingyan hte, ahkaw ahkang ni hpe mayu kau na teng sha rai nga ai, myit marai ja ja hte, n-nang hpang lu na  aten gaw, ya na ahkying aten nan she rai nga ai ngu dai majaw ya ya nan galaw hpang shakut sa wa saga. nang hku nna, ten langai mi hta nang byim mayu ai lam byim na matu ya ten machyi hkam let, n-nan hpang gaw sharawt na ra nga ai, nang byim mayu ai yup mang pan dung kaba ai nga yang , grau nna lai masa hte hkrak galaw na ra nga ai, anhte ni law malawng gaw, byim mayu ai lam gaw nga ai, hkan nang galaw ai lam gaw nnga nna, byim mayu dik ai law ngu ai hte sha hkring mat chye nga ga ai dai majaw tsawra ai ramma ni, nang a pan dung a matu, byim hkra galaw na kun?.

#youth

#rvakachinservice