Na A Ahkying Ten Ni Hpe Gara Hku Hparan Lajang Na ( Youth Program )

Na a aten ladaw, ahkying ni hpe, htum mat wa shangun chye ai galaw lu lam ni hpe hparan lajang ai lam hta, ning dat lam yan kaja ni, ningmu kaja theory kaw na, kaja tatut galaw sa ai magam lam de, galai shai galaw ai lam rai nga ai. dai zawn  galaw shakut na matu, ra kadawn ai lam yan  masa nkau hpe gam garan ya mayu ai law.

1.Nang hku na shani shagu galaw na jahpan langai tawn da u.....Nang galaw ra na magam lam ni hpe jahpan hte hkrak naw masat da u. Grau ahkrak ai lam yan ni hpe grau aten jaw ra na nga yang, garan gin hka tawn da u, bungli langai ngut shagu mahkyet da u, lama dai ni mung nngut yang hpawt de na jahpan na bang da u.

2.Nang hta shata hti laika langai tawn da u...Nang a shata hti lai ka hta bungli lam hte seng ai lam ni, manang ni a matu ten jaw da ai nhtoi ni hpe masat da u, ndum dat ai zawn re lam yan ni nbyim u ga, Nang a computer, nang a phone ni hta mung, shata hti lai ka bang da u.Shani shagu dai shata hti laika hpe yu let, bungli magam lam yan ni bung pre ai kun galoi mung san jep yu na matu shadum mayu ai.

3.Galaw gun hpai ra na mahkyen lamang ni hpe ka jahkrat u.....Hparan lajang ai lam langai hta, ra ahkyak ai galaw ra ai magam lam yan ni hpe mahkyen lajang ai hta, shang lawm nna, lai ladat jaw jaw masa hte jahkrat bang u, grau ahkrak madung galaw ra ai magam lam hpe shawng galaw u, nau nahkrak ai magam bungli ni a matu, aten lu yang grau nna, loi na rai nga ai law.

4.Tatut magam lam rai nga ai pan dung ni hpe ka jahkrat u.... Nang a magam bungli hta, mananger kaja langai byim na hta, bungli langai hta, nang a lai ladat hte hkrak kung kyang ai lam grau rawt jat wa ai lam hpe hting hkang lu na matu, pan dung ni hpe madung ka jahkrat u..

5.Lam shagu hpe galaw lu na matu, aten law htam na nre lam myit dum da ra ai lam..Bungli yawng ngut na matu, aten gaw law htam na nre lam myit dum da ra nga ai. Byim mai yang, kaja htum lam yan ni byim pru na matu, galaw ai lam ni hpe aten law htum jaw nna, galaw shakut u, shawng galaw ra na bungli hte, hpang i she galaw na bungli ngu, garan gin hka tawn da u, lama na hpang shani nmai galaw sai magm bungli rai yang, aten hpe htuk manu hkra, lu jaw na /njaw na hpe myit yu u, nkau bungli gaw, n- ahkyak yang, ra kadawn lam nnga shi yang, shata she gu na hku mi rai rai, galaw nra ai re majaw, dinglun na matu myit yu sawn yu da u, Nnag a pan dung a matu, kaja wa nan akyu nga ai magam lam yan ni a matu ten law law jaw u.

6.Nang a, lani mi a matu, aten jahpan lajang da u.. Shooping Sa na, yup na, sumla hkrung yu na, laika hti na,manaw manang ni hte shaga na, bai nngut shi ai magam bungli ni hpe matut galaw na matu, jahpan galaw da u, dai hta galaw na law taw nga yang, myit shuk na zawn re lam yan ni byim pru wa chye majaw, ahkyak ai lam yan ni hpe sha jahpan hta bang tawn da na mung nmai malap nga ai re.

7. Nang hpe myit shuk na zawn re ni hpe koi yen kau u.. Nang hte kaji mi pyi nseng ai lam yan ni hpe, aten jahtum nna, hkum myit nga, lama na ph hte, myit shuk na zawn re lam yan ni rai taw yang mung, phone jak pat da kau dat u.

8.Nang a matu, nmyit mada da lam yan ni a matu, aten garan da u..... Nang hku nna, minute 20 ram hta, du lu na bungli langai hpe ten jaw da ai nga yang, minute 30 laman du hkra sa wa lu na ngu ten hpe kaji mi gang let ten jaw da u, lama na, minute 30 na na nga yang minute 45 ram ten jaw da u, nang a lani mi hta, dai zawn nmyit mada da ai lam yan ni a matu, lak san aten ni garan chye da na mung ra nga ai re.

9.Nang a matu, ahkyak ai magam bungli hpe myit marai n-gun hpring ai ten ngu masat da u...Shani shagu galaw sa ai lam ni a, galai shai ai aten ni hpe akyu nga nga jai lang u..ga shadawn: Kara zen nga ten, shiga madat taw ai zawn,maw daw jawn nga ai ten, laika hti taw ai zawn re ni hte akyu nga nga jai lang ga ngu tsun mayu ai re. nkau aten ni hpe na a matu, hkring sa la ai ten rai nga tim, aten hpe loi loi hte hkum jahtum kau, dai zawn nrai yang, ngut mat wa sai aten ni hpe bai lu na nrai nga ai majaw rai nga ia law. Bai

10. Galaw Sa ai magam lam hpe masat na matu, rip kawp ni jahkrat da u......Nang hku nna, lani mi galaw dat ai lam yan ni kaw na,lam yan gara wa gaw, nang a matu ahkyak dik rai taw nga ai kun?.. dai ahkrak ai lam yan ni gaw, ten dep ngut kre wa ai kun? matut nna, galaw shakut na matu aten kade ram jaw ra na kun? ngu zawn re ni hpe bai nhtang sum ru let, bai masat jahkrat u

11. Galaw sa ai lam ni hpe mai sau kaw ajhkrat ka u... Nang hku nna, lani mi a matu, galaw shakut sa ai lam ni a ntsa, bungli dip da ai zawn hkam sha taw nga yang, dai bungli langai hpra hpe laika mau sau ntsa, ka jahkrat nna, dai ni galaw sa ai zawn sha, hpawt de a matu mung, matut manoi gala shakut hkawm sa u.

12.Hkring sa la u....Nang a hkam kaja lam a matu, n-gun bai ban lu na matu, ten lu yang lu ai hku hkring sa la ra ai. Bai shamu shamawt lam galaw ra ai. Myit masin hkum hkrang yawng, zet let myit rawt na matu hte, magam bungli galaw ai lam ni gaw, hkying hkum law law, ten jaw galaw ai hta, nang a bungli a ntsa grau tang du wa nga ai re. Bai nang a bungli a matu, byim wa ai mang hkang lam ni hpe laika mai sau ntsa ka jahkrat u, dai lam yan ni gaw, nang hpe hpa majaw dut dang nga ai kun ngu ai hpe mahtai tam u, dai mang hkang lam ni a matu, mahtai tam lu ai lam yan masa ni hpe jahpan galaw lajang da u.

13.Kan bau magam bungli galaw shakut u.... Nang hku nna, nang a bungli hpe, kan bau magam lam yan hku nna, manu shadan galaw gun hpai u, galaw na mtu, myit shang sha wa na ten hpe nla taw ai sha, nnan hpang ai ten kaw na, myit maju jung let, galaw shakut hkawm sa u, nnan hpang kaja yang she, magam bungli masan sa wa lu na gaw teng sha rai nga ai ngu n-gun jaw mayu ai.

14. Galai shai ai mabyim masa lam yan ni hpe hkap la chye ra ai... Nang hku nna, lani mi gun hpai shakut na matu, masat jahkrat tawn da ai rip kawp ni hpe, agring masat nmai nga ai, ten ladaw mabyim masa lam hta hkan nna, galai shai chye nga ai. Raitimung, shawng nnan, mahkyen lamang lajang let galaw yu u, tinang a matu, gara lam yan gaw, akyu nga wa na hpe chye na kung kyang wa lu na rai nga ai. Nang galaw shakut nga ai magam bungli masa lam yan ni kaw madung da let,  htuk manu ai hku galai shai galaw shakut sa mat na mung ra ahkyak lawm nga ai, dai zawn galaw shakut ai a marang e, magam dap  lam yan mabyim masa ni hpe chye na wa lu na rai nga ai ngu gam garan ya let..

#youth