N-nga N-Mai Madung Hkawm Sa Lam ( Youth)

N-nga N-Mai Madung Hkawm Sa Lam

Awng dang mayu ai ni yawng shagu, npawt madung ra kadawn lam rai nga ai lam gaw, hkrak re ai gwi gwi dawn dan da ai madung hkawm sa lam sha rai nga ai , Madung hkawm sa lam lam yan langai hku bai tsun ga nga yang, yaw shada nna hkawm sa wa ra ai lam gaw nnga nmai nan rai nga ai hpe shadum n gun jaw mayu ai.

Masha shagu hta tinang hkawm sa sana nga yang, kaning re ai shara, kaning re ai buga, ngu ai hpe, madung tawn nga ra ga ai, rawt jat nna awng dang lam lu mayu yang madung tawn lam hpe galoi mung ahkyak da ra nga ga ai dai zawn madung hkawm sa na nga sai nga yang, byim wa hkra n gun dat na ra nga sa ga  ai, tinang a matu, aten ladaw langai hta lu la wa ai sak prat mahkrum madup ni a ntsa, npawt da let awng dang lam a matu, ra kadawn lam ni hpe sadi galaw sa dat ai aten, ngang grin ai madung sa lam bandung nga na matu, bai madung tawn ai lam awng dang na matu, ladat jaw jaw mahkyen lamang ni tawn da na mung ra ahkyak nga ga ai zawn, dai mahkyen hte maren, hkrak galaw shakut sa wa na mung ra ahkyak la nga ai, dai zawn nrai yang gaw tinang hta nga ai ntsam malawng maga gaw, gaman lila byin rai mat wa na mung tsang ra nga ga ai, manu kaba la ai ahkying aten ni, shinggyim sak prat ladaw ni malawng maga hten za mat wa nna, ra sharawng ai lam ni mai kaja ai asi apu ni byin wa lu na nloi nga ga ai re.

Mungkan ga ntsa hta, kaning re ai lam ni mung majoi nlu nga ga ai, majoi  lu ai ngu hta pi, langai ngai shamu shamawt lam sak jaw ra chyalu rai nga ga ai, kaja wa lam yan jaw shagu hta, shi manu hte shi nga ai rai nna, manu bung ai arang bang lam ni jaw ra nga ga ai, kaji kajaw sha lu ai ngu ai lam hta mung, n gun dat ai marai ni yawm ai majaw mung rai nga ai, law law lu la mayu ai rai yang, manu bung ai law law n gun atsam marai ma hkra dat shakut ra nga ga ai.

Dung taw nga yang gaw hpa byin wa na nrai nga ai, yu maya nang ngai ni a lapran hta  nnan hpang gin shalat dat ai hkungga gin ai ningtawn masha ni a majaw anhte a Mungkan ga gaw tsang hte tsang rawt jat galu kaba wa nga ga ai re, moi ban prat law law hpe tawt lai let,  ya nga yang mau hpa IT hpaji prat de wan ga saga ai mung rai nga ai dai zawn nre ai sha, nang ngai zawn sha rai taw byin taw nshakut shaja n gin shalat ai rai yang, ya na madang de du dep wa lu na mung nrai nga ai ndai  madang de du wa ai lam hpe myit sawn yu yang madung hkawm sa ai lam nga ai majaw rai nga ai

Teng man ai madung hkawm sa lam hte atsam dat shakut ai a majaw, awng dang ai asi apu ni, alaw ahtam lu na gaw nshut nshai rai nga ai, ndai hta ra kadawn ai atsam dat bang ai lam ni lawm ra na gaw teng sha rai nga ai, kaning hku mi rai rai,madung hkawm sa ai lam ngu ai gaw, awng dang lam a matu, madung ahkyak ai madi shadaw lu ai lam yan langai rai nga ai hpe shadum dat let,

  #youth#rvakachinservice