Myit N gun Sharawng Shara Re Ai ( Ramma Lamang )

Myit N gun Sharawng Shara Re Ai

Myit n gun Katu ai hte sharawng shara rai ai lam gaw, masha langai gaw, tinang galaw sa ra na magam bungli hpe katu sharawng ai hte galaw sa wa lu na matu, ganawng ya ai myit marai hpe tsun mayu ai rai nga ai

Ndai myit atsam katu ai lam gaw, kap bra lu ai masa mung nga ai, tsun ga nga yang myit marai katun ga ai masha langai gaw, tinang hte hkrum shaga kanawn mazum ai masha ni hpe mung ndai zawn myit marai ni nga hkra gang nga let, ndai zawn myit marai ni kap bra wa ai lam mung rai nga ai, galaw lu ai atsam nga ai hte sha gaw, gara lam yan ni hta mung awng dang hkra galaw shakut lu na matu nloi nga ai, dai majaw myit marai katu ai lam, jawm pawng galaw shakut mayu ai ni hte sha awng dang hkra galaw shakut lu na rai nga ai  myit n gun sharawng shara katu ai lam ngu ai gaw, masha law law hpe zet tsang ai hte shang lawm lu na matu ganawng ya ai myit marai mung rai nga ai

Ngyan kaja ai lam, hpaji chye ai lam, galaw lu ai atsam ni nga ai lam  ni mahkra hte hpring tsup nga tim myit n gun katu sharawng ai lam ningra yang, bungli masa hku na sha galaw nga ai hte bung nna, dai bungli mai kaja ai hte shangut la lu na hte naw tsan nga na sha rai nga ai, masha langai gaw tinang galaw ai magam bungli hpe, sharawng awng ai lam tinang a sak prat a matu hkrak re ai yaw shada ban dung mahkyen ni, tianng galaw shakut nga ai yaw shada ban dung gaw kaja wa sha byin wa lu na re hpe dai myit sharawng katu ai lam ni hpe law htam rawt jat w alu shangun nga ai, dai zawn sharawng shara katu ai lam nnga ai wag aw, n gun htum nga ai battery langai hte bung nga ai

Dai hta nkau shakut nga ai ni gaw, dai sharwng shara re ai lam hpe shi chyu shi lu nga ai ni nga ai zawn nkau mi bai rai yang shangi shaman shakyang la ra ai ni mung nga nga ai dai hta masha langai gaw tinang myit lawm ai magam bungli hpe galaw nga lu ai lam, tinang ra sharawng dik galaw sa ai lam hpe hpe galaw lu ai a marang e, dai myit sharawng shara katu ai lam hpe byin pru shangun nga ai anhte masha shagu gaw, tinang galaw mayu ai lam hte magam bungli  galaw lu yang she galaw lu na rai nga ai dai masa lam hte hkrum wa sai nga yang,hkrat re ai yaw shada lam tawn da nna, dai yaw shada lam  awng dang wa lu na matu mahkyen lamang lam yan ni tam bram ai lam ni, magam bungli hta myit maju jung da ai lam ni hte dai sharawng shara katu ai lam hpe lu la mai nga ai hpe mung n gun jaw mayu ai law

Dai hta tinang myit lawm ai magam bungli nrai tim, masa amyu myu a majaw galaw ra nga ga ai raitim, tinang a yaw shada ban dung langai hpe ya tatut galaw nga ai magam bungli hte sha awng dang wa lu hkra hkawm sa nga ngu ai myit masa hkrak re ai lam hpe daw dan let gwi gwi tawn da lu hkra shakut dat yu u, dai sharawng shara re ai myit masa ni shi chyu shi byin wa na re lam madi madun n gun jaw mayu ai. Anhte ni magam bungli galaw shakut tsap nga lu ai lam gaw,anhte ni a yaw shada lam ni awng dang na matu, myit ngwi simsa lam lu na matu rai nga ai, ndai awng dang lam hte simsa lam ngu ai lam gaw, htawm hpang a matu rai nga ai, lai sai ten hta nnga nga ai mani na, awng dang lam, hkrat sum lam, yak ai lam pyaw ai lam, myit ai lam ni gaw ngut mat sai rai nga ai dai ni na nhtoi ngu na mung jahkring nga yang htum mat wa sana rai nga ai, hpawt de ngu ai du wa na sak hkrung lam ningnan a matu sha, anhte ni hta, sharawng shara katu nga ai  myit ni sha galoi mung ra kadawn nga ai galaw mayu ai lam gaw jaw nga ai, galaw na matu n gun atsam ni mung nga nga ai, raitimung galaw mayu ai myit nnga yang gaw hap mung byin wa lu nan rai nga ai dai majaw galaw shakut mayu ai myit sharawng shara katun ga na matu anhte ni galaw shakut la ran ga ai  dai hta, tinang myit lawm ai magum bungli hpe galaw u, sharawng shara byin ng anna, mai kaja ai ningmu hte mu chye ai shingwang hta kanawn mazum u, ja gumhpraw lam  maga mayak nnga hkra galoi mung hparan lajang chye u, awng jat awng dang ai ni a lam yan ni hpe galoi mung sak tam hka ja nga u, bai nna, hkum hkrang hkam kaja hkra nga sa ai hte, myit hpe galoi mung pyaw pyaw sha tawn da chye u, bai nna, yaw shada lam bung ai ni hte kanawn mazum galaw sa ai hte, manang wa hpe garum shingtau chye ai shawang tsawra myit hpe tawn da u ngu nna ramma ni hpe  lak san n gun jaw mayu ai law

Ya sha tsun lai wa ai lam ni hpe, tinang a magam bungli a ntsa hta mi rai rai, gara bungli hta mi rai rai galaw shakut sa ai lam shagu hta, sharawng shara byin ai lam hpe byin pru wa shangun ai lam ni rai nga ai, anhte nang ngai ni shinggyim Mungkan hta sa pra sai hte rau tinang a sak prat rawt jat awng dang lam lu na matu galaw sa ra nga ga ai re, dai majaw hkrak re ai yaw shada ban dung hpe atsawm jahkrat nna, sharawng shara katu ai wa lu hkra shangai shaprat galaw sa lu ai rai yang, awng dang lam ban dung gaw lani mi du wa lu na teng sha re ngu gam garan dat let,