Myit Marai Ni Tsaw Wa Lu Na Matu ( Youth Program )

Myit Marai Ni Tsaw Wa Lu Na Matu

          Kaja nga yang myit daw ai ngu ai gaw, nang chyu sha nre nga ai, anhte shinggyim masha ni yawng myit daw myit hten chye nga ga a, ngai mung myit daw chye ai sha rai nga ai, dai majaw nang hta myit daw chye ai manang nga ai, myit kaji shara nnga nga ai ngu tsun mayu ai, gumhpraw nnga na, sumtsaw hte nprinem nna, kun dinghku nta masha ni hte nhtuk nga nna, magam bungli dap hta, masan nsa taw nna, san poi hkrat ai majaw, myiman nsam ntsawm ai majaw ngu zawn re ni law law hte myit daw nga chye nga ga ai re, ndai myit daw ai lam gaw, lusu, matsan nlata nga ai, dai hta, sutdu lauban ni hpe gaw, myit pyaw nga nga re ngu shadu nga ai ni mung law law rai na re

Kaja nga yang, nang shadu da ai hku mung nrai nga ai, ga shadawn, nang gaw, nau nlu su ai yu mayu magam gun rai nna, nang hta, nang grai ra ai IPHONE langai nga ai ngu ga, dai iPhone gaw, Taxi Mawdaw ntsa kaw ngam kau da ai nga yang nang gara hku hkam sha na, dai mabyim hpe jahkring mi myit yu mai nga ai, sen 30,40 ram re ai arai langai a matu pi dai ram hkam sha taw yang, sen mun kaba kahtap lu su ai ni a myit hta mung gara hku byim taw na re ai hpe myit yu mai nga ai, shanhte ni gaw, ndai ram lu su yang rai sai nga nna, nhkring mat nga ai, shanhte hta nga ai lu su lam hpe nmat mat hkra hting hkang nga ma ai re

Dai majaw awng dang lam ngu ai gaw myit pyaw lam rai nga ai, dai hta anhte shinggyim masha ni gaw pyaw ai lam lu na matu gumhpraw gaw madung re nga nna masat da nga ma ai, gumhpraw hte nyimyachin ngu ai bung kumla myit pyaw lam ngu ai  bung kumla hte shanhte a sak prat hpe rip kawp bang kau dat nga ma ai shanhte ni dai rip kawp bang ai kata hta nga sa ma ai, raitim, shanhte myit pyaw lam kaja namchyim hpe nlu la nga ma ai, shanhte a sak prat ni hpe lawhpa myit ni hte kaup mat kau nga ai, dai majaw shanhte a bung kumla gaw lawhpa lam hte ja gumhpraw bung kumla myit pyaw lam ngu bai byin mat nga ai hpe mu lu nga ai

Gumhpraw gaw n’Ahkyak ai i ngu san yang, ahkyak la nga ai raitim, myit pyaw lam hpe jaw ya lu ai lam yan langai gaw nrai nga ai, shi gaw sak prat a kau chyen hta gaw njan nga ai, masat da ai wa hta sha madung rai nga ai, nnag gaw, gumhpraw sha myit pyaw lam hpe jaw ya lu ai lam ngu masat da yang, gumhpraw sha tam nna pyaw hpa lam ni hpe tam nna, chyam mai nga ai dai hku nre sha, gumhpraw gaw lam shagu nre ngu shadu da yang ya tsun mat na lam ni hte chyam dinglik shangun mayu ai.

Shawng nnan e myit sawn lam ni hpe galai shai dat yu u... Myit gaw lam shagu rai nga ai, ga shadawn- nang hkrum sha ga na re, nang jamna hta yu dat ai shaloi kalang lang tsawm taw nga chye ai dai ten zawn re ni hta madu hkum madu n gun grai lu chye nga ai, masha shawng hta le ai ten tim, madu hkum kam ai lam hpring hte le hkawm pyaw nga ai, dai zawn nhtoi ni hta nga yang hpa galaw tim, awng dang ai law nga ai re, raitim, anhte ni gaw jamna yu nna, ra rawng ai lam ni tam chye ai ni re nga ai majaw ladi ntsawm ai, myi ntsawm ai shan nsam ntsawm ai ngu zawn re ni hte myit hpe shayawm kau chye ai , dai zawn nhtoi ni hta nga yang myit daw chye nga ai, dai ten madu hkum kam ai lam ni yawm mat chye ai shani ting hpa galaw tim n awng dang chye ai re dai zawn mabyim hpe nhtang sumru yu yang, nang a hkrang nsam gaw ndai sha re nga ai, galai shai mat ai gaw nang a myit masin rai nga ai na myit sawn lam hpe shagyit kau ai , dai shagrit ai lam hta hkan sawn lawm mat ai, myit gaw lam shagu rai nga ai, lamu ntsa hta hkawm nga ai samwi hpe gumra shatai magwi shatai kau chye nga ai,  dai majaw kaja bai myit sawn yu yang, myit pyaw lam lu na matu, myit hpe galai shai ra nga ai tsun mayu ai gaw myit pyaw lam lu na matu, myit hpe shawng gram ra nga ai hpe mu mada lu nga ai dai majaw gumhpraw nrai nga ai, gumhpraw hpe bung maka jahkrat yang mung mai nga ai dai majaw galoi tim nkaja ai myit masa ni hte lam shagu hpe hkum yu kau, dai gaw myit daw chye ai a npawt rai nga ai dai majaw nang galai shai nlu  ai lam ni hpe mai kaja ai ningmu mu dat u shawoi na hta mit pyaw lam lu wa na re ngu

Na hkum nang shakawn chye ra ai, na hkum nang mara tam ai lam hpe jahkring da nna, kalang sha tim shakawn yu dat u, nang hpa galaw galaw langai ngai awng dagn ngut ai ten shagu hta na hkum nang shakawn na matu hkum malap, masha shagu hta kraw dung atsam marai ni nga nga ai dai zawn nang hta mung nga nga ai shakawn hpa langai gin shalat u, ga shadawn, myit masin kaja tawn ai lam ndai gaw grai nna shakawn gring ai lam rai nga ai, dai nrai madu hkum shagrit shanem nna nga u ndai mung masha shagu nlu galaw ai atsam rai nga ai dai nrai aten hpe hkungga  chye ai wa byim hkra nga u, ndai mung grai nan shakawn gring ai lam rai nga ai ndai ni galaw na matu gumhpraw ni nra nga ai nang galaw mayu ai myit sha ahkyak nga ai, bai langai ahkayk ai gaw laga wa hpe mung shakawn ai lam, ndai gaw myit pyaw lam hpe jaw ya lu ai lam langai rai nga ai re.

Masat da ai kata kaw sha nau hkum nga....Na hkum nang masat da ai kata kaw sha nga ai gaw sawng dik nga ai, langai ngai nlu galaw ai, yak hkak ai nlu tawt lai ai ngu zawn re ni myit sawn na garai loi nga ai raitim dai hku myit ai gaw hpa akyu nrawng nga ai ndai shingwang kaw na pru lu hkra shakut u, ga shadawn English ga sharin dabang hta shawng de le nna ntsun gwi ai ngu ga, kalang ram shawng de pru let tsun gwi hkra shakut yu dat u, dai zawn law law galaw ya yang, na hkum nang kam ai lam ni grau tsaw jat wa na teng sha rai nga ai akyu ara hku nna, na hkum nang shakawn lu ai lam ni byim pru wa na rai nga ai bai na hkum nang hkap la chye ra ai ndai lam mung ahkyak la nga ai..shan chyang ai, matsan ai, hpum ai, lasi ai ngu madu hkum hpe madu nhkap la shi yang, magap da na shakut nga yang nshim lum ai lam ni hte myit npyaw taw na sha rai nga ai, mungkan ga hte maren mara lu nga na matu nga yang na hkum nang hkapla chye na ahkyak la nga ai. nang dai hpe hkap la lu ai shani gaw nang a nsam ni galai shai mat na teng sha rai nga ai

Madu hta nga ai lam hpe manu shadan ra ai lam.. Nkau ni gaw shanhte hta nga ai lam ni hpe manu shadan nchye ma ai, iphone lu mayu ai sha chye ai, shawng nnan ph nlu lang ai shaloi na hkam sha lam hpe nchye mat malap kau ma ai, tinang a dum nta shimlum lam hpe hkrun lam hkawm ai ten, jam jau wa ai ten hta she marit chye ma ai, hkam kaja lam a akyu ni hpe hkam nkaja ai ten she chye ai, hkam kaja nga ai ten ni hta gaw manu shadan na malap nga ai, dai majaw madu hta nga ai lam yawng hpe madu shadan sa wa ga

#youth

#rvakachinservice