Myit Maku Ngyan Atsam ( Youth )

Myit Maku Ngyan Atsam

 Masha langai hta, myit maku, myit nshat ngyan marai ngu nga nga ai, dai myit maku ngyan gaw, masha langai hpe hpa mung byin wa lu shangun ai atsam shi hta nga nga ai, dai majaw dai myit maku myit nshat hpe, anhte shinggyim masha myit a bungli jak rung hku masat nna, lam yan jaw jaw hpe hkrang nnan hte pawng hpawm nna, lam yan nnan ni hpe jai lang mai nga ai lam shawng tsun dan mayu ai.

 

Hkrat re ai yaw shada lam, madu hkum kam ai lam, gin shalat lu ai lam hte, ning baw woi awn lu ai atsam marai ni hkrang nshapraw shi yang, anhte ni a dai myit maku myit nshat kaw na shawng hpang wa ai lam mung rai nga ga ai, ndai myit maku gaw, chye na hkra sawk sagawn ai shingta masa hpe mung, bai gin shalat ai shingra masa hpe mung lahkawng yan hpe hkrang shapraw lu nga ai, ndai myit maku gaw, anhte ni a lu madu da ai arung arai mung rai nga ai, hpaji byenngya hpe lagut wa nmai lagu la nga ai ngu ai ga malai hte maren, anhte nang ngai ni a myit maku ngyan ni mung mung kadai nmai lagu la nga ai, anhte ni hta, rawt jat awng dang hkra  galaw lu ai atsam marai n inga nga ga ai re, dai hpe tam lu hkra shawng tam nna, lam yan jaw jaw hkan sa galaw shakut ai re yang awng dang ai lam hpe lu madu wa lu na teng sha rai nga ai lam ramma ni hpe n gun jaw shadum yam ayu ai.

 

Anhte ni a galaw shakut ai lam hpe, anthe ni a, myit maku myit nshat nyan marai hte pawm hpawm let, anhte ni a, sak prat awng dang lam ban dung de du hkra sa wa lu nga ga ai, raitimung anthe ni hta, dai myit maku nnga taw ai nga yang gaw, anhte ni a galaw sa ai lam nig aw, grai nan yawm taw nga na sha rai nga ai, dai myit maku ngyan hte  marai atsam ni pawng dat yang she anhte ni lu galaw lu ai daram akyu ara hkam sha lu na rai nga ga ai, dai myit maku hte sharawng ai lam katu nga yang chyu sha hkrang shapraw sa wa ai lam hta, awng dang wa lu na rai nga ai

 

Tsawra ai Ramma kanau kasha ni, rawt jat awng dang mayu ai teng sha rai nga yang, madu hkum madu hpe rawt jat awng dang taw nga ai masha langai ngu myit sawn yu dat u, ndai mash ani, gara hku galaw nga ai kun, hkan galaw dat u, hkrak sha awng dang lam lu na re, mabyin masa lam hta hkan nna, aten ladaw ni gaw sha kaji kajaw shai nga na re, ndai gaw, myit maku ngyan hpe akyu jashawn nna, gin shalat ai atsam marai ni pawng hpawm dat ai lam mung rai nga ai, myit maku ngyan hte, ntau shalau paw pru wa ai lam yan ni, ahkaw ahkang ni hpe gaw nbyin shi ai laman tau hkrau hkyen lajang mai nga ai ndai zawn ntau ai ten paw pru wa yang mung, ndai zawn byin wa yang gara hku galaw na ngu ai myit nshat hte tau hkyen lajang mai nga ai, myit nshat myit maku ngyan  ni hte mung, shawng de tau hkrau mu mada mai nga ai, tatut ahkying aten a galaw shakut sa ai lam ni a majaw du wa na shawng lam ahkying aten ni hta hpa ni byin wa na ngu ai hpe, myit sawn myit mashat ngyan  hte tak yu mai nga ai

 

Myit maku/ myit nshat ngyan ngu ai gaw, ningbaw ai lam a matu, ahkrak ai atsam ningja langai mung rai nga ai, laga wa ni a, nhtang ai lam hpe tau hkrau chye lu ai lam, langai ngai a mabyin masa langai ngai byin pru wa yang, laga wa ni hte, gara hku galaw shakut sa ra na ngu ai hpe, tau hkrau myit maku shingran da lu ai atsam marai ni mung nga nga ai, ndai lam ni hpe ningbaw kaja ni hku nna mung lu madu da lu na rai nga ai, dai majaw ndai bat hta tsawra ai ramma ni ndai lam hpe myit sumru yu let, mai kaja ai myit maku myit nshat ni katu byin tai wa lu hkra, shaman shakyang saw a ga ngu

Add new comment

2 + 6 =