Myit Mada Lam Hte Sak Hkrung U ( Youth Program )

Myit Mada Lam Hte Sak Hkrung U

          Nang kam ai myit hte myit mada tawn ai lam ni gaw, hkrang shapraw chye nga ga ai, nang gaw kam ai myit hte myit mada lam tawn ai lam ni gaw, dung la taw ai hte sha gaw nlu nga ai, shakut shaja hkrang shapraw lam tawn yang she byin pru wa lu na lam rai nga ai, nang a myit mada lam katu ai galaw sa lam ni gaw nang a majau grupyin hta nga nga ga ai, masha law law a myit sawn tawn ai lam hte galaw sa ai lam ni gaw ga up chye nga ai, dai ten nang a myit mada lam nigaw gau ngwi ngwi hte hkrang nsam le wa chye nga ai, myit mada lam nnga yang, nang byim mayu ai lam ni ni nnga ai zawn byim mat chye nga ai re.

Dai majaw katu ai myit mada lam ni hte magam bungli galaw u, dai myit mada lam katu wa ai ten, dai mgam lam ni byim wa sana lam law wa na re hpe mu lu ai, myit kaw na mung shadu wa ai, myit mada lam ni hpe galoi raitim hkum kabai kau, sak hkrung nga ai ten ni hta myit mada lam ni gaw nga nga na teng sha rai nga ai law

Bai mai kaja ai akyang lailen ni shapan shalat ra ai lam....Nang a awng dang ai lam 95% gaw, akyang lailen kaja ni galaw ai a mahtai rai nga ai, tsang jawng ni hta ningtawn ai hte awng dang mayu yang, sharin gin hpan ni hpe hti mtsing ai hte sha gaw nmai nga ai, kahtap kahtap nna hti matsing shaman yang sha ningtawn na rai nga ai, ningtawn ai ni shagu kyang lailen kaja ni nga nga ma ai dai majaw nang a awng dang mayu ai myit ni hta awng dang lam hpe jaw lu ai akyang lailen kaja ni galaw nan galaw ra nga ai, kyang lailen kaja ni, bawng ring wa lu na matu, lang hte lang shalat la ra nga ai, mai kaja ai kyang lailen ni bawng ring wa magang galu kaba wa magang rai na teng sha rai nga ai ngu n gun jaw mayu ai,

Tsawra ai ramma ni, nang hpe karai kasang hpan tawn da ai majaw nang gaw manu dan nga ai. mungkan hta law law nga ai hta, nang gaw manu dan dik htum rai nga ai. dai majaw gara lam yan ni a majaw mung madu hkum hkum myit kaji nga ngu tsun mayu ai

Sak prat awng dang lam ni a matu, zen ai kanawn mazum lam chye na mung ahkyak la nga ai lam langai rai nga ai, laga shanhte hte prinem hkra nga sa kanawn mazum chye yang sha myit ngwi simsa lam lu na rai nga ai..npri nem yang myit shuk ai lamn ni byim wa shangun nga ai. anhte shingyim masha ni hte prinem hkra kanawn mazum na mung loi ai lam gaw nrai nga ai, masha hpan law law nga ai, pawt sindawng ai wa, gumrawng ai wa, myit tsaw myit dap ai wa,, myit kadun ai hte, manawn masham myit rawng ai wa, manang wa a ntsa yu kaji mayu ai wa, laga wa a nkaja ai lam ni hpe tsun mayu ai wa ni zawn re ni nga nga ai, dai zawn re ni hte, rapra hkra nga tim, kalang lang mayak lam ni nga chye ga ai, gara hku mi yak hkak nga u ga, shawang myit kaba tawn let, kanawn mazum yang gaw hpang jahtum hta, jinghku majing pi byim mat chye nga ai re,, tinang gaw zai ladat hte kanawn mazum chye na sha ahkyak la nga ai, shi akyu ara, shi myit tsaw lam, sari sadang ni hpe hkra machyi shangun ai lailen tsun shaga lam ni hpe koi gam nna, shi hpe shakawn shagrau let tsun shaga let awng dang ai lam hpe lu la ra nga ai.

Anhte shinggyim masha ni gaw shingra masa hku, manang wa a lam hpe chye mayu ai ni tsun jahpoi mara shagun chye nga ga ai re, dai hta shakawn mayu ai ni gaw nlaw nga ai, kade ram wa mi mara nnga hkra nga taw nga tim, mara shagun na gaw nga taw na sha rai nga ai, dai shingra tara hpe chye da ai wa nang rai nga yang chyawm gaw, dai lam hpe hkrit taw na nrai nga ai dai majaw tsawra ai ramma ni a prat hta, manang ni kade mi dinlun nga taw mu ga, nhkrit gari ra nga ai, bai nhtang tsun dat na mung nang hkum myit nga, shi jaw ai nang nla mayu nga yang, shi arai gaw, shi kaw sha nga taw nga na sha rai nga ai, dai majaw, shawang myit jaw jaw hte, ngyan marai hpe sha lang nhtawm, dinlun ai hpe hkam dat u ngu .

#youth

#rvakachinservice