Myit Mada Lam Hte Hpawt De Na N'htoi ( Youth Program )

Magam gun langai gaw, shi a sak prat bungli nnan shang hpang ai ten kaw na, asak 60 du hkra nlaw htum bungli magam 3 ram galai ma ai nga nna tsun ma ai. Munkan a ngring ai tara lam ni hpe, magam gun ni atsawm sha chye na ga ai. Asak 30 hpang de gaw bungli hta, ngang gring wa ai, asak 20 hte 30 lapran gaw bungli hpe jahkring hkring htawt ai, dai zawn sha galai shai lawan ai dai ni na prat hta, company ni, jak rung ni, seng ni, aten hte maren pat wa nga ai, bai jak rai ni hte masha a shara hta galai bang ai lam ni mung nga ai dai hpang matut manoi byim wa ai lam gaw, aten ntam bungli nlu mat chye nga ai lam rai nga ai.dai zawn bungli hkring mat ai ten myit mada lam mat ai hkam sha lam ni agajawng byim pru wa nga ai

Myitsu kanu kawa ni tsun ai magam gun prat gaw, htawm hpang prat a matu mam mam rai nga ai nga nna tsun da ma ai, kaja wa mung magam gun prat gaw htawm hpang prat a matu mam mam ria nga ai kun? prat hpe hkan nna, galoi mung hkaw ja ra ai nga yang magam gun langai a htawm hpang prat gaw ahkaw ahkang yawm ai hpe mu lu nga ai.

Galai shai wa ai dai ni na prat hta, shiga lawm lam ni ntat mat na matu, shani shagu hka ja ra nga ai, grau nna tinang hte seng ai magam bungli shi ga ni hpe galoi mung hka ja ra nga ai, nkau bungli ni nga yang dai ni na prat hta akyu nshang mat wa nga ai, tinang galaw taw ai magam bungli gaw prat galai shai ai hta hkan nna, akyu nshang ai lam ni aten nlata byim wa chye nga ai. tinang maga ya tatut hta galaw taw nga ai kan bau lam gaw galai shai ai lam ni byim wa na nga yang tau hkyeng lajang ra ai lam ni hpe ra nga ai

Magam gun ni hku nna bungli langai hta prat tup  galaw sa mat na nloi nga ai, lam yan masa amyu myu a majaw, bungli pru mat ai ni byim wa chye nga ai, dai majaw tinang a atsam ningja hte galaw lu na laga bungli ni hpe galoi mung hka ja ra ai, gara company ni gaw bungli shaga nga ai kun ngu hpe chye da ra nga ai, dai rai yang chyu sha tinang gaw lam yan langai ngai a majaw bungli pru ra ai nga tim hpang bungli langai jin jin rai taw nga na rai nga ai.

Hpang langai akyu chyeju gaw, hkrit tsang ai lam hte myit mada lam mat ai lam ni gaw nbyim hkrum na rai nga ai .Bai langai ahkyak ai gaw, bungli tam ya ai company ni de tinang a email sa da ai,shanhte a facebook page hpe like galaw da ai rai yang ten tup bungli shaga laika ndau lamni tinang mu lu na rai nga ai ndai lam hte mung akyu jashawn mai nga ai

 Magam gun ni hku nna, tinang a kan bau magam hpaji lam hpe update galaoi mung galaw gring nga ai,

Bungli hte seng ai sharin dabang ni lung ai, bai tinang myit lawm ai sharin dabang ni lung ai lam ni hpe galoi mung galaw ya mai nga ai, sharin dabang lung na aten nlu jaw ai nga yang mung Laika bok ni mari hti ai hku nna hka ja mai nga ai, ya nga yang, phone hte internet ni jai lang wa sai rai nga ai dai hte maren, internet kaw na tinang a bungli hte seng nna hpaji lam ni hpe aten ntam lani mi kaji ji hka ja shakut mai nga ai.

Kung kyang lu ai gaw kaja la ai hte bungli htawt sit ai ten hta tinang hka ja da ai hpaji lam ni grai madi shadaw garum na re lam ta tut hkam sha lu wa na rai nga ai. bai tsawra ai ramma ni hpe n gun jaw shadum mayu ai gaw, tatut  galaw taw nga ai magam dap sha n ga lahkawng ngu na bungli langai mung nga da gring ai ngu mu mada lu ai ga shadawn tsun ga nga yang, rung pat ai ten ni hte, rung ten nre ai ten ni hta laika ka zawn re ni, Online kaw gat dut ai zawn re ni, ten gadun magam bungli gawl ai zawn re ni nga da gring mai nga ai, nnga shi ai nga yang mung ya kaw na lajang da mai nga ai. dai zawn galaw da ai gaw, galaw taw nga ai magam galai shai wa ai ten ni hta, masa lam jaw na matu madi shadaw ya na teng sha rai nga ai

Tinang gaw magam gun prat hte prat tup nga na mahkyen nnga yang, ding hkrai magam bungli galaw na matu, ya kaw na hkyen lajang da gring nga ai. kalang lang yawng pri nem taw nga yim, tinang a myit a majaw myit mada shara mat taw ai zawn hkam sha chye nga ai. yup nhkru ai, malu sha tsawm ngrung ai, shamu shamawt ai lam yawm ai, phone lang ai law ai, game ginsup ai lam ni a majaw ndai zawn hkam sha lam ni byim pru wa chye ai dai maja, yup hkru hkru yup ra ai phone hte game ginsup ai lam ni shayawm u, hkam ja lam hte bung pre ai mali masha ni laaw law sha ai hte, hkum hkrang hkam kaja  shamu shamawt lam ni man man galaw ai sha n ga Mungkan ting hpe jahkrit shama ai Covid 19 ana kaw na lawt na matu mung, hkam ja dap kaw na matsun ai hte maren hkan nang hkan sa ga ngu ramma ni hpe n gun jaw shadum mayu ai

Bai magam gun ni gaw  magam dap dip n gun a majaw, myit tsaw myit hkrat lawan chye ai, dai majaw myit n gun jaw ya lu ai laika ni, Video ni yu na matu n gun jaw mayu ai bai magam dap kata yawng hte kanawn mazum lu hkra nga u, magam gun shada da hku hku hkau hkau nga u, ndai zawn myit mada lam n nga ai myit ni shang wa na nloi ai lam yan mung rai nga ai,

Nhtoi galu rung pat ai ten ni hta, hkrum lam galu hkawm u, panglai, bun ni nga ai shara, ndu ga ai buga shara ni de hkawm sa ai mung, myit n gun ban ya lu nga ai hpe  madi shadaw ya lu nga ai, dai zawn hkrun lam hkawm ai a marang e, idea kaja nnan ni hte htawm hpang hpa ni galaw na ngu ai mahkyen ni atsawm sha daw dan jahkrat lu na rai nga ai. dai majaw magam gunni yawng tinang hkum hpe galoi mung Update galaw ya na nga yagn htawm hpang prat a matu, awng dang ai lam ni ala taw na teng sha rai nga ai ngu gam garan ya mayu ai

# youth

# rvakachinservice