Myit Daw Nga Ai Magam Gun Ni Nga Ai Kun? ( Youth Program )

Magam Dap Hta, myit daw nga ai magam gun ni ya ten lawm nga ai kun? ndai zawn myit daw ai lam ni nga ai ten magam bungli a matu hkra machyi ai lam gaw,  bungli galaw ai atsam ni hkrat sum wa ai lam rai nga ai, bungli lam yan ni ten dep nngut ai, lit magam hprai wa ai, shut ai lam ni law wa na, dai zawn tinang a magam gun ni hta ya na zawn myit daw ai ni lawm wa yang gara hku hpran ya na, gara hku myit bai rawt wa hkra galaw ya na ngu ai lam gaw ahkyak madung rai wa nga ai, bai magam gun shi hta na lahkawng ram myit daw ana lu wa sai nga yang nmai koi yen nga sai re.

Bungli hta myit daw wa ai, tatut bungli hta myit nshang sha wa ai  nga yang, ndai gaw tinang a bungli a matu kaja ai lamik kum la gaw nrai nga ai, dai majaw lawan hpran na ra nga ai ngu mu mada ai myit daw nga ai tinang a magam gun ni hpe gara hku bai hpran ya na, tinang a woi awn ai lam hte masing masa ni a ntsa madung rai wa nga ai, langai kaw na lahkawng lahkawng kaw na bai nlaw jat wa na matu lawan ai hku hpran na ra nga ai.. dai hta

Sharin dabang lung shangun ai.....ndai zawn lam amyu myu a majaw myit daw nga ai magam gun ni nga wa yang shi a matu, galai shai ai lam byim hkra, shi a ningja ni hpe bai gaw sharawt ya ai hku mi rai rai, kan bau lam hpaji hpan hpe, shatsaw ya ai sharin dabang ni mi rai rai lung shangun mai nga ai.

Dai sharin dabang ni hta, laga Motivate byim nga ai manang ni hpe mu wa yang, shi a myit daw ai lam ni bai rawt tsaw wa chye nga ai. Mnang n nan ni, makau grupyin n nan ni hta, mahkrum madup nnan ni lu wa na rai nga ai, ndai lam yan ni gaw myit daw ai masha wa a kaja dik tsi langai mi mung rai nga ai.

Dai majaw woi awn nga ai wa gaw tinang a magam gun ni a nsen, mabyim masa ni hpe hka ja sam maram yu chye ra ai, magam gun ni a ra kadawn lam ni hpe nyu nmai nga ai, ndai magam gun wa bungli pru mat yang hpang magam gun langai pru wa na ngu ai hta, tinang a kung kyang ai magam gun langai pru mat yang bai shang wa na magam gun nnan hpe  bai sharin ya ra ai lam ni, aten ni hpe bai yu yu ra ai, hpa mi rai rai  magam gun ni a hkam sha lam ni hpe chye na matu, maram yu ai lam mung ahkyak shang lawm nga ai re.

Dai hpang langai gaw, tinang a magam gun wa hpa majaw myit daw ai ngu ai lam yan hpe tam ra ai. bungli lam yan a majaw i, dum nta hte seng ai lam yan ni a majaw i ngu hpe hka ja ra ai, bungli a majaw nga yang tinang a bungli hta hpa ni ra kadawn nga ai kun, shata shabrai i, ay i, ahkaw ahkang lam yan ni i, woi awn nga ai ningbaw ni a majaw i ngu ai lam yan ni hpe san jep yu ra nga ai. Ningbaw ni gaw magam gun ni hpe motivate byim hkra lu galaw ya ai zawn, magam gun ni hpe motivate hkrak wa shangun hkra mung lu galaw nga ai re.

Gara masa lam ni gaw myit daw shangun chye ai kaw lawm ai nga yang, masat masa galaw ai lam ningra ai hte n shakawn shagrau chye ai lam rai nga ai, gumhpraw njaw ra nna, magam gun ni myit rawt wa hkra mung mai galaw nga ai re. dai gaw ya sha tsun lai wa ai lam yan rai nga ai. ndai shara hta, ja gumhpraw mung myit rawt wa hkra lu galaw ai atsam ni nga ai, bungli galaw mayu ai myit rawng wa hkra, shakut mayu ai myit rawng wa hkra, mgam dap hta pyaw hkra, tsa shadang law law shang lawm nga ai, ndai shara hta ging dan ai mahtai langai byim na matu gaw ra nga ai, shakut yang shakut ai zawn shagrau ya ai lam nnga yang bungli galaw mayu ai myit ni, myit daw ia lam ni byim wa shangun nga ai

Rung  kata, shamu shamawt lam ni galaw ai..... wuhpung wuhpawng hte shamu shamawt lam  ni galaw ai gaw, magam gun ni hpe myit pyaw shangun nga ai, rung shinggan hta jawm lu sha ai zawn, hkrun lam hkawm ai zawn, game ginsup ai lam ni gaw, magam gun ni a majaw myit tsam pu tsam pa lam ni hpe hkoi shamai kau ya ai lam yan mung rai nga ai

Bai langai gaw, rung kata nga pyaw shangun ai bungli makau grupyin gin shalat ya ai lam rai nga ai. magam gun langai gaw shi a dinghkrai shara jai lang ai arung arai ni nga gring nga ai bungli madu ni gaw dai hpe  ahkayk la lajang ya chye na mung ra nga ai. Shara langai gaw  ahkyak nrai nga ai ngu nmai shadu nga ai, magam gun langai madu hkum kam ai lam nga wa hkra, htuk manu rapra ai lam ni madi shadaw ya ai shara hta mung ra ahkyak lawm nga ai.

Hpang jahtum tsun ga nga yang, magam gun ni magam dap kata hta npyaw sai nga yang, htuk shapra ai gun rai manu ni hkrat sum wa na, gun rai ni hkrat sum wa yang myit daw wa na,bai magam dap hta npyaw wa ai hte myit hkrat myit daw wa na, ndai myit daw ai lam gaw  kap bra wa chye ai lam langai mung rai nga ai dai majaw woi awng taw nga ai ni hku nna, tinang a magam dap kata , ndai zawn myit daw nga ai  magam gun ni nga wa ai ten, ahpa atang ntawn da ai sha, ahkyak la hpran chye na matu yaw shada let..

#youth

#rvakachinservice