Manu Dan Dik Ai Lam Gaw, Magam Bungli Rai Nga Ai ( Youth )

Manu Dan Dik Ai Lam Gaw, Magam Bungli Rai Nga Ai

 

Shinggyim sak prat hpe lu wa ai ten kaw na, shinggyim shingwang hta nga    pra sa ai kaw na, shyinggyim masha hte magam bungli, magam bungli hte shyinggyim masha ngu ai hpe ahpa atang nsawn tawn na ahkyak la nga ai, hpa majaw nga yang anhte nang ngai yawng a matu manu dan dik ai lam gaw magam bungli rai nga ai.dai hku tsun ai hta, gara magam bungli gaw manu dan dik lam yan rai nga ai kun ngu san na shara nga na re hpe myit lu ai

 

Dai hte maren, Magam bungli ngu ai gaw, lu na sha na lam a matu, sak hkrung kan bau lam a matu galaw ai bungli hpe tsun ai nre i? nga nna mung tsun chye na re, Kaja wa sha Bungli ngu ai gaw, sak  prat kan bau lam magam bungli hpe chyu tsun mayu ai gaw nrai nga ai, ma kaji ni jawng sa ai mung bungli rai nga ai, ramma ni gawdin ginsup ai lam ni mung bungli rai nga ai, bai gainu jan ni gat sa ai mung magam bungli rai nga ai, nta sun wang hta nampan hkai ai lam, rau ai ten laika hti ai lam ni, manang shada da ph shaga ai lam ni mung, bungli rai nga ai, kaning re ai bungli hpe galaw ai mi rai rai, yaw shada lam nga nga, lachyum nga nga, tinang a sak prat htawm hpang nhten za shangun ai hte nseng ang ai lam ni kaw n alai bungli shagu gaw manu dan ai magam bungli ni rai nga ai.

 

Manu dan ai bungli ni gaw, masha langai a akyang laiken hpe galai shai ya ai lam, shalat shapan ya ai lam ni hta, madung rai nga ai, tatut magam bungli hte, bungli nnga ai lam ni hta, mabyim masa lam hpe yu yang, bungli nga ai wa gaw, magam bungli a hting hkang sharai ya ai a marang e akyang lailen hten za nga ai ngu hpe nbyin pru shangun chye nga ai, laika dum hta sa let shani shagu laika hti nga ai wa a matu gaw, laika buk hta na lu la ai machye machyang lam ni hpe hkam sha lu na rai nga ai, dai hta, laika hti myit lawm ai ni hte  hku hkau lu wa na, laika kaw na lu la ai machye machyang ni, myit sawn lam ningmu ni, garan gachyan hkat lu na rai nga ai, laika hti ai law ai kaw na, laika ka mayu ai myit ni paw pru wa na re, laika ka lu ai atsam marai ni hpring wa sai nga yang, awng dang na sak prat langai de byin pru wa chye nga ai, bungli a ntsa, hkungga tsawra ai a marang e manu dan ai sak prat hkrang shapraw lu wa na sha rai nga ai  laika ni ka shapraw lu sai nga yang, laika buk gin shalat lu na nyak nga sai lam ga shadawn lam hte mung n gun jaw mayu ai.

Bungli hpe bungli hte bung hkra galaw chye ai lam gaw , akyu ara law law hpe byin pru shangun nga ai aten hpe manu dan ai hku jai lang akyu jashawn chye wa ia, aten hpe shi shara hte shi jai lang chye wa ai ten, sadi sahka hkawm sa chye ai ngyan marai ni, kungkyang wa ai hte sak prat hpe gaw sharawt ai aten madi shadaw ya lu ai bungli ni hte aten shagu hpe jai lang chye wa ai a majaw, aten ladaw shagu gaw manu dan nga ai lam hkrai rai nga ai, lagawn lamawn let, gara magam bungli ni a ntsa, myit maju jung lam nnga ai masha wa a matu gaw, rau ai ten ni law jat wa na, dai zawn rau ai aten ni gaw pyaw hpa lam byin wa na  awng dang lam hte tsang nga let kyang lailen ni nkaja wa na sha n ga sak prat ting mung daw hten mat chye nga ai re . bai bungli galaw nga ai ni lu la na akyu ara nig aw, kung kyeng zet let lam langai sha nrai atsam ningj ani hpe mung grau bawng ring wa shangun ai lam hta, shaman shakyang ai lam ni nga wa na rai nga ai, sa di nga chye ai lam ni lu wa na, tingkyeng myit sawn lam ni hpe mung koi yan wa lu na re, jaw ai shut ai ngu ai hpe mung, garan gin hka chye myit chye mang ai sha n ga, magam bungli hte seng ai lam yan ni mung hpring wa na, shinggyim kanawn mazum lam ni hta mung dam lada wa lu ai hte, masha law law a kam shamyet da gring ai lamhpe mung hkam la lu wa na, dai zawn re mahtai kaja ni gaw, bungli a ntsa, manu shadan tawn ai lam a majaw byin pru wa lu ai  lam ni rai nga ai re, magam bungli gaw kyang lailen kaja hpe byin pru wa shangun lu nga ai,

 

Masha kaja, byim ai masha  langai byin mayu ai ni a matu gaw, tinang myit lawm ai katu sharawng ai lam hta, mara nnga ai sha, magam bungli langai hpe lata galaw shakut yu u, atsam ningja ni rawt tsaw wa lu na re, dai majaw manu dan dik ai lam gaw, magam bungli rai nga ai ngu

 

#youth

#rvakachinservice  

 

Add new comment

10 + 6 =