Mai Kaja Ai Ningmu Gaw Awng Dang Ai Asi Pu Hpe Lu Shangun Nga Ai

 

Tsawra Ai Ramma ni nang a prat hpe gara hku myit sawn hkam sha lu nga ai kun?, Hka bang da ai hka gawm gaw, hka ang hkup sha hka nga ai shadu nga ai kun? dai nre yang, hka hka ang hkup sha bang da ai ngu mu mada nga ai kun? nang a ningmu gaw nang a sak prat hpe daw dan ya lu nga ai

Lamana nang hta nkaja ai ningmu ni hte hpring nga na nga yang, nang a sak prat mung myit ru lam ni hte sha hpring taw na rai nga ai, dai hta n gun jaw mayu ai gaw, mai kaja ai ningmu mu chye ai wa gaw grau grau hkam kaja lu shangun nga ai

Hka law law lu ai, shamu shamawt lam man man galaw ai, ahara ni ram ra hkra malu masha ni sha ai gaw, hkam kaja lam a matu, kaja shangun ai zawn, mai kaja ai ningmu ni nga ai lam mung, nang a hkam kaja lam hpe shatsaw ya lu nga ai, dai mai kaja ai ningmu ni a majaw sha, hkum nangnak atsam ni rawt wa nna, tsampu tsampa lam ni hpe mung shayawm ya lu nga ai nga nna tsun da ma ai. Bai

Htawm Hpang A Matu Mai Kaja Ai Lam... Kaja ai ningmu nga ai lam gaw, nang a mungkan hpe hpaw malang wa shangun ai hte bung nga ai, n-kaja ai ningmu ntsa hta myit maju jung da nga yang, lai wa sai ten na mabyim nhkra ai ni hta, pat hkum taw nga na rai nna, htawm hpang a matu mung rawt jat wa lu na nrai nga ai raitim, nang gaw mai kaja ai ningmu ni hpe hkam sha lu taw na nga yang, kaja ai myit hkam sha lam ni, myit pyaw lam ni, myit shang sha hpa ni hte, htawm hpang a matu, myit mada shara zawn re ni hpe hkam sha lu wa na rai nga ai

 

Gin Shalat Lu Ai Atsam Ni Tsawwa Shangun Ai...Kaja ai ningmu myit masa ni hte, gin shalat lu ai atsam ni gaw, langai hte langai ginrun let nga nga ma ai re, nang hku nna, nkaja ai ningmu law taw nna, tsampu tsampa rai law nga yang, bawnu gaw, gin shalat lu ai atsam ni yawm wa shangun nga ai. dai majaw tinang a gin shalat lu ai atsam ni tsaw wa hkra galaw shakut mayu yang gaw, lam yan masa lam yawng a ntsa, kaja ai ningmu ni paw pru hkra nga ra ga ai ngu n gun jaw mayu ai

Dai hku nga yang Mai Kaja Ai Ningmu Myit Masa ni hpe gara hku gin shalat lu na ngu ai hta, tsawra ai ramma kanau kasha ni...Nang Mani sumsai rai nga u mai sumsai rai na myit nrawng nga taw tim, mani jahpai masu u, law law mani dat ai ten, dai mani sumsai rai ai lam gaw, nang a bawnu hta pyaw shangun ai haw mung ni law law gin shale ya ai madi shadaw ya ai lam ni rai nga ai

GARUM SHINGTAU U ... Laga wa hpe garum shingtau ai lam gaw,myit mu myit pyaw lam hpe hkam sha shangun lu nna, mai kaja ai myit hkam sha lam ni hpe byim pru hkam sha lu ai lam langai rai nga ai sha n ga , lani mi hta ra kadawn nga ai masha langai hpe kalang dang garum shingtau jaw ai a marang e nang a myit hkam sha lam ni grau grau kaja wa nhtawm  myit pyaw sim sa le awng dang ai ramma prat hpe lu madu wa lu na re ngu n gun jaw dat let,  

 

Add new comment

5 + 2 =