Magam Dap Kata Hte Kaja Ai Kanawn Mazum Lam ( Youth Program )

Bungli magam dap ngu sai hte rau, masha hkum, hpan hkum, aya tsaw, nem hta hkan nna, ang ai magam bungli ni hpe galaw let, lani lani tawt lai ra ai gaw, shingra maka tara nan rai nga ai. shani shagu mu hkrum kanawn mazum ra ai bungli magam dap hta, tinang hta aya tsaw ai nem ai mi raitim, nbung ai magam bungli ni gun hpai ra ai majaw langai hte langai a kanawn mazum lam hpe, ahkyak la manu shadan ra ai ni hta, langai byim wa nga ai.

Bungli madu hte mi rai rai, magam gun shada mi rai rai, mai kaja ai kanawn mazum lam ni, gaw sharawt lu na matu, hpa ni sadi ra ai, gara hku hkyen lajang ra ai lam hpe, hka ja lu ai daram gam garan mayu nngai.

Bungli magam dap hte aya tsaw, nem ai lam ni hpe gan malap da nna, langai hte langai tsun shaga ai lam ngu na, masat yu u, hpring tsup awng dang ai kanawn mazum lam langai byim wa lu na matu, madu hkum a npawt shinggyim kanawn mazum lam kaja na matu n nan hpang wa ra na rai nga ai.

1.Kaja dik madat ya chye ai wa byim ra ai.... Kaja dik tsun shaga lu ai wa byim na mat gaw, shawng nnan e, kaja dik madat ya chye ai wa byim hkra shaman ra ai, madat ya ai hpe sha, madung dat nna, shi hpang kalang bai hpa ni tsun na ngu ai hpe ntsang taw ai sha, madat ya u, shi hpa tsun byim mayu ai kun, hpa hpe tsun mayu kun ngu hpe shang chye hkra shakut u, bung li madu hte mi shaga ga, magam gun shada shaga ga tinang tsun mayu ai hta, shanhte tsun ai hpe shawng myit maju jung let madat ya u, kaja dik madat ya ai wa byim wa magang, shanhte a ra kadawn lam ni hpe garum hparan ya lu ai lam grau ni htep wa magang rai wa lu nga ai re.

Lama wa nang a bungli madu, manager, woi awn ai masha kaba langai ngai hte, zup hpawng hta hkrum wa na nga yang, shanhte tsun ai lam yan ni hpe shawng ka jahkrat na matu ra kadawn nga ga ai, na hte madat nna daw dan jahkrat lam ni hpe ka jahkrat da ai lam gaw grau nna matsing lu nga ai lam rai nga ai.

2.Kadun dawk hte asan rai chye tsun ra ai... Bungli magam dap kata, langai hte langai a nbung ai lit la ai lam ni , nbung ai magam bungli ni galaw shakut nga ai ni hkrai rai nga ai majaw, langai wa a ahkying aten ni hpe, hkungga chye ra  nga ga ai, ten shagu gaw masha shagu a matu, manu dan nga ai ngu hpe nmai malap nga ai, Meeting kaw hkrum ai mi rai rai, laga lam yan ni hte  hkrum ai mi rai rai, bungli lam yan tsun shaga ai mi rai rai, langai hte langai hkungga la ra hte,  tinang tsun mayu ai lam hpe kadun dawk hte ra kadawn lam hpe asan sha tsun chey na matu, hkyen lajang chye  ra ai

3.Dinghkrai hkam sha lam ni , nmai dan dawng ai......Pyaw hpa lam langai a matu, pyaw ai lam myit hkam sha lam langai gaw, mara, myit shuk lam langai nbyim pru shangun tim, lama wa nang pawt sindawng taw ai, myit gumhtawn nga ai nga yang gaw sadi ra nga ai, shut ai lam nbyim na matu, nang a hkam sha lam a majaw, manang wa hpe myit shuk lam ni byim pru lam tai na nga yang asan sha hkam sha lu nga ai ten langai  jaw na matu lata ra nga ai, ga lai yang hka tai chye nga ai majaw, nang a myit hkam sha lam ni a majaw, shinggyim kanawn mazum lam ni hta dingbai dingna nbyim hkra sadi ngu shadum mayu ai.

4.Sheng mawng sheng hkang lam ni hpe koi gam u....Ndai zawn mabyim masa gaw, bungli nnan shang ai Fresher ni a matu, madung sadi gring ai lam langai rai nga ai, Lahta na masha kaba langai ngai hte hkrum shaga ai ten, myit gumhtawn wa nna, sheng mawnga sheng hkang byim chye nga ai, nang a galaw ai lai ni hte, myit hpe hting hkang lu na matu, shawng shaman shakyang ra nga ga ai.

5.Shatan ninghkan lam hte aten hkum jahtum.......Masha yawng tsawra ai wa byim na hta, tinang hpe nju ndawng ai ni nnga hkra, nga chye ra ai. Magam gun shada da, njaw nteng ai ga ni, shatan ai lam ni tsun nna, ten nmai jahtum nga ai, akyu n nga ai sha n ga, kazawn mazum lam ni hta mung masan nsa ai zawn ndai zawn lam yan ni hpe koi gam ra nga ga ai.

Bungli magam dap a, masha hpan hkum, myit masa hpan hkum, arawng aya nbung ai lam ni hta pri nem rapra hkra shakut nga sa tsun shaga let, mai kaja dik kanawn mazum lam hpe gaw sharawt let, shinggyim nga sa lam ni hpe shatsaw let, sak prat hta awng dang ai masha byim tai lu hkra shakut nga sa wa ga ngu n gun jaw let

#youth                        

#rvakachinservice