Magam Dap Kata Arawn Alai ( 16.5.2021 )

Arawn Alai ngu ai gaw, madu hkum hta nga ai galaw lu ai ahkaw ahkang hta, galaw gring ai lam hpe galaw chye ai lam hpe, madun nan shaman ra ai tara hpe arawn alai nga nna tsun ma ai.

Jaw ai lam hpe madu hkum nan daw dan nna, galaw shakut ai lam gaw, arawn alai nan rai nga ai, shinggyim rai taw nga ai majaw, shinggyim a wuhpung wuhpawng hta, sak hkrung nga sa ai lam gaw, shinggyim jet ai hte mai kaja htum ngang ngang tsap lu na matu, shakut nga sa shadik ai lam hpe mung, arawn alai nga nna tsun ma ai.

Magam bungli langai hpe galaw ngut sai nga yang, langai hkrai galaw shakut, langai hkrai lu sha, langai hkrai jan tsap lu ai prat nrai wa ai hpe dum hprang ra nga saga ai, madu nan mung mananger byim lu ai, tinang a lahta hta mung mananger nga chye nga ai, yawm htum tsun ga nga yang tinang a Customer hte tsun shaga ra na ni hkrai rai nga ga ai, madu hkum nan gaw, wuhpung langai kata, mang hkang ni hpe hparan ya ra ai daw chyen langai rai nga ai hpe, hkam la na ra nga ai, tinang a wuhpung wuhpawng gaw, htuk shapraw dat ai, gun rai hta, madu mung lit la ya ai, lit hkam ya ai langai ngai hte matut manoi shang lawm mat wa ai hpe dum ra ai, tinang a wuhpung wuhpawng a arawg sadang tsaw wa lu na lam hte, rawt jat awng dang wa na lam yawng hta, tawn da gring ai myit masa lam mung rai nga ai.

Magam dap hta, shara shagu, rung dap shagu hta, dinghkrai daw dan jahkrat galaw ra ai daw ni mung nga nga ai. dai adaw achyen shagu hpe, masa lam jaw jaw, hparan lu na ahkyak nga ai, tinang hting hkang ra na daw hpe n-ahkyak ai law nga nmai shadu kau ai, chyinghka lam hkap wa masha wa kaw na hkawt, ahkyak la nga ai re, dai majaw wuhpung wuhpawng hte galaw ra ai magam dap shagu hta, hkawm sa, tsun shaga, shamu shamawt lam ni yawng hte sadi hkawm sa ai lam mung, arawn alai langai rai nga ai ngu kahtap nna shadum n gun jaw mayu ai.

Arawn alai ngu ai gaw mabyim masa, sat lawat, ahkying aten hta hkan nna, hkrum katut wa chye ai, mang hakng shagu hpe, jaw ai shut ai hpe atsawm daw dan galaw shakut ai lam hpe tsun ai rai nga ai, jaw ai tara masa hpe gindai kasi hku nmai sawn nga ai, shinggyim lam kata hta, masat hkap la da ai jaw ai tara kasi madang ni hpe mung, tawt lai nmai nga ai, raitim, shara shagu hta, tinang a len, tinang a kasi shadang ni hte jai lang nga ga ai hpe mung sadi ra nga ga ai, sut masa lam, mung masa lam, shinggym lam, nawku hpung hte seng ai kasi shadang ni gaw, shi shara hte shi nga chgalu rai nga ai, Upadi ngu ai mung jahkrat masat da ma ai, dai majaw, tinang a shinggyim wuhpung wuhpawng, magam dap kaw na masat da ai kasi shadang ni hpe ntawt lai na matu mung ra ahkyak nga ai.

Arawn alai hte seng ai jahkrat masat da ai lam ni gaw, shara shagu hta nga na sha rai nga ai, hpa majaw hting hkan hkan sa ra ai i nga yang, tinang a majaw ngu ai langai sha nrai, shawa hte seng ai a majaw rai nga ai, arawn alai hte seng ai, madung lam shagu hpe yu dat yang, shinggyim a sari sadang hpe nhkra ai, ngwi pyaw simsa lam, mai kaja ai hku sak hkrung nga pra lu na lam ni a ntsa, npawt madung da nga ma ai hpe mu lu nga ai, tinang mung , dai jasat jasa lam ni hpe, ra sharawng awng ai nga yang, manang wa a ntsa, dai jasat jasa ahkaw ahkang ni nhkrat sum hkra makawp maka ya na lit ni nang ngai hta nga nga ai re, arawn alai ngu ai gaw, madu nan hkan shadik lu  yang she, manang ni mung hkan shadik lu na rai nga ai, dai majaw yawng hte arawn alai kaja nga yang, hpring tsup ai sak prat langai hpe lu madu lu na rai nga ga ai ngu gam garan dat let,

#youth

#rvakachinservice