Magam Dap Hta Kanawn Mazum Lam Kaja Wa Lu Na Matu

Tinang gara magam bungli hta mi galaw galaw tinang a lahta na masha kaba ni, magam gun manang shada da ganawn mazum chye na ra ahkyak ai kaw shang lawm nga ai, ladat hpaji tsaw nga ai prat hta, masha hkum dek mi rai rai, phone, email hte social media ni kaw na shana laika ni hpe, tang du ai hku gara hku hpran na ngu ai hpe mung chye ra nga ai, kanawn mazum lam kaja ai gaw, tinang hpe bungli jaw na matu, aya shatsaw ya na matu hte, tinang a magam bungli ting hpe awng dang na matu garum ya na rai nga ai, 

1. Madat mara chye ra ai. Manang wa tsun ai hpe madat ya chye ai lam gaw, kanawn mazum lam kaja ai lam yen langai mung rai nga ai

2. A-ngwi A-ngawn byim shangun ai hkum hkrang sat lawat ni hte, akaw alaw re ai mahku nsen ni gaw, tinang hpe grau hkau chyap wa shangun nna, asan brang lu tsun na matu n gun jaw ai hte bung nga ai

3.Hku hkau ai mani sum sai lam ni gaw, magam gun manang wa hpe tinang a dan leng ai lam hpe, myit malang ai hku hku hkau wa na lam hta n gun chye byim shangun nga ai

4.Kam ai lam nga, Manang wa hte tsun shaga ai shaloi Kam ai Myit nga u, magam gun manang shada kam ai myit madun ai gaw tinang hpa tsun mayu ai ngu ai hpe kam wa shangun nna, hkan nang chye ma ai re

5.Rap ra ai myit sawn lam ngu ai hpe yu yu ai shaloi, tinang a bungli madu, magam gun manang ni hte, myit nhkrum ai mi raitim, manang wa a ningmu hpe chye na ya nna, manu shadan chye na ra ahkyak dik rai nga ai. ngu ai lam ni hpe hkap madat la yu ga

#youth

#rvakachinservice