Magam Bungli Hte Phone 

Magam Bungli Hte Phone 

Ya prat hta, nnga nmai shani shagu jai lang taw ai arung arai ni hta na, mobile  phone mung nlawm nmai rai nga ai, jahpawt manap myi hpaw dat ai hte rau shana yup ten du hkra, lani mi tup jai lang nga ga ai, phone gaw bungli magam dap hta, gara hku lachyum pru ai lam ni nga ai kun? kaja ai lam ni, nkaja ai lam ni gaw hpa ni rai na kun? Magam dap kata hta, phone gaw nnga nmai ahkyak wa nga ai, Client ni hte matu mahkai na matu, Customer ni hte galoi mung matut mahkai lu na, gun rai manu ni, shiga ni hka ja lu na matu ngu zawn re ni bungli hte seng ai lam ni, lawan ladan rai na matu, jai lang nga ga ai re, ndai hpang daw bungli magam dap hta, Customer service hpe madung da wa nga ai hpe mu lu nga ai

Htuk shapraw da ai gun rai jai lang ai ni, akyu pru n pru law malawng gaw ph set nhtawm san chye nga ga ai, bai ndai hpang daw de Survey ni hta ai lam hta mung Mobile phone hpe jai lang wa nga ga ai, Phone a mai kaja lam ni gaw, aten htum ai lam hpe hkyem sa nna, lawan ladan rai nga lu ai bai masha pu ba ai lam mung yawm wa lu nga ai re, mobile ph ni dam lata ai hku jai lang wa ai hpang, magam dap kata, madi shadaw ya lu ai appilication ni mung law law paw pru wa nga ga ai,  bai nna, bungli hte segn ai shiga lawm lam ni loi loi hte lawan ladan sawk tam lu ai lam mung, mai kaja ai lam langai rai nga ai, ya nga yang, social media ni hpe magam dap a matu, jai lang wa nga sai re, Facebook, Twitter, Viber ni hta group hpaw nna, zup hpawng dung ai lam hte shiga lawm lam ni garan gachyan ai lam ni galaw nga ga ai, jahpawt kaw na shana du hkra lani mi tup ngu na daram phone hpe jai lang nna bungli hte seng ai  shiga lawm lam ni ten nlata tsun shaga mai nga sai rai nga ai

Bai phone kaw lawm ai camera, internet, notes zawn re ni appilication ni gaw, magam gun ni a matu, nnga nmai rai nga ai, camera hte masat dingsat gayet da ai ni, internet kaw na shiga lawm lam tam ai, emai sa ai, notes kata bungli hte seng ai ahkyak ai lam ni matsing da ai lam ni galaw nga ga ai, bai phone kata kaw na, GPS jai lang let, Map kaw na hkrun lam mahkrun tam ai ni, survey hte hka ja ai lam ni galaw nga ga ai, phone jai lang let, nta kaw na bungli galaw lu ai zawn wifi lu ai lu sha seng ni, coffe seng ni hta mung bungli galaw lu mai nga ai, wifi ni loi loi hte shakap lu ai hpang mobile phone jai lang let, shiga sak tam ai lam ni grau tsaw wa nga ai, zup hpawng ni nga yang, gara kaw mi rai rai, ten nlata kalang ta lu galaw ai lam ni gaw, dai ni na prat a rawt jat lam ni kaw na langai rai nga ai, mobile phone a  akyu pru mai kaja lam gaw magam dap shinggan de mung galai shai ai lam lawan nga ai, Covid 19 byim ai hpang, magam gun law malawng tinang a atsam marai ni rawt jat na hte, update shatsaw na matu, phone jai lang let, online learning ni galaw wa nga ai, online ntsa sharin ra ai sharin dabang amyu myu paw pru wa ai

Ndai sharin dabang lung na matu, ph langai nga ai hte yawng ngu na daram masan sa wa nga ai, tinang myit lawm ai lam, bungli hte seng ai hpaji lam ni hpe gumhpraw jaw nna sharin la lu ai zawn manu nla ai sha sharin jaw ya ai Video ni, website ni mung law law rai nga ai, shi a mai kaja lam gaw, rau ai ten hta shang hka ja dat sha rai nga ai, da sang aten jaw na nra nga ai, free lu hti ai bungli dap hte seng ai laika ni mung law law rai nga ai

Magam dap hta ph jai lang ai hte seng nna, mai kaja ai lam ni nga ia zawn hkrat sum ai lam ni mung law law rai nga ai hpe mu lu nga ai, ya hpang daw de magam gun law malawng ni game ginsum ai ni law wa ai, rung yu ai ten hte shana daw hta law malawng ginsup nga ma ai, shana jan lawng ai du hkra ginsup nna, jau jau nlu rawt ai baw machyi ai lam ni byim wa nna,hpang akyu ara ni gaw, rung lung hpang hkrat ai, bungli hta myit maju nlu jung ai, yup mayu ai lam ni byim wa chye ai, matut dai hku sha rai nga yang bungli hta hkra machyi wa ai, bai rung ten game gin sup ai hte personal social media jai lang ai lam ni mung, bungli hta jam jau jaw chye nga ai.

Tinang gaw shani tup ph jai lang ai wa nga yang, bungli pat nhtoi hte rung ten shinggan ni hta bungli a matu, grup galaw da ai kaw na, laika sa ai, bungli shangun ai zawn re ni gaw jam jau jaw ai hte, ding hkrai aten yawm ai lam ni hte hkrum chye nga ai, ya hpang daw nga yang appilication ni jai lang let, hting hkang ai lam ni galaw wa nga ai

Phone bill a matu dasang htum ai lam ni nga wa ai, nkau magam gun ni nga yang, shata shabrai pung masum na pung mi gaw ph bill a matu rai taw ai hpe mung mu lu nga ai, nkau company ni gaw bungli a matu, ph bill htuk ya ai lam ni nga ai, bai ph jahkring hkring galai ai lam ni nga ai majaw gumhpraw mahkawng na lam yak wa ai rung hta mang hkang ni pru wa yang social media ntsa hkan myit pru lam lu na matu, galaw ai lam ni  law wa nga ai, magam dap hta mang hkang ni grau law wa ai,  bai nna, ph jai lang ai ni law wa ai zawn, myi set set ra ai ni mung law wa ai, hkum hkrang shamu shamawt lam ni yawm wa ai hte hkam kaja lam hkra machyi ai ni mung nga nga ai, social media kaw na bungli madu ni yu maram ai lam ni hkrum wa ai, bungli hte seng ai lam yan ni, sumla ni, socaial media ntsa mara hkrup chye nga ai, laga company wa kaw na loi loi hte sagawn la kau chye nga ai re, kanawn mazum lam ni n gun yawm wa ai, bungli hta ph a majaw rawt jat wa ai ni nga ai zawn maga mi hku nna yu yang, hkrat sum lam ni kaji kajaw nga nga ai hpe mung mu lu nga ai, dai majaw, jai lang ai wa a ntsa kaw madung da let, magam gun ni hku nna, ph hpe akyu nga nga jai lang chye na ra ahkrak nga ai ngu gam garan dat let,

#youth

#rvakachinservice