Magam Bungli Dap Kata, Kam Hpa Lam Hpe Jahten Kau Ya Chye Ai Lam Ni ( Youth Program )

Masha langai a matu, kam shamyet lam gaw, kade ram ahkyak nga ai kun? ningmu hte tsun ga nga yang mung, asak hte maren ahkyak la nga ai. Masha ni a kam hpa shamyet lam hten za hkrum sai nga yang, si mat ai hte bung nga sai re. Shinggyim wuhpung hta sha n-ga, magam dap kata ni hta mung, dai kam shamyet lam hten za sai nga yang, bai gaw sharawt na mung grai yak ai lam yan masa rai nga ai re.

Gara lam yan ni a majaw dai kam shamyet lam ni hten za nga ai kun? Masha langai a, akyang lailen, shamu shamawt  tsun shaga lam yan ni a majaw, hkrat sum mat wa chye nga ai. dai sha n-ga, shinggyim sari sadang ni nkaja yang mung kam hpa ai lam yan ni hten za chye nga ai, shinggyim sari hpe gaw, tara upadi hte, ahkyak la nmai ai lam yan ni rai nga ai.

Masha ngu byim wa sai hte rau, upadi hte madi n-madun da ai, hkan shatup ra na masa lam yan ni gaw, gashadawn, masu magaw ai, sadi ndunga ai lam ni rai nga ai. Upadi hte madi madun da ai ni gaw, Shinggyim gaiwang hta mi rai rai, madam dap shingwang kata hta mi rai rai, wuhpung wuhpwang ni hta mi rai rai, shara shagu hta, upadi hte rip kawp ni nga nga ai, dai kata, langai ngai hpe jahten ai rai yang, shingnrai lahkawng hpe jahten hkrup ai rai yang, masha yawng a, kam shamyet lam ni hten za mat chye nga ga ai re.

Bai Bungli magam dap kata hta, gara zawn re hpan ni a majaw, dai kam shamyet lam ni hten za shangun nga ai kun? Hka ja yu ga nga yang, Sadi ndung ai lam,.... ndai hpe yu yu yang, Ga sadi jaw ai gaw, grai loi nga ai, gasadi gring na shakut ai lam hta yak la nga ai nga ma ai, grai nan jaw nga ai, bungli magam dap kata hta mi rai rai, laga shara ni hta mi rai ria, ndai ga sadi ngu ai hpe grai manu shadan nga ga ai.

Bai dai gasadi hpe gring na matu shakut ra nga ga ai.Ndai masha wa gaw, bungli hta, ga sadi jaw ngut yang gring ai wa re nga nna, shakawn ai ga hte, ndai wa gaw, gasadi ni kam hkra tsun kau da nna, ga sadi hpe manu nshadan ai wa nga nna, masha yawng a, kam shamyet lam yawm ai hte, mying hten mat ai wa, ndai zawn tinang a sari shadang hpe shatsaw ai mung tinang hkum sha rai nga ai zawn, hkrat sum na mung tinang hkum nan kaw madung rai nga ai lam  sadi maja nga let hkawm sa shangun mayu ai.

Masu ai, tsun ai ga hte magam bungli nbung pre ai ngu ai hpe yu yu yang, masu ai mung, kam shamyet lam yawm wa nga ai kun? jaw nga ai, masha wa a, akyu ara sut masa lam hpe hkra machyi shanugn chye ai masu ai lam gaw, masha law malawng a kam shamyet lam hpe jahten shangun chye nga ai. Madu karai kasang mung nra sharawng nga ai re. ndai lam hpe ngalaw gring ai lam  masha law malawng hkap la kam hpa nga ai lam yan langai mung rai nga ai.

Kalang lang, bungli mahkrun hta, tinang lu galaw ai hta jan nna, tsun shaga dat ai ten, lit la dat ai ten, kaja wa tinang lit la dat ai bungli magam hpe, kang kang kaka nlu galaw dat ai ten ni hta, tinang hpe masha ni a kam shamyet lam yawm mat wa chye nga ai,ndai wa gaw, tsun ai hte galaw ai nbung nga ai, kaja nga yang hpa lu galaw ai atsam nnga ai wa she re nga nna masat mat ai ga ni sha na mat chye nga ai. dai majaw tinang lu galaw ai hta jan nna ntsun shaga ga, kaja wa nga yang tsun ai hta, tatut magam lam ni gaw grau dam lada nga ai re, law law tsun na hta, law law galaw madun dat ai lam sha, masha wa a kam shamyet ai lam ni tinang lu la wa na gaw teng sha rai nga ai law.

Dai hpang langai bai ahkyak ai gaw, ja gumhpraw hte seng ai mang hkang rai nga ai.Magam dap hta, ja gumhpraw hte seng nna, mang hkang langai byim pru wa yang, tinang a atsam marai ni, tinang shakut da ai lam yan ni yawng, gaman li la rai mat na rai nga ai, Magam bungli madu ni law malawng gaw, sum nung shingdi ai hpe ra sharawng nga ga ai, kade ram mi byim byim dai lam n-nga yang, akang lailen hte seng ai masat lam langai ngai nga yang, gara bungli madu ni mung nra sharawng nga ai,

dai zawn sha, magam gun shada da mung, tinang hta aya nem ai ni, tsaw ai ni kadai mung, myit sumnung shingdi lam nnga ai hpe nra sharawng nga ma ai re. dai zawn sha, akyang lailen hte seng nna, bai hkan sa ra ai magam ni hta, mying hten ai ni a matu, bungli gaw taw nga ai, bungli shaga ndau laika ni hta, lawm nga ai, akyang lailen kaja ra na ngu ai lam yan rai nga ai.

Ndai lam yan gaw, magam bungli dap kaw sha n-ga, shinggyim  wuhpung wuhpawng ni hta mung ahkyak ai lam yan langai rai  nga ai, dai zawn sha, bungli magam dap kata hta mung, nkam mai ai ni hte, bungli rau nkam galaw nga ma ai, galoi mung nhten ai myi jut ni hte yu hkrum na teng sha re, Tinang a sari sadang hpe, ja gumhpraw kaji kajaw hte sha, dut sha kau ai ni a matu, shara shagu hta galoi mung ngu na daram, nhten ai myi jut ni hte, yu katut hkrum nga ai re, Sari sadang ngu ai gaw, ja gumhpraw hte mari nna,lu mai ai baw nre ai zawn, tinang a akyang lailen hte sha mai gaaw sharawt ai lam yan masa langai rai nga ai hpe n-gun jaw shadum ya mayu ai.

Aten galu gaw sharawt arang bang da ai tinang a sari sadang hpe, ten kadun laman njahten kau na matu sadi maja ra nga ga ai, masha langai asak hkrung na matu, malu masha sha ra ai zawn, prat magam sak prat hkrung nga lu na matu, sari sadang hte gaw sharawt da ai kam shamyet lam lu na ra ahkrak lawm nga ai, tinang sak hkrung nga taw ai ten ladaw hta, masha law malawng a, kam shamyet lam yawm nna, sak hkrung nga sa na matu, sak prat kadun la nga ai ngu gam garan ya let...