Madu Hkum Madu Tawn Da Ai Ga Sadi Ni Gring Lu Hkra Nga Lu Na Matu

 

1.Yaw shada ban dung.. Langai sha ngu ai sak prat a ban dung hpe jahkrat ngut ai hte n ngut shi nga ai, ndai sak prat a yaw shada lam a matu, ban dung kasha ni mung jahkrat ra na re, yaw shada lam kaba langai jahkrat ngut ai hte, kata lam mahkyen lamang nnga yang, nang lu galaw ai daram hkang nhkang ai zawn byim taw nga rai nga ai, nang hkum nang mung n gun lu ai zawn byim na nrai nga ai.

2.Aten.. Aten la na mung ahkyak nga ai, tinang hkrai tinang  jaw da ai ga sadi ni mung law law rai nga ai, dai hta kaba la ai magum mung rai nga ai, raitim, grai wa lawan ladan kahprup kalup galaw ja ai majaw, gara lam yan mung, tang du hkra byim tai wa ai lam nnga ai sha, tinang hkrai tinang sha, ga sadi ndung ai zawn byim mat chye nga ai

3. Manu.. Na hkum nang manu shadan chye na mung ahkyak kaba langai kaw lawm nga ai, grau nna, tinang a kung yang lam yan ni hpe, tinang manu shadan ra nga ga ai, nang n gun dat lu ai lam ni hpe, myit maju jung let galaw shakut na ra nga ga ai.

4. Garum ya ai lam.. Ga sadi ni jaw da ai raitim, ndai ga sadi ni ndung ai lam mabyim jahkring hkring  byim taw nga ai rai yang, nang garum hpyi na matu ra nga sai re, marai langai ngai hpe nang tsun dan mayu ai lam ni hpe hpaw tsun kau u, bai shanhte ni kaw na hpaji hpyi la u, ndai zawn tsun ai lam hta gaw, myit san na ra ahkyak nga ai ngu shadum n gun jaw mayu ai.

 

Smart Byim ai Yaw shada ban dung byim na mung tsawra ai ramma ni a prat hta ahkyak la nga ai.

Masha langai awng dang na matu, lu su na matu, galu kaba na matu, yaw shada ai lam ni nga ra ai hpe yawng chye tawn da sai hte maren, dai yaw shada lam ni gaw, nmu mada lu shi ai yaw shada lam ni zawn gaw nmai rai nga ai

Awng dang ai masha byim mayu ai, lu su lu su ai lam ni byim mayu ai, Weight hkrat mayu ai ngu ai yaw shada lam ni gaw, mi sha tsun ai, mu lu ai zawn nmu lu shi ai zawn naw byim chye shangun nga ai ndai gaw mi sha tsun lai wa ai smart byim ai yaw shada lam ban dung ni rai nga ai, dai rai yang smart byim ai yaw shada ai lam ni gaw kaning zawn rai ai ni rai ngu yang

S- Specific – Hkrak re ai lam byim ra na

M-Measurable – Shadawn lu ai lam rai ra na

  • Achievable – Mai byim ai masa lam nga ra na

R-Relevant – Tiang hte seng ra na

T- Time –bound – Aten masat da ra na ngu ai lam ni shang lawm nga ai.

1.Hkrak re ai lam byim ra na ngu ai hta, yaw shada lam hpe, hkrat lu di ai daram hkrak byim hkra masat u, Lu su mayu ai ngu ai hta, ja gumhpraw kade ram hpe, kade shaning hta e, hpa galaw nna, lu hkra shkut na ngu ai yaw shada lam ni zawn byim grin nga ai ngu n gun jaw mayu ai

2.Shadawn lu ai lam rai ra na ngu ai hpe bai yu yu yang, “ Weight jahkrat mayu ai law ngu ai hta, “ Paung kade jahkrat mayu ai, Hkum nang nak hpe kade paung hta nga hkra shakut na “ ngu hku byim ra na hpe ga shadawn hku tsun dan mayu ai

3.Mai byim ai masa lam nga ra na ngu ai hta gaw bai, yaw shada lam gaw, mai byim ai yaw shada ai lam byim ra na re, Hpawt de Htii pauk ra na ngu zawn re ni, Hpawt de paung 50 weight kalang ta hkrat ra na ngu zawn re ni gaw, mai byim ai masa lam nnga ai ni rai nga ai hpe tsun mayu ai

4.Tinang hte seng ra na.. ndai gaw tinang hte nseng ai yaw shada lam ni nmai byim nga ai,  yaw shada ai lam gaw, tinang hte kalang ta seng ang ai hku rai nna, tinang a matu kaja wa nan, ra kadawn nga ai lam hku byim ra nga ai

5. Aten masat da ra na ngu ai lam hta mung, tsawra ai ramma ni e, yaw shada lam hpe, gara aten ni hta, byim hkra galaw na ngu ai hpe aten masat da ra na re, dai zawn aten masat da ai lam  nnga yang, bungli nbyin nga ai hpe galoi mung dum nga ra ga ai Gumhpraw a madu byim ra nga ngu ai hta, gumhpraw madu byim na matu, hpa magam bungli ni galaw nna, asak kade daram hta, ja gumhpraw kade lu madu ra na ngu ai yaw shada lam ni gaw, grau nna, smart byim shangun nga ai ngu n gun jaw shadum dat let

 

#youth

#rvakachinservice

Add new comment

9 + 2 =