Madu Hkum Madu Shakut Let Sut Su Wa Na Lam De ( Youth Program )

Madu Hkum Madu Shakut Let Sut Su Wa Na Lam De

Sut su galu kaba ai ni hte seng nna, mu mada lam shai nga ai lam ni nga nga ai, mu mada lam langai hta, sut su awng dang wa ai ni hta, shangai wa ai kaw na, ja zun kawa let kaba wa ai lam ngu shadu nga ai lam rai nga ai. dai zawn sut su ai  makau grupyin ni hta, ja shatban kashin let, ban hte ban sut su nga ai ni nrai nga ai,  nga ai ni mung lawm na re rai tim shau nga ai.

Tsun mayu ai gaw, sut su nga ai ni malawm maga gaw, madu hkum madu hpe kam shamyet let shakut shaja ai a majaw lu su wa nga ma ai ni re, nhpring tsup ai prat kaw na pra sa wa let, shakut shaja nga ai ni dai ni mung kan hta law law rai nga ai dai hta, ya na zawn mau hkum madu shakut let awng dang wa ai ni a, lai ladat ni hpe mung hka ja mai nga ai

1.Ban dung ni hpe masat ka jahkrat ai lam.. Madu hkum madu kam hpa let, shakut shaja sut su nga ai ni gaw, shanthe a sak prat yaw shada lam ni hpe, shani shagu ka jahkrat chye nga ma ai 81% na sut du ni gaw, shani shagu galaw sa ai jahpan  To Do List hpe, atsam dat nna ka lajang ma ai lam garan hpaji jaw da ai lam kaw na chye lu ai. Ndai shara hta, sak prat gaw tinang ka jahkrat da ai zawn byim yang she byim wa lu na re, ratitim, yaw shada da lam mahkyen ni hpe ka jahkrat da ai lam galaw ai ni gaw, Focus tawn ai lam hta grau nna n gun ja nga ai hpe mu lu nga ai re ndai mung awng dang na matu shakut nga ai ramma ni len la mai ai ladat kaja langia mung rai nga ai.

2.Yaw Shada lam hpe htam 10 jat ai lam.... Yaw shada lam tawn da ai hte, sut su wa na lam a matu, nhpring tsup shi nga ai, sut du kaba ni gaw, yaw shada ai lam ni mung grai kaba nga ma ai yu maya masha ni hta, htam 10 grau ai yaw shada lam ni tawn da chye nga ma ai, shanhte ni gaw dai zawn tsaw ai yaw shada lam ni hpe gara hku hkrang shapraw na nchye shi ai kaw na yaw shada lam kaba tawn da gwi nga ma ai hpe mu mada lu nga ai dai hpe bai yu yu yang, shanhte ni a Theory gaw ndai hku rai nga ai, yu maya masha ni gaw laning mi shang gumhpraw dollar mun mi ngu saga, shanhte ni gaw htam 10 shalaw let, laning mi shang gumhpraw Dollar wan mi lu mayu nga ma ai rai nga ai, dai hta, masha ni a matu mani hpa rai nga taw tim, nang gaw yaw shada lam kaba tawn da u,  dai hpawng dai  yaw shada lam  hpe dep hkra shakut hkawm sa ngu ngu tsun shadum n gun jaw mayu nngai law

3. Dinghkrai  Mgam Bungli Gaw De U.......Sawk sagawn da ma ai hta, American mung dan na sut du malawng gaw dinghkrai magam bungli madu ni rai nga ma ai da Sut su awng dang ai langai wa gaw, Dinghkrai magam bungli gaw sut su ai lam ni ma hkra hpe htuk shapraw ya lu ai jak rung rai nga ai nga nna tsun da nga ai, ndai lam hpe mung myit yu na shara langai rai nga ai hpe madi madun shadum n gun jaw mayu nngai law

4.Jinghku kaja tam u..... Jinghku kaja nga ai lam mung ahkyak ai shara langai kaw shang lawm nga ai re.. shanthe ni gaw,  shanhte a awng dang na lam game madang hpe, shatsaw na matu, jinghku ni kaw na hpaji hpyi la chye nga ma ai lam mung mu lu ai, tinang hta grau awng dang nga ai ni kaw na mung hka ja la na mtu myit ni kattuu nga ma ai hpe law law shara ni hta madi madun da ai hpe mu mada nga ai

5.Jai Hkum Shama Kau, Arang Bang Let Jai Lang Chye U..Madu hkum madu shakut sut su ai ni a, kaba dik ning –ip lam langai gaw ja gumhpraw hpe maikaja hkra arang bang ai lam rai nga ai, loi loi jai lang ai lam,jahtum shama kau ai lam ni hpe nau ngalaw ma ai re,  dai hta langai shadum mayu ai lam gaw, Nang aw nang a sak prat a madu rai nga u ga, gumhpraw gaw nang a madu ntai u ga hte, nang gaw gumhpraw hpe lu shangun sha lu yang, lawt lu ai  ngwi pyaw simsa lam sak prat hpe lu madu na ria nga ai ngu shadum n gun jaw mayu ai law.

#youth

#rvakachinservice